ਬੁੱਚੜਖਾਨਿਆਂ ‘ਤੇ ਸਖਤ ਸੀ.ਐੱਮ. ਯੋਗੀ, ਬੰਦ ਕਰਵਾਏ 15 ਬੁੱਚੜਖਾਨੇ

ਲਖਨਊ— ਉੱਤਰ ਪ੍ਰਦੇਸ਼ ਵਿਚ ਮੁੱਖ ਮੰਤਰੀ ਆਦਿੱਤਿਆਨਾਥ ਯੋਗੀ ਸਰਕਾਰ ਦੇ ਦੂਜੇ ਦਿਨ ਗਾਜ਼ੀਆਬਾਦ ਵਿਚ 15 ਬੁੱਚੜਖਾਨਿਆਂ ਨੂੰ ਬੰਦ ਕਰਵਾ ਦਿੱਤਾ ਗਿਆ। ਇਸ ਮੁੱਦੇ ‘ਤੇ ਯੋਗੀ ਸਰਕਾਰ ਸਖਤ ਰੁਖ ਅਪਣਾ ਰਹੀ ਹੈ। ਬੰਦ ਕਰਵਾਏ ਗਏ ਇਹ ਬੁੱਚੜਖਾਨੇ ਸ਼ਹਿਰ ਦੇ ਕੇਲਾ ਭੱਟਾ ਇਲਾਕੇ ‘ਚ ਹਨ। ਅਧਿਕਾਰੀ ਭਾਰੀ ਪੁਲਸ ਫੋਰਸ ਨਾਲ ਇਨ੍ਹਾਂ ਬੁੱਚੜਖਾਨਿਆਂ ਵਿਖੇ ਪੁੱਜੇ ਅਤੇ ਗੈਰ-ਕਾਨੂੰਨੀ ਢੰਗ ਨਾਲ ਚੱਲ ਰਹੇ ਬੁੱਚੜਖਾਨਿਆਂ ਨੂੰ ਬੰਦ ਕਰਵਾਇਆ। ਇਹ ਬਿਨਾਂ ਲਾਇਸੈਂਸ ਤੋਂ ਹੀ ਚੱਲ ਰਹੇ ਸਨ। ਇਸ ਤੋਂ ਪਹਿਲਾਂ ਲਖੀਮਪੁਰ ਖੀਰੀ ਵਿਖੇ ਵੀ ਇਕ ਬੁੱਚੜਖਾਨੇ ਨੂੰ ਬੰਦ ਕਰਵਾਇਆ ਗਿਆ ਸੀ। ਸੋਮਵਾਰ ਇਲਾਹਾਬਾਦ ਵਿਚ 2 ਬੁੱਚੜਖਾਨੇ ਸੀਲ ਕੀਤੇ ਗਏ ਸਨ।