Skip to content
Sunday, November 22, 2026 5°C · Overcast · Surrey, BC
ਪੰਜਾਬ ਗਾਰਡੀਅਨ
The Punjab Guardian
Surrey, British Columbia · Est. 2016 · Weekly
Sections ਮੁੱਖ ਪੰਨਾHome ਤਾਜ਼ਾ ਖ਼ਬਰਾਂਪੰਜਾਬਕੈਨੇਡਾਅਮਰੀਕਾਭਾਰਤਦੁਨੀਆਖੇਡਾਂਮਨੋਰੰਜਨਕਾਰੋਬਾਰਧਰਮਸ਼ਰਧਾਂਜਲੀਸਿਹਤ
International

ਭਾਰਤ ਵਿੱਚ  ਹਮਲਿਆਂ ਦੀ ਸਾਜ਼ਸ਼ ਰਚਣ ਦਾ ਮਾਮਲਾ ਬਲਵਿੰਦਰ ਸਿੰਘ ਨੂੰ ਅਮਰੀਕਾ ‘ਚ 15 ਸਾਲ ਦੀ ਕੈਦ

By Admin Published 2 min read

ਨਿਊਯਾਰਕ,: ਆਜ਼ਾਦ ਸਿੱਖ ਰਾਸ਼ਟਰ ਦੇ ਨਿਰਮਾਣ ਲਈ ਖਾਲਿਸਤਾਨ ਅੰਦੋਲਨ ਤਹਿਤ ਭਾਰਤ ‘ਚ ਅਤਿਵਾਦੀ ਹਮਲਿਆਂ ਦੀ ਹਮਾਇਤ ਕਰਨ ਦੀ ਸਾਜ਼ਸ਼ ਰਚਣ ਅਤੇ ਇਕ ਭਾਰਤੀ ਅਧਿਕਾਰੀ ਦੀ ਹਤਿਆ ਦੇ ਮਾਮਲੇ ‘ਚ ਇਕ ਭਾਰਤੀ ਨਾਗਰਿਕ ਬਲਵਿੰਦਰ ਸਿੰਘ (45 ਸਾਲ) ਨੂੰ 15 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।

ਨੇਵਾਦਾ ਜ਼ਿਲ੍ਹੇ ਦੇ ਅਮਰੀਕੀ ਅਟਾਰਨੀ ਡੈਨੀਅਲ ਬੋਗਡੇਨ ਅਤੇ ਐਫ਼ਬੀਆਈ ਦੇ ਲਾਸ ਵੇਗਾਸ ਡਿਵੀਜ਼ਨ ਦੇ ਵਿਸ਼ੇਸ਼ ਪ੍ਰਭਾਰੀ ਏਜੰਟ ਏਰੋਨ ਸੀ ਰਾਊਸ ਨੇ ਕਿਹਾ ਕਿ ਰਾਈਨੋ ‘ਚ ਅਮਰੀਕੀ ਡਿਸਟ੍ਰਿਕਟ ਮੈਜਿਸਟ੍ਰੇਟ ਲੈਰੀ ਹੈਕਸ ਨੇ ਬਲਵਿੰਦਰ ਸਿੰਘ ਨੂੰ ਅਜ਼ਾਦ ਸਿੱਖ ਰਾਸ਼ਟਰ ਬਣਾਉਣ ਲਈ ਗੁਰੀਲਿਆਂ ਦੀ ਮਦਦ ਅਤੇ ਸਾਧਨ ਮੁਹੱਈਆ ਕਰਾ ਕੇ ਸਾਜ਼ਸ਼ ਰਚਣ ਦੇ ਮਾਮਲੇ ‘ਚ ਕੱਲ 180 ਮਹੀਨੇ ਦੀ ਜੇਲ ਦੀ ਸਜ਼ਾ ਸੁਣਾਈ ਹੈ।

ਬੋਗਡੇਨ ਨੇ ਕਿਹਾ ਕਿ ਰਾਇਨੋ ਦਾ ਵਾਸੀ ਬਲਵਿੰਦਰ ਸਿੰਘ ਦੋ ਗੁਟਾਂ ਦਾ ਮੈਂਬਰ ਸੀ ਅਤੇ ਉਸ ਨੇ ਭਾਰਤ ਸਰਕਾਰ ਨੂੰ ਡਰਾਉਣ ਲਈ ਅਤੇ ਅਤਿਵਾਦੀ ਧੜਿਆਂ ਦੀ ਹਮਾਇਤ ਨਾ ਕਰਨ ਵਾਲਿਆਂ ਨੂੰ ਨੁਕਸਾਨ ਪਹੁੰਚਾਉਣ ਲਈ ਅਤਿਵਾਦੀਆਂ ਨੂੰ ਮਦਦ ਦਿਤੀ ਸੀ। ਬੋਗਡੇਨ ਨੇ ਕਿਹਾ ਕਿ ਇਹ ਅਮਰੀਕਾ ਅਤੇ ਸਾਡੇ ਵਿਦੇਸ਼ੀ ਸਹਿਯੋਗੀਆਂ ਦੀਆਂ ਅਤਿਵਾਦੀਆਂ ਗਤੀਵਿਧੀਆਂ ਤੋਂ ਰਖਿਆ ਕਰਨ ਲਈ ਕਈ ਕਾਨੂੰਨ ਐਨਫੋਰਸਮੈਂਟ ਏਜੰਸੀਆਂ ਦੇ ਇਕੱਠਿਆਂ ਮਿਲ ਕੇ ਕੰਮ ਕਰਨ ਦਾ ਇਕ ਉਦਾਹਰਣ ਹੈ। ਬਲਵਿੰਦਰ ਸਿੰਘ ਭਾਰਤੀ ਮੂਲ ਦਾ ਅਮਰੀਕੀ ਨਾਗਰਿਕ ਹੈ। ਉਸ ਨੇ ਪਿਛਲੇ ਸਾਲ ਨਵੰਬਰ ‘ਚ ਅਪਣਾ ਜੁਰਮ ਕਬੂਲ ਕੀਤਾ ਸੀ। ਅਦਾਲਤ ਦੇ ਦਸਤਾਵੇਜ਼ਾਂ ਦੇ ਅਨੁਸਾਰ ਸਿੰਘ ਨੇ ਸਾਲ 2013 ‘ਚ ਸਤੰਬਰ ਤੋਂ ਦਸੰਬਰ ਦਰਮਿਆਨ ਭਾਰਤ ‘ਚ ਹਮਲਿਆਂ ਲਈ ਅਤਿਵਾਦੀਆਂ ਦੀ ਹਮਾਇਤ ਕਰਨ ਦੀ ਸਾਜ਼ਸ਼ ਰਚੀ ਸੀ।

Admin Punjab Guardian · Surrey
ਸੰਬੰਧਿਤ ਖ਼ਬਰਾਂ Related International →
Share on WhatsApp