ਗੰਗਾ ‘ਚ ਅਸਥੀਆਂ ਪ੍ਰਵਾਹ ਕਰਨ ਦੀ ਬਜਾਏ ਜ਼ਮੀਨ ‘ਚ ਦੱਬ ਕੇ ਲਾਇਆ ਜਾਵੇ ਪੌਦਾ

ਦੇਹਰਾਦੂਨ— ਉਤਰਾਖੰਡ ਦੇ ਮੁੱਖ ਮੰਤਰੀ ਤ੍ਰਿਵੇਂਦਰ ਸਿੰਘ ਰਾਵਤ ਦੀ ਮੌਜੂਦਗੀ ‘ਚ ‘ਨਮਾਮਿ ਗੰਗੇ’ ਪ੍ਰਾਜੈਕਟ ਸਬੰਧੀ ਆਯੋਜਿਤ ਪ੍ਰੋਗਰਾਮ ‘ਚ ਕੇਂਦਰੀ ਰਾਜ ਮੰਤਰੀ ਡਾ. ਸਤਿਆਪਾਲ ਨੇ ਲੋਕਾਂ ਨੂੰ ਅਸਥੀਆਂ ਗੰਗਾ ‘ਚ ਪ੍ਰਵਾਹ ਨਾ ਕਰਨ ਦੀ ਸਲਾਹ ਦਿੱਤੀ।
ਉਨ੍ਹਾਂ ਕਿਹਾ ਕਿ ਗੰਗਾ ਨੂੰ ਨਿਰਮਲ ਬਣਾਈ ਰੱਖਣ ਲਈ ਅਸਥੀਆਂ ਨੂੰ ਗੰਗਾ ‘ਚ ਪ੍ਰਵਾਹ ਨਾ ਕਰੋ ਸਗੋਂ ਇਨ੍ਹਾਂ ਨੂੰ ਜ਼ਮੀਨ ‘ਚ ਦੱਬ ਕੇ ਉਨ੍ਹਾਂ ‘ਤੇ ਵੱਡੇ-ਵਡੇਰਿਆਂ ਦੇ ਨਾਂ ਦਾ ਪੌਦਾ ਲਾਓ ਤਾਂ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਆਪਣੇ ਵਡੇਰਿਆਂ ਦਾ ਅਕਸ ਦੇਖ ਸਕਣ। ਉਨ੍ਹਾਂ ਕਿਹਾ ਕਿ ਇਸ ਵਿਸ਼ੇ ‘ਚ ਮੈਂ ਸਾਰੇ ਪੁਜਾਰੀਆਂ ਨੂੰ ਅਪੀਲ ਕਰਦਾ ਹਾਂ ਕਿ ਲੋਕਾਂ ਵਿਚ ਗੰਗਾ ਦੀ ਸਫਾਈ ਨੂੰ ਲੈ ਕੇ ਜਾਗਰੂਕਤਾ ਪੈਦਾ ਕਰਨ।