‘ਮੇਹਰ ਸੰਗੀਤ ਸਕੂਲ’ ਵੱਲੋਂ ਭਰਵਾਂ ਸਮਾਗਮ ਕਰਵਾਇਆ ਗਿਆ

ਐਬਟਸਫੋਰਡ:-24 ਦਸੰਬਰ ਨੂੰ ‘ਸਾਹਿਬੇ ਕਮਾਲ’ ਸ੍ਰੀ ਗੁਰੁੂ ਗੋਬਿੰਦ ਸਿੰਘ ਜੀ ਦੇ 350ਵੇਂ ਪ੍ਰਕਾਸ਼ ਦਿਵਸ ਅਤੇ ਬੇਮਿਸਾਲ ਸਾਹਿਬਜਾਦਿਆਂ ਦੀ ਸ਼ਹੀਦੀ ਨੂੰ ਸਮਰਪਿਤ ‘ਮੇਹਰ ਸੰਗੀਤ ਸਕੂਲ’ ਵੱਲੋਂ ਇਕ ਭਰਵਾਂ ਸਮਾਗਮ ਕਰਵਾਇਆ ਗਿਆ ਜਿਸ ਵਿਚ ਡਾ. ਗੁਰਵਿੰਦਰ ਸਿੰਘ ਧਾਲੀਵਾਲ, ਸ. ਹਰਪਾਲ ਸਿੰਘ ਜੀ ਲੱਖਾ ਅਤੇ ਸ. ਕੁਲਵਿੰਦਰ ਸਿੰਘ ਜੀ ਬਾਠ ਮੁੱਖ ਸੇਵਾਦਾਰ ਸ਼ਹੀਦ ਬਾਬਾ ਬੰਦਾ ਸਿੰਘ ਬਹਾਦਰ ਸਿੱਖ ਸੁਸਾਇਟੀ ਤੇ ਹੋਰ ਵਿਦਿਆਰਥੀ ਅਤੇ ਉਹਨਾਂ ਦੇ ਮਾਤਾ ਪਿਤਾ ਹਾਜਰ ਹੋਏ।

ਇਸ ਮੌਕੇ ਤੇ ਇਸ਼ਾਨ ਸਿੰਘ ਰਾਏ, ਇਸ਼ਾਨ ਸਿਘ ਚੀਮਾ, ਕੀਰਤ ਕੌਰ ਚੀਮਾ, ਦੂਜੇ ਜਥੇ ਵਿਚ ਜੇ ਪੀ ਮੰਡੇਰ ਅਤੇ ਕੇ ਐਸ ਰਾਏ ਨੇ, ਤੀਜੇ ਵਿਚ 6 ਸਾਲ ਦੀ ਬੱਚੀ ਕੁਰਲੀਨ ਕੌਰ ਬਾਹੀਆ ਤੇ ਸੰਦੀਪ ਸਿੰਘ ਬਾਹੀਆ, ਚੌਥੇ ਵਿਚ ਸਿਮਰਨਪ੍ਰੀਤ ਕੌਰ ਮੱਲ੍ਹੀ ਤੇ ਗੁਰਜੋਬਨ ਸਿੰਘ ਮੱਲ੍ਹੀ ਦੇ ਸ਼ਬਦਾਂ ਤੋਂ ਬਾਦ ਬੀਬੀ ਦੇਵਿੰਦਰ ਕੌਰ ਤੁੰਗ ਨੇ ‘ਮੇਰੇ ਲਾਲਨ ਕੀ ਸੋਭਾ’ ਰਾਗ ਕਲਿਆਨ ਵਿਚ ਪੜਿਆ।

ਪੱਕੇ ਰਾਗ ਤੇ ਤਾਨਾ ਤੋੜੇ ਸਾਹਿਤ ਸੀਨੀਅਰ ਬੱਚਿਆਂ ਨੇ ਤਾਂ ਸੰਗਤ ਦਾ ਮਨ ਹੀ ਮੋਹ ਲਿਆ।ਇਹਨਾਂ ਵਿਚ ਗਗਜੀਤ ਕੌਰ ਗਿੱਲ, ਹਰਨੀਤ ਕੌਰ ਬਰਾੜ, ਪਰਮਦੀਪ ਕੌਰ ਬਰਾੜ, ਗੋਵਿੰਦ ਸਿੰਘ ਮਾਨ ਨੇ ਤਬਲੇ ਤੇ ਨਾਲ ਪੂਰਾ ਸ਼ਬਦ ਗਾਇਨ ਕੀਤਾ।

ਇਹਨਾਂ ਬੱਚਿਆਂ ਨੇ ਦਸ ਸਾਲ ਦੀ ਉਮਰ ਵਿਚ ਅਨੰਦ ਕਾਰਜ ਨੂੰ ਬੜੀ ਸਫਲਤਾ ਭਰਪੂਰ ਸਰੰਜਾਮ ਦੇ ਇਕ ਰਿਕਾਰਡ ਕਾਇਮ ਕਰ ਦਿੱਤਾ।ਜੋ ਮਿਹਰ ਸੰਗੀਤ ਸਕੂਲ਼ ਦਾ ਇਕ ਚਮਤਕਾਰ ਹੀ ਕਿਹਾ ਜਾ ਸਕਦਾ ਹੈ।ਕੈਪਟਨ ਬਲਵੰਤ ਸਿੰਘ ਨੇ ਬਾਬਾ ਅਜੀਤ ਸਿੰਘ ਜੀ ਦੀ ਕੁਰਬਾਨੀ ਸੁਣਾ ਕੇ ਸੰਗਤ ਨੂੰ ਮੰਤਰ ਮੁਗਧ ਕਰ ਦਿੱਤਾ।ਇਸ ਨਾਲ ਤਬਲੇ ਤੇ ਸੰਗੀਤ ਉਹਨਾਂ ਦੇ ਬੇਟੇ ਜਗਦੀਪ ਸਿੰਘ ਮਾਨ ਨੇ ਦਿੱਤਾ।ਅੰਤ ਵਿਚ ਜੋ ਇਤਿਹਾਸਕ ਖੋਜ ਭਰਪੂਰ ਬੜਾ ਗੁੰਦਵਾ ਬੜੇ ਭਾਵ ਪੂਰਤ ਸ਼ਬਦਾਂ ਵਿਚ ਬਿਆਨ ਕਰ ਕੇ ਪ੍ਰੋ. ਗੁਰਵਿੰਦਰ ਸਿੰਘ ਧਾਲੀਵਾਲ ਨੇ ਸਾਰੀ ਸੰਗਤ ਨੂੰ ਆਪਣਾ ਇਤਿਹਾਸ ਪੜ੍ਹਨ ਦੀ ਐਸੀ ਪ੍ਰੇਰਨਾ ਦਿੱਤੀ ਕਿ ਹਰ ਛੋਟਾ ਤੇ ਵੱਡਾ ਉਹਨਾਂ ਦੇ ਇਕ ਇਕ ਸ਼ਬਦ ਨੂੰ ਸੁਆਂਤੀ ਬੂੰਦ ਵਾਂਗ ਪੀ ਪੀ ਕੇ ਸਰਸ਼ਾਰ ਹੋ ਰਿਹਾ ਸੀ।ਸ. ਕੁਲਵਿੰਦਰ ਸਿੰਘ ਬਾਠ ਦੀ ਹਾਜਰੀ ਉਪਰੰਤ ਬੱਚਿਆਂ ਨੂੰ ਬਹੁਤ ਵਧੀਆ ਟਰਾਫੀਆਂ ਵੰਡ ਕੇ ਉਤਸ਼ਾਹਤ ਕੀਤਾ।ਛੋਟੇ ਤੇ ਨਵੇਂ ਬੱਚਿਆਂ ਨੂੰ ਸਰਟੀਫਿਕੇਟ ਵੀ ਅਰਪਣ ਕੀਤੇ।ਮੇਹਰ ਸੰਗੀਤ ਸਕੂਲ ਵਿਚ 5 ਤੋਂ 76 ਸਾਲ ਤੱਕ ਦੀ ਉਮਰ ਦੇ ਵਿਦਿਆਰਥੀ ਸਿੱਖਿਆ ਲੈ ਰਹੇ ਹਨ।ਸੰਪਰਕ ਕਰ ਸਕਦੇ ਹੋ 778-245-6079 ਜਾਂ 604-744-5105