ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਸਲਮਾਨ ਖ਼ਾਨ ਦਾ ਇਕ ਵਾਰ ਜੇ ਕਿਸੇ ਨਾਲ ਪੰਗਾ ਹੋ ਜਾਵੇ ਤਾਂ ਉਸ ਤੋਂ ਬਾਅਦ ਉਹ ਆਪਣੇ ਆਪ ਦੀ ਵੀ ਨਹੀਂ ਸੁਣਦੇ। ਹੁਣ ਤੱਕ ਅਸੀਂ ਬਾਲੀਵੁੱਡ ਦੇ ਦਬੰਗ ਖਾਨ ਤੇ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਵਿਚਾਲੇ ਮਤਭੇਦਾਂ ਦੀਆਂ ਖਬਰਾਂ ਸੁਣੀਆਂ ਹਨ। ਇਨ੍ਹਾਂ ਵਿੱਚੋਂ ਇੱਕ ਨਾਮ ਪ੍ਰਸਿੱਧ ਗਾਇਕ ਅਰਿਜੀਤ ਸਿੰਘ ਦਾ ਵੀ ਹੈ।
ਅਰਿਜੀਤ ਤੇ ਸਲਮਾਨ ਦੀ ਦੁਸ਼ਮਣੀ ਇੱਕ ਐਵਾਰਡ ਫੰਕਸ਼ਨ ਤੋਂ ਸ਼ੁਰੂ ਹੋਈ ਸੀ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਫਿਲਮ ‘ਸੁਲਤਾਨ’ ਤੋਂ ਅਰਿਜੀਤ ਦਾ ਗੀਤ ਹਟਾ ਲਿਆ ਤੇ ਉਹ ਗੀਤ ਖੁਦ ਗਾਇਆ। ਇਸ ਤੋਂ ਬਾਅਦ ਅਰਿਜੀਤ ਸਿੰਘ ਨੇ ਦਬੰਗ ਸਲਮਾਨ ਖਾਨ ਤੋਂ ਜਨਤਕ ਤੌਰ ‘ਤੇ ਮੁਆਫੀ ਵੀ ਮੰਗੀ ਸੀ ਪਰ ਇਸ ਦੇ ਬਾਵਜੂਦ ਦੋਵਾਂ ਵਿਚਾਲੇ ਗੱਲ ਸੁਲਝ ਨਹੀਂ ਸਕੀ।
ਹੁਣ ਜੇਕਰ ਹਾਲ ਹੀ ਦੀਆਂ ਖਬਰਾਂ ਦੀ ਮੰਨੀਏ ਤਾਂ ਸਲਮਾਨ ਖਾਨ ਨੇ ਅਰਿਜੀਤ ਸਿੰਘ ਨਾਲ ਪੁਰਾਣੀਆਂ ਗੱਲਾਂ ’ਤੇ ਪੈੱਚਅਪ ਕਰ ਚੁੱਕੇ ਹਨ। ਇੰਨਾ ਹੀ ਨਹੀਂ ਸਲਮਾਨ ਤੇ ਅਰਿਜੀਤ ਦੀ ਜੋੜੀ ਪ੍ਰਸ਼ੰਸਕਾਂ ਨੂੰ ਵੱਡਾ ਸਰਪ੍ਰਾਈਜ਼ ਵੀ ਦੇ ਸਕਦੀ ਹੈ।
ਇੰਨੇ ਸਾਲਾਂ ਬਾਅਦ ਇਕੱਠੇ ਆਉਣਗੇ ਸਲਮਾਨ-ਅਰਿਜੀਤ
ਅਜਿਹਾ ਲੱਗਦਾ ਹੈ ਕਿ ‘ਟਾਈਗਰ-3’ ਦੇ ਅਦਾਕਾਰ ਸਲਮਾਨ ਖਾਨ ਨੇ ਵੀ ਪੁਰਾਣੀਆਂ ਗੱਲਾਂ ਭੁੱਲ ਕੇ ਗਾਇਕ ਅਰਿਜੀਤ ਨਾਲ ਆਪਣੀ ਦੁਸ਼ਮਣੀ ਖ਼ਤਮ ਕਰ ਲਈ ਹੈ। ਹਾਲ ਹੀ ਵਿੱਚ ਸਲਮਾਨ ਖਾਨ ਦੇ ਇੱਕ ਫੈਨ ਕਲੱਬ ਨੇ ਅਰਿਜੀਤ ਸਿੰਘ ਨੂੰ ਸਲਮਾਨ ਖਾਨ ਦੇ ਘਰ ਗਲੈਕਸੀ ਦੇ ਬਾਹਰ ਦੇਖਿਆ। ਜਿਸ ਤੋਂ ਬਾਅਦ ਫੈਨਜ਼ ਅੰਦਾਜ਼ਾ ਲਗਾ ਰਹੇ ਹਨ ਕਿ ਦੋਵੇਂ ਹੁਣ ਆਪਣੀ ਲੜਾਈ ਤੋਂ ਅੱਗੇ ਵਧ ਗਏ ਹਨ।
ਇੰਨਾ ਹੀ ਨਹੀਂ ਇਸ ਰਿਪੋਰਟ ‘ਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਅਰਿਜੀਤ ਸਿੰਘ ਦੀ ਇੱਛਾ ਆਖਰਕਾਰ ਪੂਰੀ ਹੋ ਸਕਦੀ ਹੈ ਤੇ ਉਹ ਸਲਮਾਨ ਖਾਨ-ਕੈਟਰੀਨਾ ਕੈਫ ਦੀ ਦੀਵਾਲੀ ‘ਤੇ ਰਿਲੀਜ਼ ਹੋਣ ਵਾਲੀ ਫਿਲਮ ‘ਟਾਈਗਰ-3’ ‘ਚ ਗੀਤ ਗਾਉਂਦੇ ਵੀ ਨਜ਼ਰ ਆ ਸਕਦੇ ਹਨ। ਹਾਲਾਂਕਿ ਯਸ਼ਰਾਜ ਬੈਨਰ ਹੇਠ ਬਣੀ ‘ਟਾਈਗਰ-3’ ‘ਚ ਅਰਿਜੀਤ ਸਿੰਘ ਦਾ ਗੀਤ ਹੋਵੇਗਾ ਜਾਂ ਨਹੀਂ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।
Arijit singh Spotted at #SalmanKhan‘s house Today. What’s happening?? #Tiger3 #Tiger3Trailerpic.twitter.com/tLPKUnEN2p
— MASS (@Freak4Salman) October 4, 2023
ਕਿਵੇਂ ਸ਼ੁਰੂ ਹੋਈ ਸਲਮਾਨ-ਅਰਿਜੀਤ ਦੀ ਲੜਾਈ?
ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2014 ‘ਚ ਇਕ ਐਵਾਰਡ ਫੰਕਸ਼ਨ ਦੌਰਾਨ ਜਦੋਂ ਸਲਮਾਨ ਖਾਨ ਨੇ ਅਰਿਜੀਤ ਸਿੰਘ ਨੂੰ ‘ਬੈਸਟ ਸਿੰਗਰ’ ਐਵਾਰਡ ਨਾਲ ਸਨਮਾਨਿਤ ਕਰਨ ਲਈ ਸਟੇਜ ‘ਤੇ ਬੁਲਾਇਆ ਤਾਂ ਅਰਿਜੀਤ ਕੈਜ਼ੂਅਲ ਲੁੱਕ ਤੇ ਖਰਾਬ ਵਾਲਾਂ ਨਾਲ ਸਟੇਜ ‘ਤੇ ਆ ਗਿਆ। ਜਿਸ ਤੋਂ ਬਾਅਦ ਸਲਮਾਨ ਖਾਨ ਨੇ ਉਨ੍ਹਾਂ ਦਾ ਮਜ਼ਾਕ ਉਡਾਉਂਦੇ ਹੋਏ ਪੁੱਛਿਆ, ‘ਤੂ ਹੈ ਵਿਨਰ’?
ਸਲਮਾਨ ਖਾਨ ਦੇ ਇਸ ਬਿਆਨ ਦਾ ਜਵਾਬ ਦੇਣ ‘ਚ ਅਰਿਜੀਤ ਸਿੰਘ ਵੀ ਪਿੱਛੇ ਨਹੀਂ ਰਹੇ ਤੇ ਉਨ੍ਹਾਂ ਨੇ ਦਬੰਗ ਖਾਨ ਦੇ ਬਿਆਨ ਦਾ ਜਵਾਬ ਦਿੰਦੇ ਹੋਏ ਕਿਹਾ, ”ਤੁਸੀਂ ਲੋਕਾਂ ਨੇ ਮੈਨੂੰ ਨੀਂਦ ‘ਚ ਪਾ ਦਿੱਤਾ ਹੈ। ਰਿਪੋਟਰਜ਼ ਦੀ ਮੰਨੀਏ ਤਾਂ ‘ਟਾਈਗਰ 3’ ਅਦਾਕਾਰ ਦੇ ਦਿਲ ’ਤੇ ਕੁਝ ਅਜਿਹੀ ਲੱਗੀ ਕਿ ਉਨ੍ਹਾਂ ਨੇ ਆਪਣੀ ਫਿਲਮ ‘ਸੁਲਤਾਨ’ ‘ਚੋਂ ਉਸ ਦਾ ਗੀਤ ‘ਜਗ ਘੁਮਾਇਆ’ ਹਟਾ ਕੇ ਆਪਣੀ ਆਵਾਜ਼ ‘ਚ ਗਾਇਆ।
