ਜੇਐੱਨਐੱਨ, ਨਵੀਂ ਦਿੱਲੀ : ਸਲਮਾਨ ਖਾਨ ਦੇ ਵਿਵਾਦਤ ਸ਼ੋਅ ਬਿੱਗ ਬੌਸ ਸੀਜ਼ਨ 17 ਦੀ ਸ਼ੁਰੂਆਤ ਕਾਫ਼ੀ ਡਰਾਮੇ ਨਾਲ ਹੋਈ। ਕਲਰਜ਼ ਦੇ ਇਸ ਵਿਵਾਦਤ ਸ਼ੋਅ ਦਾ 15 ਅਕਤੂਬਰ ਨੂੰ ਸ਼ਾਨਦਾਰ ਪ੍ਰੀਮੀਅਰ ਹੋਇਆ ਸੀ, ਜਿੱਥੇ ਇਸ ਵਾਰ ‘ਬਿੱਗ ਬੌਸ’ ਦੇ ਘਰ ‘ਚ ਕੌਣ ਐਂਟਰੀ ਕਰੇਗਾ, ਇਸ ਰਾਜ਼ ਤੋਂ ਪਰਦਾ ਉੱਠਿਆ। ਜਿੱਥੇ ਕਈ ਪ੍ਰਤੀਯੋਗੀਆਂ ਨੇ ਸਟੇਜ ‘ਤੇ ਆ ਕੇ ਆਪਣੀ ਸ਼ਾਂਤ ਸੁਭਾ ਦਿਖਾਇਆ, ਉੱਥੇ ਹੀ ਕਿਸੇ ਨੇ ਆਉਂਦਿਆਂ ਹੀ ਇਹ ਐਲਾਨ ਕਰ ਦਿੱਤਾ ਕਿ ਉਹ ਘਰ ‘ਚ ਹਰ ਕਿਸੇ ਨਾਲ ਪੰਗਾ ਲੈਣ ਵਾਲੇ ਹਨ। ਇਸ ਵਾਰ ਬਿੱਗ ਬੌਸ 17 ਦੀ ਇਹ ਗੇਮ ਪ੍ਰਤੀਯੋਗੀਆਂ ਲਈ ਬਿਲਕੁਲ ਵੀ ਸੌਖੀ ਨਹੀਂ ਹੈ ਕਿਉਂਕਿ ਘਰ ਵਿਚ ਮੌਜੂਦ ਪ੍ਰਤੀਯੋਗੀਆਂ ਨੂੰ ਆਪਣੇ ਦਿਲ ਅਤੇ ਦਿਮਾਗ ਦੇ ਨਾਲ-ਨਾਲ ਆਪਣੀ ਪੂਰੀ ਤਾਕਤ ਦੀ ਵਰਤੋਂ ਕਰਨੀ ਪਵੇਗੀ। ਅਜਿਹਾ ਹੀ ਕੁਝ ਦੇਖਣ ਨੂੰ ਮਿਲਿਆ। 18 ਮੁਕਾਬਲੇਬਾਜ਼ਾਂ ‘ਚੋਂ ਇਕ ਮੈਂਬਰ ਅਜਿਹਾ ਸੀ, ਜਿਸ ਨੇ ਸਾਰਿਆਂ ਨਾਲ ਦੁਸ਼ਮਣੀ ਮੁੱਲ ਲਈ ਤੇ ਧੱਕਾ-ਮੁੱਕੀ ਕਰਨ ਲੱਗਿਆ।
ਇਸ ਮੁਕਾਬਲੇਬਾਜ਼ ਨੇ ਆਉਂਦਿਆਂ ਹੀ ਕੀਤੀ ਧੱਕਾ-ਮੁੱਕੀ
ਇਸ ਵਾਰ ਬਿੱਗ ਬੌਸ ਸੀਜ਼ਨ 17 ਵਿਚ ਮਸ਼ਹੂਰ ਹਸਤੀਆਂ ਨਾਲ ਯੂਟਿਊਬਰ ਅਤੇ ਵਕੀਲਾਂ ਤੋਂ ਲੈ ਕੇ ਸਾਬਕਾ ਪੱਤਰਕਾਰਾਂ ਤੱਕ ਕਈ ਅਲੱਗ-ਅਲੱਗ ਤਰ੍ਹਾਂ ਦੇ ਲੋਕ ਦਿਖਾਈ ਦੇ ਰਹੇ ਹਨ। ਪਹਿਲੇ ਦਿਨ ਹੀ ਜਿੱਥੇ ਹਰ ਕੋਈ ਇੱਕ-ਦੂਜੇ ਨੂੰ ਜਾਣਨ ਦੀ ਕੋਸ਼ਿਸ਼ ‘ਚ ਰੁੱਝਿਆ ਹੋਇਆ ਸੀ, ਉੱਥੇ ਹੀ ਸੋਸ਼ਲ ਮੀਡੀਆ ‘ਤੇ ਪ੍ਰਭਾਵ ਪਾਉਣ ਵਾਲੇ ਅਤੇ ਉਡਾਰੀਆ ਦੇ ਅਦਾਕਾਰ ਅਭਿਸ਼ੇਕ ਕੁਮਾਰ ਪਹਿਲੇ ਹੀ ਦਿਨ ਨਾ ਸਿਰਫ ਈਸ਼ਾ ਮਾਲਵੀਆ ਨਾਲ ਲੜਦੇ ਨਜ਼ਰ ਆਏ ਸਗੋਂ ਕਈ ਮੁਕਾਬਲੇਬਾਜ਼ਾਂ ਨਾਲ ਉਨ੍ਹਾਂ ਧੱਕਾ-ਮੁੱਕੀ ਵੀ ਕੀਤੀ।
ਬਿੱਗ ਬੌਸ 24×7 ਮਸਾਲਾ ਪੇਜ਼ ਨੇ ਲਾਈਵ ਵੀਡੀਓ ਫੁਟੇਜ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਅਦਾਕਾਰ ਅਭਿਸ਼ੇਕ ਕੁਮਾਰ ‘ਤਹਿਲਕਾ ਬਾਈ’ ਉਰਫ਼ ਸੰਨੀ ਆਰੀਆ ਨਾਲ ਧੱਕਾ-ਮੁੱਕੀ ਕਰਦੇ ਨਜ਼ਰ ਆ ਰਹੇ ਹਨ। ਇੰਨਾ ਹੀ ਨਹੀਂ ਇਸ ਵੀਡੀਓ ‘ਚ ਅਭਿਸ਼ੇਕ ਹੋਰ ਮੈਂਬਰਾਂ ਨਾਲ ਵੀ ਭਿੜਦੇ ਨਜ਼ਰ ਆਏ।
ਸਟੇਜ ਤੋਂ ਬਾਅਦ ‘ਬਿੱਗ ਬੌਸ’ ਦੇ ਘਰ ‘ਚ ਵੀ ਈਸ਼ਾ ਮਾਲਵੀਆ ਨਾਲ ਹੋਈ ਲੜਾਈ
ਈਸ਼ਾ ਮਾਲਵੀਆ ਅਤੇ ਅਭਿਸ਼ੇਕ ਕੁਮਾਰ ਇਸ ਸਾਲ ਦੇ ਸਭ ਤੋਂ ਵਿਵਾਦਤ ਪ੍ਰਤੀਯੋਗੀਆਂ ਵਿੱਚੋਂ ਇੱਕ ਹਨ। ਦੋਵਾਂ ਨੇ ਸਲਮਾਨ ਖਾਨ ਦੇ ਸਾਹਮਣੇ ਸਟੇਜ ‘ਤੇ ਇਕ-ਦੂਜੇ ‘ਤੇ ਗੰਭੀਰ ਦੋਸ਼ ਲਗਾਏ। ਈਸ਼ਾ ਮਾਲਵੀਆ ਨੇ ਤਾਂ ਅਭਿਸ਼ੇਕ ‘ਤੇ ਸਰੀਰਕ ਹਿੰਸਾ ਦਾ ਵੀ ਇਲਜ਼ਾਮ ਲਗਾਇਆ, ਜਿਸ ਤੋਂ ਬਾਅਦ ਅਭਿਸ਼ੇਕ ਵੀ ਉਸ ‘ਤੇ ਹਮਲਾ ਕਰਨ ਤੋਂ ਪਿੱਛੇ ਨਹੀਂ ਹਟੇ ਅਤੇ ਉਨ੍ਹਾਂ ਨੇ ਸਟੇਜ ‘ਤੇ ਹੀ ਉਸ ਨੂੰ ਕਾਫੀ ਡਾਂਟਿਆ ਅਤੇ ਉਡਾਰੀਆ ਐਕਟਰ ਨੂੰ ਡੇਟ ਕਰਨ ਦੀ ਕਹਾਣੀ ਦਾ ਖੁਲਾਸਾ ਵੀ ਕੀਤਾ। ਸਲਮਾਨ ਖਾਨ ਨੇ ਸਟੇਜ ‘ਤੇ ਦੋਵਾਂ ਵਿਚਾਲੇ ਹੋਈ ਲੜਾਈ ਨੂੰ ਕਿਸੇ ਤਰ੍ਹਾਂ ਸ਼ਾਂਤ ਕੀਤਾ ਪਰ ਜਿਵੇਂ ਹੀ ਦੋਵੇਂ ਘਰ ‘ਚ ਦਾਖਲ ਹੋਏ ਤਾਂ ਇਕ ਵਾਰ ਫਿਰ ਦੋਵਾਂ ਵਿਚਾਲੇ ਲੜਾਈ ਸ਼ੁਰੂ ਹੋ ਗਈ, ਜਿਸ ਨੂੰ ਦੇਖ ਕੇ ਸਾਰੇ ਮੈਂਬਰ ਹੈਰਾਨ ਰਹਿ ਗਏ।
