ਵਾਈਟ ਹਾਊਸ ਦੀ ਦੌੜ ‘ਚ ਮੁਕਾਬਲਾ ਹੋਇਆ ਸਖਤ, ਹਿਲੇਰੀ ਤੋਂ ਅੱਗੇ ਨਿਕਲੇ ਟਰੰਪ

ਵਾਸ਼ਿੰਗਟਨ,: ਅਮਰੀਕੀ ਰਾਸ਼ਟਰਪਤੀ ਅਹੁਦੇ ਲਈ ਨਵੰਬਰ ‘ਚ ਹੋਣ ਵਾਲੀਆਂ ਚੋਣਾਂ ‘ਚ ਮੁਕਾਬਲਾ ਸਖਤ ਹੁੰਦਾ ਨਜ਼ਰ ਆ ਰਿਹਾ ਹੈ।ਕੌਮੀ ਪੱਧਰ ‘ਤੇ ਕਰਵਾਏ ਗਏ ਹਾਲੀਆ ਚੋਣ ਸਰਵੇਖਣਾਂ ਦੇ ਨਤੀਜਿਆਂ ਤੋਂ ਪਤਾ ਚਲਦਾ ਹੈ ਕਿ ਰਿਪਬਲਿਕਨ ਡੋਨਾਲਡ ਟਰੰਪ ਨੇ ਪਿਛਲੇ ਹਫਤੇ ਆਪਣੀ ਰਿਪਬਲਿਕਨ ਉਮੀਦਵਾਰ ਹਿਲੇਰੀ ਕਲਿੰਟਨ ਵਿਰੁੱਧ ਕੁੱਝ ਬੜਤ ਹਾਸਲ ਕਰ ਲਈ ਹੈ।ਰੀਅਲ ਕਲੀਅਰ ਪਾਲਟਿਕਸ ਦੇ ਚੋਣ ਸਰਵੇਖਣਾਂ ‘ਚ ਦੱਸਿਆ ਗਿਆ ਹੈ ਕਿ ਦੋਵੇਂ ਵੱਡੀਆਂ ਪਾਰਟੀਆਂ ‘ਚ ਇਕ ਤੋਂ ਬਾਅਦ ਇਕ ਹੋਈਆਂ ਕਨਵੈਨਸ਼ਨਾਂ ਮਗਰੋਂ ਹਿਲੇਰੀ ਨੇ ਲਗਭਗ 9 ਫੀਸਦੀ ਦੀ ਬੜਤ ਹਾਸਲ ਕੀਤੀ ਹੈ।ਅਗਸਤ ਦੇ ਪੂਰੇ ਮਹੀਨੇ ਉਹ ਆਪਣੀ ਬੜਤ ਬਣਾਈ ਰੱਖਣ ‘ਚ ਕਾਮਯਾਬ ਰਹੀ ਹੈ।ਪਰ ਸੋਮਵਾਰ ਅਤੇ ਮੰਗਲਵਾਰ ਨੂੰ ਸਾਹਮਣੇ ਆਏ ਸਰਵੇਖਣਾਂ ਦੇ ਨਤੀਜਿਆਂ ਤੋਂ ਪਤਾ ਚਲਦਾ ਹੈ ਕਿ ਉਨ੍ਹਾਂ ਦੀ ਬੜਤ ‘ਚ ਪੰਜ ਅੰਕਾਂ ਦੀ ਗਿਰਾਵਟ ਆ ਗਈ ਹੈ।ਸ਼ਿਕਾਗੋ ਸਥਿਤ ਰਾਜਨੀਤਕ ਅਖਬਾਰ ਅਤੇ ਪੋਲਿੰਗ ਡਾਟਾ ਕੁਲੈਕਟਰ ਰੀਅਲ ਕਲੀਅਰ ਪਾਲਟਿਕਸ ਲਗਭਗ ਸਾਰੇ ਮੁੱਖ ਚੋਣ ਸਰਵੇਖਣਾਂ ‘ਤੇ ਨਜਰ ਰੱਖਦਾ ਹੈ।