ਜਦੋਂ ਓਮ ਪੁਰੀ ਨੇ ਬਚਾਈ ਸੀ ਨਸੀਰੂਦੀਨ ਸ਼ਾਹ ਦੀ ਜਾਨ

ਨਵੀਂ ਦਿੱਲੀ,: ਓਮ ਪੁਰੀ ਅਤੇ ਨਸੀਰੂਦੀਨ ਸ਼ਾਹ ਦੀ ਕਰੀਬੀ ਦੋਸਤ ਜੱਗ ਜਾਹਰ ਹੈ ਪਰ ਇਹ ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ‘ਅਰਧਸੱਤਿਆ’ ਦੇ ਅਦਾਕਾਰ ਨੇ ਇਕ ਵਾਰ ਚਾਕੂ ਨਾਲ ਕੀਤੇ ਗਏ ਹਮਲੇ ਵਿਚ ਨਸੀਰ ਦੀ ਜਾਨ ਬਚਾਈ ਸੀ। ਸ਼ਾਹ ਦੀ ਆਤਮਕਥਾ ਵਿਚ ਉਨ੍ਹਾਂ ਨੇ ਇਕ ਘਟਨਾ ਦਾ ਜ਼ਿਕਰ ਕੀਤਾ ਹੈ ਜਦੋਂ ਉਨ੍ਹਾਂ ਦੇ ਸਾਬਕਾ ਦੋਸਤ ਜਸਪਾਲ ਨੇ ਇਕ ਰੇਸਤਰਾਂ ਵਿਚ ਉਨ੍ਹਾਂ ‘ਤੇ ਚਾਕੂ ਨਾਲ ਹਮਲਾ ਕੀਤਾ। ਦਿਗ਼ਜ਼ ਅਦਾਕਾਰ ਸ਼ਾਹ ਲਿਖਦੇ ਹਨ ਕਿ ਪੁਰੀ ਨੇ ਉਨ੍ਹਾਂ ਲੋਕਾਂ ਦੇ ਖਾਣ ਦੇ ਮੇਜ਼ ਨੂੰ ਛਾਲ ਮਾਰ ਕੇ ਪਾਰ ਕੀਤਾ ਅਤੇ ਹਮਲਾਵਰ ਨੂੰ ਫੜ ਲਿਆ ਤਾਕਿ ਉਹ ਹੋਰ ਹਮਲਾ ਨਾ ਕਰ ਸਕੇ। ਇਸ ਤੋਂ ਬਾਅਦ ਪੁਰੀ ਅਪਣੇ ਦੋਸਤ ਸ਼ਾਹ ਨੂੰ ਜ਼ਖ਼ਮੀ ਹਾਲਤ ਵਿਚ ਹਸਪਤਾਲ ਲੈ ਕੇ ਗਏ ਅਤੇ ਉਨ੍ਹਾਂ ਦੀ ਜਾਨ ਬਚਾਈ।