ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਵਿਸ਼ਵ ਵਪਾਰ ਸੰਗਠਨ (ਡਬਲਯੂਟੀਓ) ਦੀ ਬੈਠਕ ‘ਚ ਅਮਰੀਕਾ, ਚੀਨ, ਕੋਰੀਆ ਤੇ ਚੀਨੀ ਤਾਈਪੇ ਨੇ ਲੈਪਟਾਪ ਤੇ ਕੰਪਿਊਟਰ ‘ਤੇ ਆਯਾਤ ਪਾਬੰਦੀ ਲਗਾਉਣ ਦੇ ਭਾਰਤ ਦੇ ਫੈਸਲੇ ‘ਤੇ ਚਿੰਤਾ ਜ਼ਾਹਰ ਕੀਤੀ ਹੈ। ਇਹ ਚਿੰਤਾ ਡਬਲਯੂਟੀਓ ਦੀ ਮਾਰਕੀਟ ਐਕਸੈਸ ਕਮੇਟੀ ਦੀ ਮੀਟਿੰਗ ਵਿੱਚ ਉਜਾਗਰ ਕੀਤੀ ਗਈ ਸੀ।
US ਨੇ ਕੀ ਕਿਹਾ?
ਅਮਰੀਕਾ ਨੇ ਕਿਹਾ ਹੈ ਕਿ ਇਸ ਫੈਸਲੇ ਦੇ ਲਾਗੂ ਹੋਣ ਤੋਂ ਬਾਅਦ ਭਾਰਤ ਨੂੰ ਅਮਰੀਕੀ ਨਿਰਯਾਤ ਸਮੇਤ ਇਨ੍ਹਾਂ ਉਤਪਾਦਾਂ ਦਾ ਵਪਾਰ ਪ੍ਰਭਾਵਿਤ ਹੋਵੇਗਾ। ਅਮਰੀਕਾ ਨੇ ਇਹ ਵੀ ਕਿਹਾ ਹੈ ਕਿ ਇਹ ਫੈਸਲਾ ਬਰਾਮਦਕਾਰਾਂ ਤੇ ਡਾਊਨਸਟ੍ਰੀਮ ਉਪਭੋਗਤਾਵਾਂ ਲਈ ਅਨਿਸ਼ਚਿਤਤਾ ਪੈਦਾ ਕਰ ਰਿਹਾ ਹੈ। .jpeg)
ਭਾਰਤ ਨੇ ਅਗਸਤ ‘ਚ ਦਰਾਮਦ ‘ਤੇ ਲਗਾਈ ਸੀ ਪਾਬੰਦੀ
ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਨੇ ਘਰੇਲੂ ਨਿਰਮਾਣ ਨੂੰ ਉਤਸ਼ਾਹਿਤ ਕਰਨ ਤੇ ਆਯਾਤ ਵਿੱਚ ਕਟੌਤੀ ਦੇ ਉਦੇਸ਼ ਨਾਲ 3 ਅਗਸਤ ਨੂੰ ਕਈ ਆਈਟੀ ਹਾਰਡਵੇਅਰ ਉਤਪਾਦਾਂ ਜਿਵੇਂ ਕਿ ਲੈਪਟਾਪ, ਨਿੱਜੀ ਕੰਪਿਊਟਰ (ਟੈਬਲੇਟ ਕੰਪਿਊਟਰਾਂ ਸਮੇਤ), ਮਾਈਕ੍ਰੋ ਕੰਪਿਊਟਰ, ਵੱਡੇ ਜਾਂ ਮੇਨਫ੍ਰੇਮ ਕੰਪਿਊਟਰ ਤੇ ਕੁਝ ਡਾਟਾ ਪ੍ਰੋਸੈਸਿੰਗ ਮਸ਼ੀਨਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ। ਚੀਨ ਵਰਗੇ ਦੇਸ਼ਾਂ ਤੋਂ ਦਰਾਮਦ ਇਹ ਫੈਸਲਾ 1 ਨਵੰਬਰ ਤੋਂ ਲਾਗੂ ਹੋਵੇਗਾ।
ਲਾਇਸੈਂਸ ਲੈਣਾ ਨਹੀਂ ਜ਼ਰੂਰੀ
ਹਾਲ ਹੀ ‘ਚ ਵਣਜ ਸਕੱਤਰ ਸੁਨੀਲ ਬਰਥਵਾਲ ਨੇ ਕਿਹਾ ਸੀ ਕਿ ਭਾਰਤ ਦਰਾਮਦ ‘ਤੇ ਲਾਇਸੈਂਸ ਦੀ ਜ਼ਰੂਰਤ ਨਹੀਂ ਲਗਾਏਗਾ ਪਰ ਸਿਰਫ਼ ਉਨ੍ਹਾਂ ਦੇ ਆਉਣ ਵਾਲੇ ਸ਼ਿਪਮੈਂਟ ਦੀ ਨਿਗਰਾਨੀ ਕਰੇਗਾ।
ਕੋਰੀਆ ਨੇ ਭਾਰਤ ਨੂੰ ਮੁੜ ਵਿਚਾਰ ਕਰਨ ਦੀ ਕੀਤੀ ਬੇਨਤੀ
ਕੋਰੀਆ ਨੇ ਇਸ ਗੱਲ ’ਤੇ ਜ਼ੋਰ ਦਿੱਤਾ ਕਿ ਭਾਰਤ ਦੁਆਰਾ ਲਗਾਈ ਗਈ ਪਾਬੰਦੀ ਬੇਲੋੜੀ ਵਪਾਰਕ ਰੁਕਾਵਟਾਂ ਪੈਦਾ ਕਰ ਸਕਦੀ ਹੈ।
ਕੋਰੀਆ ਨੇ ਭਾਰਤ ਨੂੰ ਪਾਬੰਦੀਆਂ ਦੇ ਫੈਸਲੇ ‘ਤੇ ਮੁੜ ਵਿਚਾਰ ਕਰਨ ਤੇ ਇਸ ਨੂੰ ਲਾਗੂ ਕਰਨ ਦਾ ਸਮਾਂ ਸੀਮਾ ਸਮੇਤ ਇਸ ਮੁੱਦੇ ‘ਤੇ ਵਿਸਤ੍ਰਿਤ ਸਪੱਸ਼ਟੀਕਰਨ ਤੇ ਜਾਣਕਾਰੀ ਦੇਣ ਦੀ ਬੇਨਤੀ ਕੀਤੀ ਹੈ।
ਵਿੱਤੀ ਸਾਲ 23 ਵਿੱਚ ਦਰਾਮਦ 5 ਬਿਲੀਅਨ ਡਾਲਰ ਤੋਂ ਸੀ ਉੱਪਰ
ਭਾਰਤ ਨੇ ਪਿਛਲੇ ਵਿੱਤੀ ਸਾਲ ਮਤਲਬ 2022-23 ‘ਚ 5.33 ਅਰਬ ਅਮਰੀਕੀ ਡਾਲਰ ਦੇ ਲੈਪਟਾਪ ਸਮੇਤ ਨਿੱਜੀ ਕੰਪਿਊਟਰਾਂ ਦਾ ਦਰਾਮਦ ਕੀਤਾ ਹੈ ਜਦਕਿ ਇਸ ਤੋਂ ਇਕ ਸਾਲ ਪਹਿਲਾਂ ਮਤਲਬ ਵਿੱਤੀ ਸਾਲ 2021-22 ‘ਚ ਭਾਰਤ ਨੇ 7.37 ਅਰਬ ਅਮਰੀਕੀ ਡਾਲਰ ਦਾ ਦਰਾਮਦ ਕੀਤਾ ਗਿਆ ਹੈ।
