ਨੋਟਬੰਦੀ ਸੋਚੀ ਸਮਝੀ ਕਾਨੂੰਨੀ ਲੁੱਟ: ਮਨਮੋਹਨ
ਤਲੀ ਵੱਲੋਂ ਸਾਬਕਾ ਪ੍ਰਧਾਨ ਮੰਤਰੀ ‘ਤੇ ਜਵਾਬੀ ਵਾਰ; 2ਜੀ ਵਾਲੀ ਲੁੱਟ ਯਾਦ ਕਰਾਈ
ਨਵੀਂ ਦਿੱਲੀ:-ਸਾਬਕਾ ਪ੍ਰਧਾਨ ਮੰਤਰੀ ਅਤੇ ਉੱਘੇ ਅਰਥਸ਼ਾਸਤਰੀ ਮਨਮੋਹਨ ਸਿੰਘ ਨੇ ਨੋਟਬੰਦੀ ਦੇ ਫ਼ੈਸਲੇ ਦੀ ਕਰੜੀ ਆਲੋਚਨਾ ਕਰਦਿਆਂ ਰਾਜ ਸਭਾ ‘ਚ ਬਹਿਸ ਦੌਰਾਨ ਕਿਹਾ ਕਿ ਇਹ ਸੋਚੀ ਸਮਝੀ ਅਤੇ ਕਾਨੂੰਨੀ ਲੁੱਟ ਦਾ ਮਾਮਲਾ ਹੈ ਅਤੇ ਪ੍ਰਬੰਧਨ ਦੀ ਵਿਰਾਟ ਨਾਕਾਮੀ ਹੈ।ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਵੱਲੋਂ ਨੋਟਬੰਦੀ ‘ਤੇ ਕੀਤੀ ਗਈ ਆਲੋਚਨਾ ਦਾ ਜਵਾਬ ਦਿੰਦਿਆਂ ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਕਿਹਾ ਕਿ ਇਸ ‘ਚ ਕੋਈ ਹੈਰਾਨੀ ਨਹੀਂ ਕਿ ਉਹ ਸਰਕਾਰ ਦੇ ਫ਼ੈਸਲੇ ਤੋਂ ਨਾਖੁਸ਼ ਹਨ ਕਿਉਂਕਿ ਸਭ ਤੋਂ ਵੱਧ ਕਾਲਾ ਧਨ ਉਨ੍ਹਾਂ ਦੇ ਸ਼ਾਸਨਕਾਲ ਦੌਰਾਨ ਹੀ ਪੈਦਾ ਹੋਇਆ। ਉਨ੍ਹਾਂ ਕਿਹਾ ਕਿ ਜਿਹੜੇ ਆਪਣੀ ਸਰਕਾਰ ਵੇਲੇ ਕਾਲਾ ਧਨ ਅਤੇ ਘੁਟਾਲੇ ਹੋਣ ਨੂੰ ਵੱਡੀ ਗ਼ਲਤੀ ਨਹੀਂ ਮੰਨਦੇ, ਹੁਣ ਉਹ ਕਾਲੇ ਧਨ ਖ਼ਿਲਾਫ਼ ਮੁਹਿੰਮ ਨੂੰ ਗ਼ਲਤੀ ਕਰਾਰ ਦੇ ਰਹੇ ਹਨ। ਜੀਡੀਪੀ ਦੋ ਫ਼ੀਸਦੀ ਤਕ ਡਿੱਗਣ ਦੇ ਅੰਦੇਸ਼ੇ ਬਾਰੇ ਸ੍ਰੀ ਜੇਤਲੀ ਨੇ ਕਿਹਾ ਕਿ ਕਾਲੇ ਧਨ ਵਾਲਾ ਪੈਸਾ ਹੁਣ ਮੁੱਖ ਧਾਰਾ ‘ਚ ਆਏਗਾ ਜਿਸ ਨਾਲ ਅਰਥਚਾਰੇ ‘ਤੇ ਸਾਰਥਿਕ ਪ੍ਰਭਾਵ ਪਏਗਾ।
