ਪਾਕਿਸਤਾਨ ਖਿਲਾਫ ਭਾਰਤ ਦੀ ਸ਼ਾਨਦਾਰ ਜਿੱਤ ਤੇ ਇਨ੍ਹਾਂ ਖਿਡਾਰੀਆਂ ਨੇ ਦਿੱਤਾ ਬਿਆਨ

ਸਾਬਕਾ ਭਾਰਤੀ ਕ੍ਰਿਕਟ ਸਚਿਨ ਤੇਂਦੁਲਕਰ ਨੇ ਰੋਹਿਤ ਅਤੇ ਸ਼ਿਖਰ ਦੋਵਾਂ ਨੂੰ ਉਨ੍ਹਾਂ ਦੀ ਸੈਂਕੜਾਂ ਪਾਰੀਆਂ ਲਈ ਵਧਾਈ ਦਿੱਤੀ। ਇਸ ਤੋਂ ਇਲਾਵਾ ਸਚਿਨ ਨੇ ਕਿਹਾ ਕਿ ਤੁਸੀਂ ਦੋਵੇਂ (ਰੋਹਿਤ ਅਤੇ ਸ਼ਿਖਰ) ਨੂੰ ਪੂਰੀ ਲੈਅ ‘ਚ ਖੇਡਦੇ ਦੇਖਣਾ ਹਮੇਸ਼ਾ ਮਜ਼ੇਦਾਰ ਹੁੰਦਾ ਹੈ।

ਇਸ ਤੋਂ ਇਲਾਵਾ ਸਾਬਕਾ ਕ੍ਰਿਕਟਰ ਵਰਿੰਦਰ ਸਹਿਵਾਗ ਨੇ ਭਾਰਤੀ ਟੀਮ ਨੂੰ ਜਿੱਤ ਦੀ ਵਧਾਈ ਦਿੰਦੇ ਹੋਏ ਰੋਹਿਤ ਅਤੇ ਸ਼ਿਖਰ ਦੀਆਂ ਪਾਰੀਆਂ ਨੂੰ ਸ਼ਾਨਦਾਰ ਦੱਸਿਆ।

ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ ਨੇ ਕਿਹਾ ਪਾਕਿਸਤਾਨ ਖਿਲਾਫ ਇਸ ਜਿੱਤ ਨੂੰ ਰੋਹਿਤ ਅਤੇ ਸ਼ਿਖਰ ਦੀ ਸੈਂਕੜਾ ਪਾਰੀਆਂ ਨੇ ਕਾਫੀ ਆਸਾਨ ਬਣਾ ਦਿੱਤਾ।

ਦੱਸ ਦਈਏ ਕਿ ਓਪਨਿੰਗ ‘ਚ ਰੋਹਿਤ ਸ਼ਰਮਾ ਅਤੇ ਸ਼ਿਖਰ ਧਵਨ ਨੇ 82 ਵੀਂ ਪਾਰੀ ‘ਚ 13ਵੀਂ ਬਾਰ ਸੈਂਕੜਾ ਸਾਂਝੇਦਾਰੀ ਕੀਤੀ। ਉਨ੍ਹਾਂ ਨੇ ਸਚਿਨ ਤੇਂਦੁਲਕਰ ਅਤੇ ਵਰਿੰਦਰ ਸਹਿਵਾਗ ਦੀ 12 ਸੈਂਕੜਿਆਂ ਦੀ ਸਾਂਝੇਦਾਰੀ ਦੇ ਰਿਕਾਰਡ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਸਚਿਨ ਸਹਿਵਾਗ ਨੇ 93 ਪਾਰੀਆਂ ‘ਚ ਓਪਨਿੰਗ ਕੀਤੀ ਸੀ।