ਭਾਰਤ ਦੇ ਐਮ.ਟੀ.ਸੀ.ਆਰ. ‘ਚ ਦਾਖਲੇ ‘ਤੇ ਚੀਨ ਨੂੰ ਲੱਗੀਆਂ ਮਿਰਚਾਂ:ਕਿਹਾ ਭਾਰਤੀ ਪਖੰਡੀ ਹਨ!

ਨਵੀਂ ਦਿੱਲੀ, 28 ਜੂਨ – ਭਾਰਤ ਨੂੰ ਮਿਸਾਈਲ ਟੈਕਨੋਲਾਜੀ ਕੰਟਰੋਲ ਰੀਜੀਮ ਦੀ ਅਧਿਕਾਰਕ ਮੈਂਬਰਸ਼ਿਪ ਮਿਲਣ ਤੋਂ ਬਾਅਦ ਚੀਨ ਨੂੰ ਇਸ ‘ਤੇ ਕਾਫੀ ਖਿਝ ਚੜ੍ਹੀ ਹੈ। ਉਸ ਨੇ ਭਾਰਤੀਆਂ ਨੂੰ ਆਤਮ ਕੇਂਦਰਿਤ ਤੇ ਪਾਖੰਡੀ ਕਰਾਰ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਭਾਰਤ ਸੋਮਵਾਰ ਨੂੰ ਐਮ.ਟੀ.ਸੀ.ਆਰ. ਦਾ 35ਵਾਂ ਮੈਂਬਰ ਬਣ ਗਿਆ। ਚੀਨ ਨੂੰ ਅਜੇ ਤੱਕ ਇਸ ਗਰੁੱਪ ‘ਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ। ਚੀਨ ਦੇ ਅਖ਼ਬਾਰ ਗਲੋਬਲ ਟਾਈਮਜ਼ ‘ਚ ਛਪੇ ਸੰਪਾਦਕੀ ‘ਚ ਲਿਖਿਆ ਗਿਆ ਹੈ ਕਿ ਭਾਰਤੀ ਮਤਲਬੀ ਹਨ ਤੇ ਉਨ੍ਹਾਂ (ਭਾਰਤੀਆਂ) ‘ਚ ਨੈਤਿਕਤਾ ਦੀ ਕਮੀ ਹੈ। ਇਸ ‘ਚ ਲਿਖਿਆ ਗਿਆ ਹੈ ਕਿ ਅਮਰੀਕਾ ਦਾ ਸਮਰਥਨ ਮਿਲਣ ਨਾਲ ਭਾਰਤੀਆਂ ਦੀ ਖੁਹਾਇਸ਼ਾਂ ਨੂੰ ਜਿਵੇਂ ਪਰ ਲੱਗ ਗਏ ਪਰ ਅਮਰੀਕਾ ਪੂਰੀ ਦੁਨੀਆ ਨਹੀਂ ਹੈ। ਇਸ ‘ਚ ਲਿਖਿਆ ਹੈ ਕਿ 10 ਦੇਸ਼ਾਂ ਨੇ ਭਾਰਤ ਦੀ ਐਨ.ਐਸ.ਜੀ. ਮੈਂਬਰਸ਼ਿਪ ਦਾ ਵਿਰੋਧ ਕੀਤਾ ।