ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ Durga Ashtami Celebration 2023: ਅੱਜ ਦੇਸ਼ ਦੇ ਕੋਨੇ-ਕੋਨੇ ਵਿੱਚ ਦੁਰਗਾ ਅਸ਼ਟਮੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਬਾਲੀਵੁੱਡ ਹਸਤੀਆਂ ਨੇ ਘਰ ‘ਚ ਹੀ ਮਹਾਅਸ਼ਟਮੀ ਮਨਾਈ। ਕਿਸੇ ਨੇ ਕੰਜਕ ਖੁਆਈ ਤੇ ਕੋਈ ਅਸ਼ਟਮੀ ਦਾ ਪ੍ਰਸ਼ਾਦ ਖਾਂਦੇ ਦਿਖਿਆ। ਕਿਆਰਾ ਅਡਵਾਨੀ ਤੋਂ ਲੈ ਕੇ ਕ੍ਰਿਤੀ ਸੈਨਨ ਤੱਕ ਨੇ ਅਸ਼ਟਮੀ ਦੇ ਜਸ਼ਨ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।

ਕਿਆਰਾ-ਸਿਧਾਰਥ ਨੇ ਮਨਾਈ ਅਸ਼ਟਮੀ

ਕਿਆਰਾ ਅਡਵਾਨੀ ਤੇ ਸਿਧਾਰਥ ਮਲਹੋਤਰਾ ਨੇ ਦੁਰਗਾ ਅਸ਼ਟਮੀ ਮਨਾਉਂਦੇ ਹੋਏ ਇੰਸਟਾਗ੍ਰਾਮ ਸਟੋਰੀ ‘ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਨੇ ਦੁਰਗਾ ਅਸ਼ਟਮੀ ਪ੍ਰਸਾਦ ਹਲਵਾ-ਪੁਰੀ ਤੇ ਚਨੇ ਦੀ ਫੋਟੋ ਸ਼ੇਅਰ ਕੀਤੀ ਹੈ ਅਤੇ ਆਪਣੇ ਪਤੀ ਨੂੰ ਟੈਗ ਕਰਦੇ ਹੋਏ ਪ੍ਰਸ਼ੰਸਕਾਂ ਨੂੰ ਅਸ਼ਟਮੀ ਦੀਆਂ ਸ਼ੁੱਭਕਾਮਨਾਵਾਂ ਦਿੱਤੀਆਂ ਹਨ। ਇਸ ਦੇ ਨਾਲ ਹੀ ਸਿਧਾਰਥ ਮਲਹੋਤਰਾ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਅਸ਼ਟਮੀ ਪ੍ਰਸਾਦ ਦੀ ਝਲਕ ਦਿਖਾਈ।

ਕ੍ਰਿਤੀ ਸੈਨਨ ਨੇ ਅਸ਼ਟਮੀ ਦੀ ਝਲਕ ਦਿਖਾਈ

ਕਿਆਰਾ ਵਾਂਗ ਨੈਸ਼ਨਲ ਐਵਾਰਡ ਜੇਤੂ ਅਦਾਕਾਰਾ ਕ੍ਰਿਤੀ ਸੈਨਨ ਨੇ ਵੀ ਮਹਾਸ਼ਟਮੀ ਦੇ ਜਸ਼ਨ ਦੀ ਝਲਕ ਦਿਖਾਈ। ਹਲਵਾ-ਪੁਰੀ ਤੇ ਚਨਿਆ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਲਿਖਿਆ, ‘ਸ਼ੁਭ ਅਸ਼ਟਮੀ।’

ਨਿਕਿਤਾ ਦੱਤਾ ਨੇ ਕੀਤੀ ਕੰਜਕ ਪੂਜਾ

‘ਕਬੀਰ ਸਿੰਘ’ ਦੀ ਹੀਰੋਇਨ ਨਿਕਿਤਾ ਦੱਤਾ ਨੇ ਆਪਣੇ ਘਰ ਮਹਾਅਸ਼ਟਮੀ ਮਨਾਈ। ਉਨ੍ਹਾਂ ਨੇ ਕੰਜਕ ਪੂਜਾ ਕੀਤੀ। ਲੜਕੀਆਂ ਨੂੰ ਘਰ ਬੁਲਾ ਕੇ ਪੂਜਾ ਕਰਨ ਤੋਂ ਬਾਅਦ ਨਿਕਿਤਾ ਉਨ੍ਹਾਂ ਦੇ ਪੈਰ ਛੂਹਦੀ ਨਜ਼ਰ ਆਈ। ਹਲਵਾ-ਪੁਰੀ ਤੇ ਚਨਾ ਪ੍ਰਸਾਦ ਦੀ ਫੋਟੋ ਸ਼ੇਅਰ ਕਰਦੇ ਹੋਏ ਨਿਕਿਤਾ ਨੇ ਕਿਹਾ, “ਇਹ ਭੋਜਨ ਇੱਕ ਭਾਵਨਾ ਹੈ। ਨਵਰਾਤਰੀ ਦਾ ਅੱਠਵਾਂ ਦਿਨ।” ਅਭਿਨੇਤਰੀ ਨੇ ਪੋਸਟ ਦੇ ਕੈਪਸ਼ਨ ‘ਚ ਲਿਖਿਆ, ਅਸ਼ਟਮੀ, ਹਲਵਾ-ਪੁਰੀ-ਚਨਾ, ਤੇ ਮੈਂ ਸਭ ਤੋਂ ਖੁਸ਼ ਹਾਂ। ਇਸ ਦਿਨ ਘਰ ਵਰਗੀ ਕੋਈ ਜਗ੍ਹਾ ਨਹੀਂ ਹੈ। ਜੈ ਮਾਤਾ ਦੀ।”