ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : Bigg Boss 17 Nominations: ਜਦੋਂ ਵੀ ਬਿੱਗ ਬੌਸ 17 ‘ਚ ਟਵਿਸਟ ਦੀ ਗੱਲ ਆਉਂਦੀ ਹੈ ਤਾਂ ਮੁਕਾਬਲੇਬਾਜ਼ਾਂ ਨੂੰ ਖੁਦ ਨਹੀਂ ਪਤਾ ਹੁੰਦਾ ਕਿ ਹੁਣ ਉਨ੍ਹਾਂ ਨੂੰ ਕੀ ਆਦੇਸ਼ ਦਿੱਤਾ ਜਾ ਸਕਦਾ ਹੈ। ਸਲਮਾਨ ਖਾਨ ਦੇ ਸ਼ੋਅ ਦੇ ਤਾਜ਼ਾ ਐਪੀਸੋਡ ‘ਚ ਬਿੱਗ ਬੌਸ ਨੇ ਅੰਕਿਤਾ ਲੋਖੰਡੇ ਤੇ ਵਿੱਕੀ ਜੈਨ ਨੂੰ ਆਪਣੇ ਰਿਸ਼ਤੇ ਨੂੰ ਪਰਖਣ ਲਈ ਇਕ ਦੂਜੇ ਨੂੰ ਨੌਮੀਨੇਟ ਕਰਨ ਦੀ ਸਲਾਹ ਦਿੱਤੀ। ਇਸ ਤੋਂ ਬਾਅਦ ਜੋ ਹੋਇਆ, ਉਸ ਦੀ ਦਰਸ਼ਕਾਂ ਨੇ ਸ਼ਾਇਦ ਹੀ ਕਲਪਨਾ ਕੀਤੀ ਹੋਵੇ।
ਬਿੱਗ ਬੌਸ ਦੇ ਨੌਮੀਨੇਸ਼ਨ ‘ਚ ਟਵਿਸਟ
ਇਸ ਹਫਤੇ 8 ਕੰਟੈਸਟੈਂਟਸ ਨੂੰ ਨੌਮੀਨੇਸ਼ਨ ਦੀ ਕੈਟਾਗਰੀ ‘ਚ ਰੱਖਿਆ ਗਿਆ ਹੈ। ਹਾਲ ਹੀ ‘ਚ ਅਨੁਰਾਗ ਡੋਭਾਲ ਦੀ ਸਜ਼ਾ ਮਾਫ ਕਰ ਕੇ ਉਨ੍ਹਾਂ ਦੀ ਜਗ੍ਹਾ ਨੀਲ ਭੱਟ ਨੂੰ ਪੂਰੇ ਸੀਜ਼ਨ ਲਈ ਨੌਮੀਨੇਟ ਕੀਤਾ ਗਿਆ। ਸਾਰੇ ਮੁਕਾਬਲੇਬਾਜ਼ ਡੇਂਜਰ ਜ਼ੋਨ ‘ਚ ਹਨ ਤੇ ਉਨ੍ਹਾਂ ਲਈ ਵੋਟਿੰਗ ਲਾਈਨਾਂ ਖੁੱਲ੍ਹੀਆਂ ਹਨ। ਇਸ ਦੌਰਾਨ ਨੌਮੀਨੇਸ਼ਨ ‘ਚ ਇਕ ਵੱਖਰਾ ਮੋੜ ਲਿਆਉਂਦੇ ਹੋਏ ਬਿੱਗ ਬੌਸ ਨੇ ਅੰਕਿਤਾ ਅਤੇ ਵਿੱਕੀ ਦੇ ਸਾਹਮਣੇ ਇੱਕ ਅਨੋਖੀ ਸ਼ਰਤ ਰੱਖੀ।
ਅੰਕਿਤਾ ਨੂੰ ਮਿਲਿਆ ਇਹ ਆਫਰ
ਜਾਰੀ ਕੀਤੇ ਗਏ ਪ੍ਰੋਮੋ ‘ਚ ਦਿਖਾਇਆ ਗਿਆ ਹੈ ਕਿ ਬਿੱਗ ਬੌਸ ਕਹਿੰਦੇ ਹਨ ਕਿ ਕਮਰੇ ਖੁੱਲ੍ਹ ਗਏ ਹਨ। ਉਨ੍ਹਾਂ ਅੰਕਿਤਾ ਤੇ ਵਿੱਕੀ ਨੂੰ ਇੱਕ ਇੱਕ ਕਰਕੇ ਥੈਰੇਪੀ ਰੂਮ ‘ਚ ਬੁਲਾਇਆ। ਪਹਿਲਾਂ ਅੰਕਿਤਾ ਆਫਸਰ ਦਿੱਤਾ ਗਿਆ ਕਿ ਜੇਕਰ ਉਹ ਵਿੱਕੀ ਨੂੰ ਪੂਰੇ ਸੀਜ਼ਨ ਲਈ ਨੌਮੀਨੇਟ ਕਰਦੀ ਹੈ ਤਾਂ ਉਸ ਨੂੰ ਦਿਲਵਾਲੇ ਕਮਰੇ ‘ਚ ਭੇਜ ਦਿੱਤਾ ਜਾਵੇਗਾ, ਪਰ ਪਤੀ ਪ੍ਰਤੀ ਸੱਚੀ ਅੰਕਿਤਾ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੰਦੀ ਹੈ।
ਵਿੱਕੀ ਨੇ ਕੀਤਾ ਅੰਕਿਤਾ ਨੂੰ ਨੌਮੀਨੇਟ ?
ਇਸ ਤੋਂ ਬਾਅਦ ਵਿੱਕੀ ਨੂੰ ਵੀ ਥੈਰੇਪੀ ਰੂਮ ‘ਚ ਬੁਲਾਇਆ ਜਾਂਦਾ ਹੈ ਤੇ ਪੂਰੇ ਸੀਜ਼ਨ ਲਈ ਅੰਕਿਤਾ ਨੂੰ ਨਾਮਜ਼ਦ ਕਰਨ ਲਈ ਕਿਹਾ ਜਾਂਦਾ ਹੈ। ਹਾਲਾਂਕਿ ਵਿੱਕੀ ਕੀ ਫੈਸਲਾ ਲੈਂਦਾ ਹੈ, ਇਹ ਨਹੀਂ ਦੱਸਿਆ ਗਿਆ। ਦੂਜੇ ਪਾਸੇ ਇਕ ਵਾਰ ਫਿਰ ਪਤੀ-ਪਤਨੀ ‘ਚ ਲੜਾਈ ਦੇਖਣ ਨੂੰ ਮਿਲੇਗੀ। ਅੰਕਿਤਾ ਵਿੱਕੀ ਨੂੰ ਪੁੱਛਦੀ ਹੈ ਕਿ ਕੀ ਉਹ ਉਸਨੂੰ ਇੱਕ ਗੇਮ ਦੇ ਤੌਰ ‘ਤੇ ਵਰਤ ਰਿਹਾ ਹੈ।
ਇਹ ਕੰਟੈਸਟੈਂਟ ਹੋਇਆ ਪੂਰੇ ਸੀਜ਼ਨ ਲਈ ਨੌਮੀਨੇਟ
ਦਿ ਖਬਰੀ ਪੇਜ ਮੁਤਾਬਕ ਵਿੱਕੀ ਨੇ ਅੰਕਿਤਾ ਨੂੰ ਵੀ ਬਚਾਇਆ। ਉਨ੍ਹਾਂ ਨੇ ਅਨੁਰਾਗ ਡੋਭਾਲ ਨੂੰ ਨੌਮੀਨੇਟ ਕੀਤਾ ਹੈ। ਉੱਥੇ ਹੀ ਨੀਲ ਪੂਰੇ ਸੀਜ਼ਨ ਲਈ ਨੌਮੀਨੇਟਿਡ ਕੰਟੈਸਟੈਂਟ ਰਹਿਣਗੇ।
