ਦੇਸ਼ ਛੱਡ ਕੇ ਜਾਂਦੇ ਅਮੀਰਾਂ ਦੇ ਪੱਖ ਤੋਂ ਭਾਰਤ ਤੀਸਰੇ ਨੰਬਰ ਉੱਤੇ

ਨਵੀਂ ਦਿੱਲੀ-ਈਜ ਆਫ ਡੂਇੰਗ ਬਿਜ਼ਨਸ ਰੈਂਕਿੰਗ ਵਿੱਚ ਸੁਧਾਰ ਤੇ ਦੁਨੀਆ ਦੀ ਸਭ ਤੋਂ ਤੇਜ਼ ਅਰਥ ਵਿਵਸਥਾ ਦੇ ਵੱਡੇ ਵੱਡੇ ਦਾਅਵਿਆਂ ਦੇ ਬਾਵਜੂਦ ਇੱਕ ਸੱਚਾਈ ਇਹ ਸਾਹਮਣੇ ਆਈ ਹੈ ਕਿ ਵੱਡੀ ਗਿਣਤੀ ਵਿੱਚ ਭਾਰਤ ਦੇ ਅਮੀਰ ਲੋਕ ਦੂਸਰੇ ਦੇਸ਼ ਚਲੇ ਜਾਂਦੇ ਹਨ। ਏ ਐੱਫ ਆਰ ਏਸ਼ੀਆ ਬੈਂਕ ਅਤੇ ਰਿਸਰਚ ਫਰਮ ਨਿਊ ਵਰਲਡ ਵੈਲਥ ਦੀ ਤਾਜ਼ਾ ਰਿਪੋਰਟ ਗਲੋਬਲ ਵੈਲਥ ਮਾਈਗ੍ਰੇਸ਼ਨ ਰਿਿਵਊ (ਜੀ ਡਬਲਯੂ ਐੱਮ ਆਰ) 2019 ਵਿੱਚ ਕਿਹਾ ਗਿਆ ਹੈ ਕਿ ਪਿਛਲੇ ਸਾਲ ਦੇਸ਼ ਦੀ ਨਾਗਰਿਕਤਾ ਛੱਡ ਕੇ ਕਿਤੇ ਹੋਰ ਜਾ ਵਸਣ ਵਾਲੇ ਅਮੀਰਾਂ ਦੇ ਮਾਮਲੇ ਵਿੱਚ ਭਾਰਤ ਤੀਸਰੇ ਨੰਬਰ ‘ਤੇ ਹੈ।ਸੂਚੀ ਵਿੱਚ ਦੂਸਰੇ ਥਾਂ ਉੱਤੇ ਰੂਸ ਹੈ। ਰੂਸ ਦੀ ਅਰਥ ਵਿਵਸਥਾ ਵੀ ਕਈ ਆਰਥਿਕ ਪਾਬੰਦੀਆਂ ਤੋਂ ਪ੍ਰਭਾਵਤ ਹੋ ਰਹੀ ਹੈ। ਰਿਪੋਰਟ ਦੇ ਮੁਤਾਬਕ ਦੇਸ਼ ਛੱਡਣ ਵਾਲੇ ਅਮੀਰਾਂ ਦੇ ਲਈ ਸਭ ਤੋਂ ਆਕਰਸ਼ਕ ਮੰਜ਼ਿਲ ਹਨ ਅਮਰੀਕਾ ਅਤੇ ਆਸਟਰੇਲੀਆ।ਭਾਰਤੀ ਅਰਥ ਵਿਵਸਥਾ ਦੇ ਬਾਰੇ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਥੇ ਆਰਥਿਕ ਨਾ ਬਰਾਬਰੀ ਕਾਫੀ ਵੱਧ ਹੈ। ਭਾਰਤ ਦੀ ਕੁੱਲ ਜਾਇਦਾਦ ਦਾ 48 ਫੀਸਦੀ ਹਿੱਸਾ ਐੱਚ ਐੱਨ ਡਬਲਯੂ ਆਈ ਦੇ ਹੱਥ ਵਿੱਚ ਹੈ। ਇਸ ਮਾਮਲੇ ਵਿੱਚ ਪੂਰੀ ਦੁਨੀਆ ਦਾ ਔਸਤ 36 ਫੀਸਦੀ ਹੈ। ਰਿਪੋਰਟ ਵਿੱਚ ਭਾਰਤ ਦੀ ਪ੍ਰਸ਼ੰਸਾ ਕਰਦੇ ਹੋਏ ਇਹ ਵੀ ਲਿਿਖਆ ਗਿਆ ਹੈ ਕਿ ਅਗਲੇ 10 ਸਾਲ ਵਿੱਚ ਭਾਰਤ ਦੀ ਕੁੱਲ ਜਾਇਦਾਦ ਵਿੱਚ ਤੇਜ਼ੀ ਨਾਲ ਵਾਧਾ ਹੋਣ ਵਾਲਾ ਹੈ।