ਬੇਨਕਾਬ ਹੋਇਆ ਆਸ਼ਰਮ ਦੀ ਆੜ ‘ਚ ਚੱਲਦਾ ਅਯਾਸ਼ੀ ਦਾ ਅੱਡਾ:ਆਪਣੇਂ ਆਪ ਨੂੰ ਕ੍ਰਿਸਨ ਦੱਸਦਾ ਸੀ ਸਾਧ
ਨਵੀਂ ਦਿੱਲੀ—ਦਿੱਲੀ ‘ਚ ਰੋਹਿਣੀ ਦੇ ਵਿਜੇ ਵਿਹਾਰ ਇਲਾਕੇ ‘ਚ ਆਧਿਆਤਮਕ ਯੂਨੀਵਰਸਿਟੀ ਦੇ ਨਾਮ ਨਾਲ ਚਲਾਏ ਜਾ ਰਹੇ ਆਸ਼ਰਮ ‘ਚ ਕਈ ਘੰਟੇ ਚਲੇ ਰੇਸਕਿਊ ਆਪਰੇਸ਼ਨ ਤੋਂ ਬਾਅਦ ਕਰੀਬ 40 ਲੜਕੀਆਂ ਨੂੰ ਅਜ਼ਾਦ ਕਰਵਾਇਆ ਗਿਆ ਹੈ। ਜਿਨ੍ਹਾਂ ‘ਚ ਨਬਾਲਿਗ ਲੜਕੀਆਂ ਵੀ ਸ਼ਾਮਲ ਹਨ। ਦਿੱਲੀ ਪੁਲਸ, ਸੀ.ਡਬਲਿਊ.ਸੀ. ਅਤੇ ਦਿੱਲੀ ਮਹਿਲਾ ਕਮਿਸ਼ਨ ਦੀ ਟੀਮ ਨੇ ਸਵੇਰੇ ਤੋਂ ਹੀ ਆਸ਼ਰਮ ‘ਤੇ ਡੇਰਾ ਲਗਾਇਆ ਹੋਇਆ ਸੀ। ਇਸ ਦੌਰਾਨ ਪੁਲਸ ਨੇ ਪਹਿਲਾਂ ਪੂਰੇ ਇਲਾਕੇ ਦੀ ਘੇਰਾਬੰਦੀ ਕੀਤੀ। ਉਸ ਦੇ ਬਾਅਦ ਤਲਾਸ਼ੀ ਅਤੇ ਰੈਸਕਿਊ ਆਪਰੇਸ਼ਨ ਸ਼ੁਰੂ ਕੀਤਾ ਗਿਆ। ਇਸ ਦੌਰਾਨ ਪੁਲਸ ਨੇ ਮਾਇਕ ਦਾ ਇਸਤੇਮਾਲ ਕਰ ਐਲਾਨ ਕੀਤਾ ਕਿ ਆਸ਼ਰਮ ਤੋਂ ਨਿਕਲ ਰਹੀਆਂ ਔਰਤਾਂ ਦਾ ਵੀਡੀਓ ਜਾਂ ਫੋਟੋ ਲੈਣਾ ਮਨ੍ਹਾ ਹੈ।
ਆਸ਼ਰਮ ਦੀ ਆੜ ‘ਚ ਅਯਾਸ਼ੀ ਦਾ ਅੱਡਾ ਚਲਾਉਣ ਵਾਲਾ ਵੀਰੇਂਦਰ ਦੇਵ ਦੀਕਸ਼ਿਤ ਹਾਲੇ ਵੀ ਪੁਲਸ ਦੀ ਪਹੁੰਚ ਤੋਂ ਬਾਹਰ ਹੈ। ਪੁਲਸ ਨੇ ਰੈਸਕਿਊ ਕੀਤੀਆਂ ਗਈਆਂ ਲੜਕੀਆਂ ਅਤੇ ਔਰਤਾਂ ਨੂੰ ਦੋ ਬੱਸਾਂ ‘ਚ ਭੇਜ ਦਿੱਤਾ। ਆਸ਼ਰਮ ‘ਚ ਦਿੱਲੀ ਪੁਲਸ ਦਾ ਆਪਰੇਸ਼ਨ ਰੈਸਕਿਊ ਹਾਲੇ ਵੀ ਜਾਰੀ ਹੈ।
ਦੱਸ ਦਈਏ ਕਿ ਆਧਿਆਤਮਕ ਯੂਨੀਵਰਸਿਟੀ ਨਾਮ ਨਾਲ ਆਸ਼ਰਮ ਚਲਾਉਣ ਵਾਲਾ ਬਾਬਾ ਵੀਰੇਂਦਰ ਦੇਵ ਦੀਕਸ਼ਿਤ ਆਪਣੇ ਆਪ ਨੂੰ ਕ੍ਰਿਸ਼ਣ ਦੱਸਦਾ ਸੀ। ਉਹ ਹਮੇਸ਼ਾ ਮਹਿਲਾ ਪ੍ਰੇਮੀਆਂ ‘ਚ ਹੀ ਰਿਹਾ ਕਰਦਾ ਸੀ। ਮੀਡੀਆ ਰਿਪੋਰਟਸ ਮੁਤਾਬਕ, ਉਸਨੇ 16000 ਔਰਤਾਂ ਨਾਲ ਸੰਬੰਧ ਬਣਾਉਣ ਦਾ ਟੀਚਾ ਰੱਖਿਆ ਸੀ। ਉਹ ਗੋਪੀਆਂ ਬਣਾਉਣ ਲਈ ਲੜਕੀਆਂ ਨੂੰ ਸੰਬੰਧ ਬਣਾਉਣ ਲਈ ਆਕਰਸ਼ਤ ਕਰਦਾ ਸੀ।
