ਕੈਟਰੀਨਾ ਨੂੰ ਮਿਲੇਗਾ ਸਮਿਤਾ ਪਾਟਿਲ ਐਵਾਰਡ

ਨਵੀਂ ਦਿੱਲੀ,: ਬਾਲੀਵੁਡ ਅਦਾਕਾਰਾ ਕੈਟਰੀਨਾ ਕੈਫ਼ ਦੀ ਹਾਲ ਹੀ ਵਿਚ ਰੀਲੀਜ਼ ਹੋਈ ਫ਼ਿਲਮ ‘ਵਾਰ ਵਾਰ ਦੇਖੋ’ ਬਾਕਸ ਆਫ਼ਸ ‘ਤੇ ਕੋਈ ਕਮਾਲ ਨਹੀਂ ਕਰ ਸਕੀ, ਇਸੇ ਵਿਚਕਾਰ ਕਲ ਐਲਾਨ ਹੋਇਆ ਕਿ ਉਨ੍ਹਾਂ ਨੂੰ ਸਮਿਤਾ ਪਾਟਿਲ ਮੈਮੋਰੀਅਲ ਐਵਾਰਡ ਨਾਲ ਨਿਵਾਜਿਆ ਜਾਵੇਗਾ। ਕੈਟਰੀਨਾ ਨੂੰ ਇਹ ਐਵਾਰਡ ਪ੍ਰਿਆਦਰਸ਼ਨੀ ਅਕੈਡਮੀ ਦੁਆਰਾ ਬਾਲੀਵੁਡ ਇੰਡਸਟਰੀ ਵਿਚ ਉਨ੍ਹਾਂ ਦੇ ਅਹਿਮ ਯੋਗਦਾਨ ਲਈ ਦਿਤਾ ਜਾਵੇਗਾ। ਇਹ ਸਮਾਰੋਹ ਨੂੰ 19 ਸਤੰਬਰ ਨੂੰ ਆਯੋਜਤ ਕੀਤਾ ਜੇਵਗਾ। ਇਸ ਤੋਂ ਪਹਿਲਾਂ ਇਹ ਐਵਾਰਡ ਤਵਨੀ ਆਜਮੀ, ਸ੍ਰੀਦੇਵੀ, ਮਨੀਸ਼ਾ ਕੋਈਰਾਲਾ, ਉਰਮਿਲਾ ਮਾਤੋੜਕਰ, ਤੱਬੂ, ਵਿਦਿਆ ਬਾਲਨ, ਐਸ਼ਵਰਿਆ ਰਾਏ ਬੱਚਨ, ਕਰੀਨਾ ਕਪੂਰ ²ਖ਼ਾਨ, ਦੀਪਿਕਾ ਪਾਦੂਕੋਣ ਅਤੇ ਪ੍ਰਿਅੰਕਾ ਚੋਪੜਾ ਨੂੰ ਮਿਲ ਚੁਕਾ ਹੈ। ਸੋਸ਼ਲ ਮੀਡੀਆ ‘ਤੇ ਇਸ ਕਾਰਨ ਕੈਟਰੀਨਾ ਦੀ ਕਾਫ਼ੀ ਚਰਚਾ ਹੋ ਰਹੀ ਹੈ, ਲੋਕ ਵਧਾਈ ਦੇਣ ਦੀ ਥਾਂ ਉਨ੍ਹਾਂ ਦਾ ਮਜ਼ਾਕ ਉਡਾ ਰਹੇ ਹਨ। ਇਸ ਐਲਾਨ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਲੋਕ ਹੱਸ-ਹੱਸ ਕੇ ਪਾਗਲ ਹੋ ਗਏ ਹਨ।