ਆਨਲਾਈਨ ਡੈਸਕ, ਦੁਆਰਕਾ: ਕ੍ਰਿਸ਼ਨ ਨਗਰੀ ਦੁਆਰਕਾ ‘ਚ ਅੱਜ ਕਰੀਬ ਸਾਢੇ ਪੰਜ ਹਜ਼ਾਰ ਸਾਲ ਪਹਿਲਾਂ ਕ੍ਰਿਸ਼ਨ ਕਾਲ ‘ਚ ਨਿਭਾਏ ਅਲੌਕਿਕ ਸੰਸਕਾਰਾਂ ਦਾ ਮਾਣਮੱਤ ਅਤੀਤ ਦੁਹਰਾਇਆ ਗਿਆ ਹੈ। ਦਰਅਸਲ, ਐਤਵਾਰ ਸਵੇਰੇ ਬ੍ਰਹਮ ਮਹੂਰਤ ਸਮੇਂ 37 ਹਜ਼ਾਰ ਅਹੀਰ ਔਰਤਾਂ ਨੇ ਇਕੱਠੇ ਗਰਬਾ ਕੀਤਾ ਹੈ। ਗਰਬੇ ਦੇ ਸਬੰਧ ‘ਚ ਵਿਸ਼ਵਾ ਪਰੰਪਰਾ ਦੀ ਝਲਕ ਪੇਸ਼ ਕੀਤੀ ਗਈ।
37 ਔਰਤਾਂ ਦਾ ਸ਼ਾਨਦਾਰ ਵੀਡੀਓ
ਅੱਜ 37 ਹਜ਼ਾਰ ਅਹੀਰ ਔਰਤਾਂ ਦੇ ਗਰਬੇ ਦਾ ਡ੍ਰੋਨ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ਵਿੱਚ ਗਰਬੇ ਦਾ ਅਦਭੁੱਤ ਦ੍ਰਿਸ਼ ਵੇਖਣ ਨੂੰ ਮਿਲ ਰਿਹਾ ਹੈ। ਐਤਵਾਰ ਸਵੇਰੇ ਕ੍ਰਿਸ਼ਨ ਨਗਰੀ ਦੁਆਰਕਾ ‘ਚ ਕਰੀਬ 37 ਔਰਤਾਂ ਨੇ ਇਕੱਠੇ ਗਰਬਾ ਕੀਤਾ ਅਤੇ ਵਿਸ਼ਵ ਰਿਕਾਰਡ ਬਣਾਇਆ। ਫਿਰ ਅੱਜ ਤੋਂ ਪੂਰੇ ਦੁਆਰਕਾ ਖੇਤਰ ਅਤੇ ਸਜ਼ਾਵਟ ਨੁੰ ਰੌਸ਼ਨ ਕਰ ਦਿੱਤਾ ਗਿਆ ਹੈ।
ਯਾਦ ਰਹੇ ਕਿ ਅਹੀਰਾਨੀ ਗਰਬੇ ਦੇ ਇਸ ਇਤਿਹਾਸਕ ਆਯੋਜਨ ‘ਚ ਨਾ ਸਿਰਫ਼ ਦੇਵਭੂਮੀ ਦੁਆਰਕਾ ਜਾਂ ਗੁਜਰਾਤ, ਸਗੋਂ ਦੁਬਈ, ਅਮਰੀਕਾ, ਦੱਖਣੀ ਅਫ਼ਰੀਕਾ, ਕੈਨੇਡਾ ਅਤੇ ਹੋਰ ਦੇਸ਼ਾਂ ਦੀਆਂ ਔਰਤਾਂ ਵੀ ਸ਼ਾਮਲ ਹੋਈਆਂ ਹਨ। ਗਰਬੇ ਨੁੰ ਵੇਖਦੇ ਹੋਏ ਦੁਆਰਕਾ ‘ਚ ਅਹੀਰ ਭਾਈਚਾਰਾ ਇਕੱਠਾ ਹੋਇਆ।
#WATCH | Gujarat: 37000 women from the Ahir community performed Maha Raas in Dwarka pic.twitter.com/Ta19lRhhiR
— ANI (@ANI) December 24, 2023
ਸੱਭਿਆਚਾਰਕ ਪ੍ਰੋਗਰਾਮ ਹੋਇਆ
ਅਹੀਰ ਭਾਈਚਾਰੇ ਨੇ ਜਗਤ ਮੰਦਰ ‘ਚ ਝੰਡਾ ਚੜ੍ਹਾਇਆ, ਜਿੱਥੇ ਹਜ਼ਾਰਾਂ ਦੀ ਗਿਣਤੀ ‘ਚ ਲੋਕ ਇਕੱਠੇ ਹੋਏ ਸਨ। ਇਸ ਦੌਰਾਨ, ਗਰਬੇ ਦੇ ਸਥਾਨ ‘ਤੇ ਪੂਜਾ ਕੀਤੀ ਗਈ। ਗਰਬਾ ਵੇਖਣ ਲਈ ਲੋਕਾਂ ਦਾ ਭਾਰੀ ਇਕੱਠ ਹੋਇਆ ਸੀ। ਦੁਆਰਕਾ ‘ਚ ਰੁਕਮਣੀ ਮੰਦਰ ਕੋਲ ਤਿਆਰ ਵਿਸ਼ਾਲ ਪੰਡਾਲ ‘ਚ ਕੱਲ ਸ਼ਾਮਲ ਵੱਖ-ਵੱਖ ਪ੍ਰੋਗਰਾਮ ਕਰਵਾਏ ਗਏ, ਜਿਨ੍ਹਾਂ ਵਿੱਚ ਸਨਮਾਨ ਸਮਾਰੋਹ, ਪੂਜਾ-ਅਰਚਨਾ, ਸਮੂਹਿਕ ਪ੍ਰਸਾਦ ਅਤੇ ਰਾਧਾ ਭਾਈ ਅਹੀਰ ਸਣੇ ਕਲਾਕਾਰਾਂ ਦੇ ਵੱਡੇ ਲੋਕਾਂ ਦੇ ਨਾਲ-ਨਾਲ ਅਹੀਰ ਭੈਣਾਂ ਵੱਲੋਂ ਤਿਆਰ ਕੀਤੇ ਗਏ ਸੱਭਿਆਚਾਰਕ ਪ੍ਰੋਗਰਾਮ ਵੀ ਸ਼ਾਮਲ ਸਨ।
ਝੰਡਾ ਚੜ੍ਹਾਉਣ ਦੇ ਨਾਲ ਹੋਈ ਪ੍ਰੋਗਰਾਮ ਦੀ ਸ਼ੁਰੂਆਤ
ਕੱਲ੍ਹ ਸ਼ਾਮ ਤੋਂ ਸ਼ੁਰੂ ਹੋਏ ਅਹੀਰਾਨੀ ਮਹਾਰਾਸ ਸਮਾਰੋਹ ਦੀ ਸ਼ੁਰੂਆਤ ‘ਚ ਪੰਡਾਲ ‘ਚ ਬਿਜਨਸ ਐਕਸਪੋ ਅਤੇ ਹਸਤਸ਼ਿਲਪ ਉਦਯੋਗ ਪ੍ਰਦਰਸ਼ਨ ਲਗਾਈ ਗਈ। ਅਹੀਰ ਜਾਤੀ ਦੇ ਦਾਨੀਆਂ, ਨੇਤਾਵਾਂ, ਨੌਜਵਾਨਾਂ, ਵਰਕਰਾਂ ਦੀ ਵਿਸ਼ੇਸ਼ ਹਾਜ਼ਰੀ ‘ਚ ਕੱਲ੍ਹ ਸ਼ਾਮ ਪੂਜਾ ਸਮਾਰੋਹ ਸ਼ੁਰੂ ਹੋਇਆ। ਭਗਵਾਨ ਕ੍ਰਿਸ਼ਨ ਨੂੰ ਕੇਂਦਰ ‘ਚ ਰੱਖ ਕੇ ਦੁਆਰਾਕਪੁਰੀ ‘ਚ ਅਹੀਰਾਨੀ ਮਹਾਰਾਸ ਪ੍ਰੋਗਰਾਮ ਦੀ ਸ਼ੁਰੂਆਤ ਭਗਵਾਨ ਦੁਆਰਕਾਅਧੀਸ਼ ਦੇ ਵਿਸ਼ਵ ਮੰਦਰ ‘ਤੇ ਝੰਡਾ ਚੜ੍ਹਾ ਕੇ ਕੀਤੀ ਗਈ।