ਟੋਕੀਓ— ਚਾਰ ਸਾਲ ਬਾਅਦ ਟੋਕੀਓ ‘ਚ ਹੋਣ ਵਾਲੀ ਓਲੰਪਿਕ ਦੀਆਂ ਜ਼ੋਰਦਾਰ ਤਿਆਰੀਆਂ ਵਿਚਾਲੇ ਤਮਗਿਆਂ ਲਈ ਵੀ ਕੰਮ ਸ਼ੁਰੂ ਹੋ ਗਿਆ ਹੈ। ਖਿਡਾਰੀਆਂ ਨੂੰ ਈ-ਵੇਸਟ (ਇਲੈਕਟ੍ਰੋਨਿਕ ਕਚਰਾ) ਨਾਲ ਬਣਨ ਵਾਲੇ ਤਮਗੇ ਦਿੱਤੇ ਜਾਣ ਦੀ ਯੋਜਨਾ ਹੈ। ਇਸ ਲਈ ਟੋਕੀਓ ਓਲੰਪਿਕ ਆਯੋਜਨ ਕਮੇਟੀ ਨੇ ਕੌਮਾਂਤਰੀ ਓਲੰਪਿਕ ਕਮੇਟੀ (ਆਈ.ਓ.ਸੀ.) ਦੇ ਸਾਹਮਣੇ ਇਹ ਪ੍ਰਸਤਾਵ ਰੱਖਿਆ ਹੈ। ਮਤਲਬ ਕਿ, ਜਿੱਤਣ ਵਾਲੇ ਖਿਡਾਰੀਆਂ ਨੂੰ ਸਮਾਰਟਫੋਨ, ਕੰਪਿਊਟਰ ਆਦਿ ਨਾਲ ਬਣੇ ਸੋਨੇ, ਚਾਂਦੀ ਅਤੇ ਕਾਂਸੀ ਦੇ ਤਮਗੇ ਦਿੱਤੇ ਜਾ ਸਕਦੇ ਹਨ।
ਦਰਅਸਲ, ਜਾਪਾਨ ‘ਚ ਹਰ ਸਾਲ ਲਗਭਗ 6 ਲੱਖ 50 ਹਜ਼ਾਰ ਟਨ ਈ-ਵੇਸਟ ਨਿਕਲਦਾ ਹੈ। ਇਸ ਕਚਰੇ ‘ਚ ਇਲੈਕਟ੍ਰੋਨਿਕ ਵੇਸਟ ਸ਼ਾਮਲ ਹੁੰਦੇ ਹਨ। ਦੁਨੀਆ ‘ਚ ਈ-ਵੇਸਟ ਤੋਂ ਨਿਕਲਣ ਵਾਲੇ ਸੋਨੇ ਦਾ ਲਗਭਗ 16 ਫੀਸਦੀ ਅਤੇ ਚਾਂਦੀ ਦਾ 22 ਫੀਸਦੀ ਜਾਪਾਨ ਦੇ ਈ-ਵੇਸਟ ਤੋਂ ਮਿਲਦਾ ਹੈ।
