ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਬੁੱਧਵਾਰ ਨੂੰ ਜੈਪ੍ਰਕਾਸ਼ ਨਾਰਾਇਣ ਦੇ ਜਨਮਦਿਨ ’ਤੇ ਸਮਾਜਵਾਦੀ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਅਖਿਲੇਸ਼ ਯਾਦਵ ਲਖਨਊ ਦੇ JPNIC ਪਹੁੰਚੇ। ਜਦੋਂ ਅਖਿਲੇਸ਼ ਪਹੁੰਚੇ ਤਾਂ ਪੁਲਿਸ ਨੇ ਉਸ ਨੂੰ ਨਾਲ ਨਾ ਹੋਣ ਦਾ ਹਵਾਲਾ ਦਿੱਤਾ ਤੇ ਉਸ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ।
ਪੁਲਿਸ ਨੇ ਅਖਿਲੇਸ਼ ਨੂੰ ਰੋਕਣ ਲਈ ਜੇਪੀਐੱਨਆਈਸੀ ਦੇ ਗੇਟ ਨੂੰ ਤਾਲਾ ਲਗਾ ਦਿੱਤਾ ਤੇ ਕੋਈ ਵੀ ਗੇਟ ਦੇ ਅੰਦਰ ਨਾ ਜਾ ਸਕੇ ਇਸ ਲਈ ਇੱਕ ਦਿਨ ਪਹਿਲਾਂ ਹੀ ਲੋਹੇ ਦੀ ਚਾਦਰ ਲਗਾ ਦਿੱਤੀ ਗਈ ਸੀ।
ਗੇਟ ਨੂੰ ਟੱਪ ਕੇ ਅਖਿਲੇਸ਼ ਨੇ ਫੁਲਾ ਦੀ ਮਾਲੀ ਪਾਈ
ਜੈ ਪ੍ਰਕਾਸ਼ ਨਰਾਇਣ ਦੀ ਜੈਅੰਤੀ ‘ਤੇ ਜੇਪੀਐੱਨਆਈਸੀ ਦਾ ਗੇਟ ਬੰਦ ਕੀਤੇ ਜਾਣ ਤੋਂ ਨਾਰਾਜ਼ ਸਪਾ ਦੇ ਰਾਸ਼ਟਰੀ ਪ੍ਰਧਾਨ ਅਖਿਲੇਸ਼ ਯਾਦਵ ਛਾਲ ਮਾਰ ਕੇ ਅੰਦਰ ਵੜ ਗਏ। ਜਿਵੇਂ ਹੀ ਪੁਲਿਸ ਅਧਿਕਾਰੀ ਉਨ੍ਹਾਂ ਨੂੰ ਮਨ੍ਹਾ ਕਰਨ ਲਈ ਅੰਦਰ ਗਏ ਤਾਂ ਅਖਿਲੇਸ਼ ਯਾਦਵ ਗੁੱਸੇ ਹੋ ਗਏ।
ਅਖਿਲੇਸ਼ ਤੁਰੰਤ ਰੱਥ ਤੋਂ ਹੇਠਾਂ ਉਤਰੇ ਤੇ ਗੇਟ ਤੋਂ ਛਾਲ ਮਾਰ ਕੇ ਅੰਦਰ ਚਲੇ ਗਏ। ਵੱਡੀ ਗਿਣਤੀ ’ਚ ਵਰਕਰਾਂ ਨੇ ਵੀ ਉਨ੍ਹਾਂ ਦਾ ਪਿੱਛਾ ਕੀਤਾ। ਵਾਪਸ ਆਉਣ ‘ਤੇ ਵਰਕਰਾਂ ਨੇ ਪਹਿਲਾਂ ਗੇਟ ਦਾ ਤਾਲਾ ਤੋੜਨ ਦੀ ਕੋਸ਼ਿਸ਼ ਕੀਤੀ ਪਰ ਉਦੋਂ ਤੱਕ ਅਖਿਲੇਸ਼ ਉੱਥੇ ਪਹੁੰਚ ਗਏ ਸਨ। ਅਖਿਲੇਸ਼ ਨੇ ਦੁਬਾਰਾ ਗੇਟ ਟੱਪਿਆ ਤੇ ਬਾਹਰ ਆ ਗਏ। ਇਸ ਦੌਰਾਨ ਗੇਟ ਦਾ ਤਾਲਾ ਵੀ ਟੁੱਟ ਗਿਆ। ਅਖਿਲੇਸ਼ ਨੇ ਸੂਬਾ ਸਰਕਾਰ ‘ਤੇ ਤਾਨਾਸ਼ਾਹੀ ਦਾ ਦੋਸ਼ ਲਗਾਇਆ।
भाजपा सरकार की तानाशाही के खिलाफ सामाजवादी लोग लड़ते रहेंगे।
माननीय राष्ट्रीय अध्यक्ष श्री अखिलेश यादव जी ने JPNIC में लोकनायक जयप्रकाश नारायण जी की प्रतिमा पर किया माल्यार्पण। pic.twitter.com/pL8NsBjcTu
— Samajwadi Party (@samajwadiparty) October 11, 2023
ਜ਼ਿਕਰਯੋਗ ਹੈ ਕਿ ਸੁਰੱਖਿਆ ਕਾਰਨਾਂ ਦਾ ਹਵਾਲਾ ਦਿੰਦੇ ਹੋਏ ਐੱਲਡੀਏ ਨੇ ਸਾਬਕਾ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਨੂੰ ਜੇਪੀਐੱਨਆਈਸੀ ਵਿੱਚ ਮਾਲਾ ਪਾਉਣ ਦੀ ਰਸਮ ਲਈ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਸਪਾ ਨੇ ਐੱਲਡੀਏ ਤੋਂ ਮੰਗੀ ਸੀ ਇਜ਼ਾਜਤ
ਅਖਿਲੇਸ਼ ਯਾਦਵ ਨੇ ਜੈਪ੍ਰਕਾਸ਼ ਨਰਾਇਣ ਇੰਟਰਨੈਸ਼ਨਲ ਸੈਂਟਰ (ਜੇਪੀਐੱਨਆਈਸੀ) ਵਿੱਚ ਜੈਪ੍ਰਕਾਸ਼ ਨਾਰਾਇਣ ਦੀ ਮੂਰਤੀ ਨੂੰ ਮਾਲਾ ਪਾਉਣ ਦਾ ਪ੍ਰੋਗਰਾਮ ਤਹਿ ਕੀਤਾ ਸੀ। ਐੱਸਪੀ ਸਟੇਟ ਆਫਿਸ ਦੀ ਵਲੋਂ, ਐੱਲਡੀਏ ਦੇ ਉਪ ਪ੍ਰਧਾਨ ਡਾ. ਇੰਦਰਮਣੀ ਤ੍ਰਿਪਾਠੀ ਨੇ ਇਜਾਜ਼ਤ ਮੰਗੀ ਸੀ।
ਐੱਲਡੀਏ ਦੇ ਵਧੀਕ ਸਕੱਤਰ ਗਿਆਨੇਂਦਰ ਵਰਮਾ ਨੇ ਕਿਹਾ
ਸਾਬਕਾ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਨੂੰ ਸੁਰੱਖਿਆ ਕਾਰਨਾਂ ਕਰਕੇ ਜੇਪੀਐੱਨਆਈਸੀ ਵਿੱਚ ਪ੍ਰੋਗਰਾਮ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਇੱਥੇ ਸਫ਼ਾਈ ਦਾ ਕੰਮ ਚੱਲ ਰਿਹਾ ਹੈ। ਇਸੇ ਲਈ ਇਸ ਨੂੰ ਤਾਲਾ ਲਗਾ ਦਿੱਤਾ ਗਿਆ ਹੈ।
