2017/18 ‘ਚ 12 ਹਜ਼ਾਰ ਅਮੀਰਾਂ ਨੇ ਛੱਡਿਆ ਭਾਰਤ

ਦੁਨੀਆ ਦੇ ਵੱਡੇ ਦੇਸ਼ਾਂ ਵਿਚ ਭਾਰਤ ਦੀ ਅਰਥ ਵਿਵਸਥਾ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਹੈ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ ਪਰ ਇਸ ਦੇ ਬਾਵਜੂਦ ਦੇਸ਼ ਤੋਂ ਅਮੀਰਾਂ ਦਾ ਜਾਣਾ ਜਾਰੀ ਹੈ। ਸਾਲ 2018 ਵਿਚ ਭਾਰਤ ਤੋਂ 5 ਹਜ਼ਾਰ ਹਾਈ ਨੈਟਵਰਥ ੍ਯਇੰਡੀਵਿਜੁਅਲ (ਐਚਐਨਡਬਲਿਊਆਈ) ਨੇ ਦੇਸ਼ ਛੱਡ ਦਿੱਤਾ। ਇਹ ਦੇਸ਼ ਵਿਚ ਮੌਜੂਦ ਕੁਲ ਐਚਐਨਡਬਲਿਊਆਈ ਦੀ ਗਿਣਤੀ ਦਾ 2 ਪ੍ਰਤੀਸ਼ਤ ਹੈ। ਐਚਐਨਡਬਲਿਊਆਈ ਉਨ੍ਹਾਂ ਲੋਕਾਂ ਦਾ ਕਿਹਾ ਜਾਂਦਾ ਹੈ ਜਿਨ੍ਹਾਂ ਦੀ ਨੈਟਵਰਥ 10 ਲੱਖ ਡਲਰ ਯਾਨੀ ਕਰੀਬ 7 ਕਰੋੜ ਰੁਪਏ ਤੋਂ ਜ਼ਿਆਦਾ ਹੈ। ਹਾਲਾਂਕਿ, ਚੰਗੀ ਗੱਲ ਇਹ ਹੈ ਕਿ 2017 ਦੀ ਤੁਲਨਾ ਵਿਚ ਇਸ ਅੰਕੜੇ ਵਿਚ ਕਮੀ ਆਈ ਹੈ। 2017 ਵਿਚ ਸੱਤ ਹਜ਼ਾਰ ਅਮੀਰ ਲੋਕਾਂ ਨੇ ਭਾਰਤ ਛੱਡਿਆ ਸੀ। 2018 ਵਿਚ ਭਾਰਤ ਇਸ ਮਾਮਲੇ ਵਿਚ ਦੁਨੀਆ ਵਿਚ ਤੀਜੇ ਸਥਾਨ ‘ਤੇ ਹਨ। ੍ਯਇਹ ਸੂਚੀ ਐਫਰੋ ਏਸ਼ੀਆ ਬੈਂਕ ਅਤੇ ਰਿਸਰਚ ਫਰਮ ਨਿਊ ਵਰਲਡ ਵੈਲਥ ਨੇ ਜਾਰੀ ਕੀਤੀ। ਚੀਨ ਪਹਿਲੇ ਤੇ ਰੂਸ ਦੂਜੇ ਸਥਾਨ ‘ਤੇ ਹੈ। ਦੇਸ਼ ਛੱਡ ਕੇ ਬਾਹਰ ਵਸਣ ਵਾਲੇ ਅਮੀਰਾਂ ਦੇ ਲਈ ਅਮਰੀਕਾ ਅਤੇ ਆਸਟ੍ਰੇਲੀਆ ਦੋ ਸਭ ਤੋਂ ਮਨਪਸੰਦ ਦੇਸ਼ ਦੇ ਤੌਰ ‘ਤੇ ਸਾਹਮਣੇ ਆਏ ਹਨ। ਰਿਪੋਰਟ ਵਿਚ ਕਿਹਾ ਗਿਆ ਕਿ ਚੀਨ ਦੀ ਅਰਥ ਵਿਵਸਥਾ ਹੌਲੀ ਪੈ ਰਹੀ ਹੈ। ਲਿਹਾਜ਼ਾ ਉਥੋਂ ਜ਼ਿਆਦਾ ਅਮੀਰ ਪਲਾਇਨ ਕਰ ਰਹੇ ਹਨ। ਅਮਰੀਕਾ ਦੇ ਨਾਲ ਟਰੇਡ ਵਾਰ ਕਾਰਨ ਵੀ ਚੀਨ ਦੀ ਸਥਿਤੀ ਕਮਜ਼ੋਰ ਹੋ ਰਹੀ ਹੈ।