ਜਾਣਕਾਰੀ ਮੁਤਾਬਕ ਰੇਣੁਕਾ ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ‘ਚ ਕਰਮਚਾਰੀ ਸੀ। ਸਕੂਲ ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਉਨ੍ਹਾਂ ਦੀ ਇਕ ਸਟਾਫ ਮੈਂਬਰ ਦੀ ਟੋਰਾਂਟੋ ਵੈਨ ਹਾਦਸੇ ‘ਚ ਮੌਤ ਹੋ ਗਈ ਹੈ। ਉਨ੍ਹਾਂ ਲਿਖਿਆ,”ਪ੍ਰਮਾਤਮਾ ਵਿੱਛੜੀ ਰੂਹ ਨੂੰ ਆਪਣੇ ਚਰਨਾਂ ‘ਚ ਥਾਂ ਦੇਵੇ ਅਤੇ ਅਸੀਂ ਉਸ ਦੇ ਬੱਚੇ, ਪਰਿਵਾਰ ਅਤੇ ਸਾਥੀਆਂ ਨਾਲ ਦੁੱਖ ਸਾਂਝਾ ਕਰਦੇ ਹਾਂ।”
ਬੋਰਡ ਦੇ ਮੁਖੀ ਰੋਬਿਨ ਪਿਲਕੇ ਨੇ ਕਿਹਾ, ”ਸਕੂਲ ਦੇ ਸਟਾਫ ਅਤੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਇਹ ਉਨ੍ਹ੍ਹਾਂ ਲਈ ਬਹੁਤ ਮੁਸ਼ਕਲ ਸਮਾਂ ਹੈ।” ਰੇਣੁਕਾ ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਦੀ ਸਾਬਕਾ ਵਿਦਿਆਰਥਣ ਵੀ ਰਹਿ ਚੁੱਕੀ ਹੈ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਰੇਣੁਕਾ ਆਪਣੇ ਬੱਚੇ ਨਾਲ ਇੱਥੇ ਰਹਿੰਦੀ ਸੀ ਅਤੇ ਕੈਨੇਡਾ ‘ਚ ਉਸ ਦੇ ਸਾਬਕਾ ਪਤੀ ਤੋਂ ਇਲਾਵਾ ਕੋਈ ਹੋਰ ਰਿਸ਼ਤੇਦਾਰ ਨਹੀਂ ਹੈ। ਤੁਹਾਨੂੰ ਦੱਸ ਦਈਏ ਕਿ ਪੀੜਤਾਂ ‘ਚੋਂ ਵਧੇਰੇ ਔਰਤਾਂ ਹਨ ਅਤੇ ਕਿਹਾ ਜਾ ਰਿਹਾ ਹੈ ਕਿ ਦੋਸ਼ੀ ਡਰਾਈਵਰ ਔਰਤਾਂ ਨਾਲ ਨਫਰਤ ਕਰਦਾ ਸੀ। ਦੋਸ਼ੀ ਹਿਰਾਸਤ ‘ਚ ਹੈ ਅਤੇ ਉਸ ‘ਤੇ 10 ਲੋਕਾਂ ਦਾ ਕਤਲ ਕਰਨ ਤੋਂ ਇਲਾਵਾ ਹੋਰ ਕਈ ਦੋਸ਼ ਲੱਗੇ ਹਨ।