ਭਾਰਤ ਉੱਤੇ ਕਸ਼ਮੀਰ ਵਿੱਚ ਦਮਨ ਚੱਕਰ ਚਲਾਉਣ ਦਾ ਦੋਸ਼

ਇਸਲਾਮਾਬਾਦ:-ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਿਦ ਖ਼ਕਾਨ ਅਬਾਸੀ ਨੇ ਕਸ਼ਮੀਰ ਵਿੱਚ ਭਾਰਤ ਵੱਲੋਂ ਖੌਫ਼ਨਾਕ ਦਮਨ ਚੱਕਰ ਚਲਾਉਣ ਦਾ ਦੋਸ਼ ਲਾਇਆ ਹੈ। ਕੱਲ੍ਹ ਵੱਖ-ਵੱਖ ਅਪਰੇਸ਼ਨਾਂ ਵਿੱਚ 13 ਅਤਿਵਾਦੀ ਮਾਰੇ ਜਾਣ ਕਾਰਨ ਵਾਦੀ ਵਿਚ ਅਤਿਵਾਦੀ ਜਥੇਬੰਦੀਆਂ ਨੂੰ ਵੱਡੀ ਸੱਟ ਵੱਜੀ ਹੈ ਤੇ ਇਸ ਤੋਂ ਬਾਅਦ ਦੇਰ ਰਾਤੀਂ ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਦਾ ੲਿਹ ਪ੍ਰਤੀਕਰਮ ਸਾਹਮਣੇ ਆਇਆ ਹੈ। ਸ੍ਰੀ ਅੱਬਾਸੀ ਨੇ ਇਸ ਨੂੰ ਨਿੰਦਾਜਨਕ ਕਾਰਵਾਈ ਕਰਾਰ ਦਿੰਦਿਆਂ ਕਿਹਾ ਕਿ ਕਸ਼ਮੀਰ ਵਿੱਚ ਰੋਸ ਪ੍ਰਗਟ ਕਰਨ ਵਾਲੇ ਆਮ ਨਾਗਰਿਕਾਂ ਖ਼ਿਲਾਫ਼ ਪੈਲੇਟ ਗੰਨਾਂ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕੌਮਾਂਤਰੀ ਭਾੲੀਚਾਰੇ ਨੂੰ ਅਪੀਲ ਕੀਤੀ ਕਿ ਉਹ ਭਾਰਤ ਨੂੰ ਸੰਯੁਕਤ ਰਾਸ਼ਟਰ ਦੇ ਤੱਥ ਖੋਜੂ ਮਿਸ਼ਨਾਂ ਨੂੰ ਕਸ਼ਮੀਰ ਜਾਣ ਦੇਣ ਦੀ ਆਗਿਆ ਦੇਣ ਲਈ ਕਹੇ।