ਸ਼ੂਟਿੰਗ ਚੈਂਪੀਅਨਸ਼ਿਪ ‘ਚ ਵਿਕਟੋਰੀਆ ਸਕੂਲ ਦੀ ਝੰਡੀ

ਨਵਜੋਤ ਧਾਮੀ, ਮੁਕੇਰੀਆਂ : ਵਿਕਟੋਰੀਆ ਇੰਟਰਨੈਸ਼ਨਲ ਸਕੂਲ ਮੁਕੇਰੀਆਂ ਦੇ ਵਿਦਿਆਰਥੀਆਂ ਨੇ 67ਵੀਂ ਸਕੂਲ ਜ਼ਿਲ੍ਹਾ ਪੱਧਰੀ ਸ਼ੂਟਿੰਗ ਚੈਂਪੀਅਨਸ਼ਿਪ ਵਿਚ ਭਾਗ ਲਿਆ। ਚੈਂਪੀਅਨਸ਼ਿਪ ਵਿਚ ਵੱਖ-ਵੱਖ ਸਕੂਲਾਂ ਅਤੇ ਅਕੈਡਮੀਆਂ ਦੇ ਕਰੀਬ 95 ਬੱਚਿਆਂ ਨੇ ਭਾਗ ਲਿਆ। ਚੈਂਪੀਅਨਸ਼ਿਪ ਦਸੂਆ ਅਭਿਨਵ ਅਕੈਡਮੀ ਵਿਖੇ ਹੋਈ। ਮੁਕਾਬਲੇ ‘ਚ ਸਿਮਰਨਦੀਪ ਨੇ ਅੰਡਰ 14 ਰਾਈਫਲ ਸ਼ੂਟਿੰਗ ਚੈਂਪੀਅਨਸ਼ਿਪ ‘ਚ ਪਹਿਲਾ, ਰਿਸ਼ੀ ਸਲਾਰੀਆ ਨੇ ਅੰਡਰ 19 ਰਾਈਫਲ ਸ਼ੂਟਿੰਗ ਚੈਂਪੀਅਨਸ਼ਿਪ ‘ਚ ਪਹਿਲਾ, ਮਨਵੀਨ ਕੌਰ ਨੇ ਅੰਡਰ 14 ਰਾਈਫਲ ਸ਼ੂਟਿੰਗ ਚੈਂਪੀਅਨਸ਼ਿਪ ‘ਚ ਦੂਜਾ ਸਥਾਨ, ਗੁਰਕਮ ਸਿੰਘ ਨੇ ਅੰਡਰ 19 ਰਾਈਫਲ ਸ਼ੂਟਿੰਗ ‘ਚ ਦੂਜਾ ਸਥਾਨ ਹਾਸਲ ਕੀਤਾ ਅਤੇ ਕਰਨ ਨੇ ਅੰਡਰ 17 ਪਿਸਟਲ ਸ਼ੂਟਿੰਗ ਚੈਂਪੀਅਨਸ਼ਿਪ ‘ਚ ਤੀਜਾ ਸਥਾਨ ਹਾਸਲ ਕੀਤਾ| ਇਸ ਮੌਕੇ ਸਕੂਲ ਦੇ ਡਾਇਰੈਕਟਰ ਪੋ੍. ਜੀਐੱਸ ਮੁਲਤਾਨੀ ਤੇ ਨੀਰੂ ਮੁਲਤਾਨੀ ਅਤੇ ਪਿੰ੍ਸੀਪਲ ਅਰਚਨਾ ਸੂਦਨ ਨੇ ਜੇਤੂ ਬੱਚਿਆਂ ਅਤੇ ਮਾਪਿਆਂ, ਸ਼ੂਟਿੰਗ ਕੋਚ ਗੁਰਪ੍ਰਰੀਤ ਸਿੰਘ ਨੂੰ ਵੀ ਵਧਾਈ ਦਿੱਤੀ।