ਨਵੀਂ ਦਿੱਲੀ,: ਸਨਸਨੀਖ਼ੇਜ਼ ਅਤੇ ਬਹੁ ਚਰਚਿਤ ਨਿਠਾਰੀ ਕਾਂਡ ਨਾਲ ਸਬੰਧਤ ਇਕ ਮਾਮਲੇ ਵਿਚ ਸੀਬੀਆਈ ਦੀ ਵਿਸ਼ੇਸ਼ ਅਦਾਲਤ ਨੇ ਕਾਰੋਬਾਰੀ ਮਨਿੰਦਰ ਸਿੰਘ ਪੰਧੇਰ ਅਤੇ ਉਸ ਦੇ ਘਰੇਲੂ ਨੌਕਰ ਸੁਰਿੰਦਰ ਕੋਲੀ ਨੂੰ ਮੌਤ ਦੀ ਸੁਣਾਈ।ਵਿਸ਼ੇਸ਼ ਜੱਜ ਪਵਨ ਕੁਮਾਰ ਤਿਵਾੜੀ ਨੇ ਘਰੇਲੂ ਨੌਕਰਾਣੀ ਪਿੰਕੀ ਸਰਕਾਰ (12) ਦੀ ਹਤਿਆ ਦੇ ਦੋਸ਼ ਹੇਠ ਦੋਹਾਂ ਨੂੰ ਸਜ਼ਾ ਏ ਮੌਤ ਦੀ ਸਜ਼ਾ ਸੁਣਾਈ। ਸੀਬੀਆਈ ਦੇ ਬੁਲਾਰੇ ਆਰ.ਕੇ. ਗੌੜ ਨੇ ਦਸਿਆ ਕਿ ਪੰਧੇਰ ਅਤੇ ਕੋਲੀ ਨੂੰ ਇਸ ਮਾਮਲੇ ਵਿਚ ਅਗ਼ਵਾ, ਬਲਾਤਕਾਰ ਅਤੇ ਹਤਿਆ ਦਾ ਦੋਸ਼ੀ ਠਹਿਰਾਇਆ ਗਿਆ।
ਪੁਲਿਸ ਨੇ 29 ਦਸੰਬਰ 2006 ਨੂੰ ਨੋਇਡਾ ਦੇ ਨਿਠਾਰੀ ਇਲਾਕੇ ਵਿਚ ਸਥਿਤ ਪੰਧੇਰ ਦੇ ਘਰ ਵਿਚੋਂ 19 ਮਨੁੱਖੀ ਕੰਕਾਲ ਬਰਾਮਦ ਕੀਤੇ ਸਨ। ਪੰਧੇਰ ਅਤੇ ਕੋਲੀ ਵਿਰੁਧ 19 ਮਾਮਲਿਆਂ ਵਿਚੋਂ 16 ਵਿਚ ਦੋਸ਼ ਪੱਤਰ ਦਾਖ਼ਲ ਕੀਤਾ ਗਿਆ ਜਦਕਿ ਤਿੰਨ ਮਾਮਲਿਆਂ ਨੂੰ ਸਬੂਤਾਂ ਦੀ ਘਾਟ ਕਾਰਨ ਬੰਦ ਕਰ ਦਿਤਾ ਗਿਆ। ਜ਼ਿਆਦਾਤਰ ਕੰਕਾਲ ਘੱਟ ਉਮਰ ਦੀਆਂ ਲੜਕੀਆਂ ਦੇ ਸਨ। ਪਿੰਕੀ ਸਰਕਾਰ ਮਾਮਲੇ ਤੋਂ ਪਹਿਲਾਂ ਦੋਹਾਂ ਨੂੰ 9 ਮਾਮਲਿਆਂ ਵਿਚ ਦੋਸ਼ੀ ਠਹਿਰਾਉਂÎਦਿਆਂ ਸਜ਼ਾ ਸੁਣਾਈ ਜਾ ਚੁੱਕੀ ਹੈ ਜਦਕਿ ਸੱਤ ਮਾਮਲੇ ਅਜੇ ਵੀ ਵੱਖ ਵੱਖ ਪੜਾਵਾਂ ਵਿਚ ਚੱਲ ਰਹੇ ਹਨ। ਹੁਣ ਤਕ ਪੰਧੇਰ ਨੂੰ ਮੌਤ ਦੀ ਸਜ਼ਾ ਨਹੀਂ ਸੁਣਾਈ ਗਈ ਸੀ।
