10 ਕਰੋੜ ਲੋਕ ਵਧ ਫਲੋਰਾਈਡ ਦੀ ਮਾਤਰਾ ਵਾਲੇ ਪਾਣੀ ਦਾ ਕਰ ਰਹੇ ਹਨ ਸੇਵਨ- ਤੋਮਰ

ਨਵੀਂ ਦਿੱਲੀ— ਦੇਸ਼ ‘ਚ 10 ਕਰੋੜ ਤੋਂ ਵਧ ਲੋਕ ਫਲੋਰਾਈਡ ਦੀ ਵਧ ਮਾਤਰਾ ਵਾਲੇ ਪਾਣੀ ਦਾ ਸੇਵਨ ਕਰ ਰਹੇ ਹਨ। ਲੋਕ ਸਭਾ ਨੂੰ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਗਈ। ਲੋਕ ਸਭਾ ‘ਚ ਪ੍ਰਸ਼ਨ ਕਾਲ ਦੌਰਾਨ ਪੀਣ ਵਾਲੇ ਪਾਣੀ ਅਤੇ ਸਵੱਛਤਾ ਮੰਤਰੀ ਨਰੇਂਦਰ ਸਿੰਘ ਤੋਮਰ ਨੇ ਦੱਸਿਆ ਕਿ ਸਮੱਸਿਆ ਨਾਲ ਨਜਿੱਠਣ ਲਈ ਕੇਂਦਰ ਸਰਕਾਰ 800 ਕਰੋੜ ਰੁਪਏ ਜਾਰੀ ਕੀਤੇ ਹਨ ਤਾਂ ਕਿ ਭਾਈਚਾਰਕ ਜਲ ਸ਼ੁੱਧੀਕਰਨ ਯੰਤਰ ਸਥਾਪਤ ਕੀਤੇ ਜਾ ਸਕਣ। ਉਨ੍ਹਾਂ ਨੇ ਕਿਹਾ ਕਿ ਵੱਖ-ਵੱਖ ਰਾਜਾਂ ਅਤੇ ਕੇਂਦਰ ਸ਼ਾਸਤ ਖੇਤਰਾਂ ‘ਚ 12577 ਬਸਤੀਆਂ ‘ਚ ਰਹਿ ਰਹੇ ਕਰੀਬ 10 ਕਰੋੜ 6 ਹਜ਼ਾਰ ਲੋਕਾਂ ਨੂੰ ਪਾਣੀ ਵਾਲੇ ਪਾਣੀ ‘ਚ ਫਲੋਰਾਈਡ ਦੀ ਵਧ ਮਾਤਰਾ ਮਿਲ ਰਹੀ ਹੈ।