1984 ਦੀ ਸਿੱਖ ਨਸਲਕੁਸ਼ੀ:ਕੈਨੇਡਾ ਦੀ ਪਾਰਲੀਮੈਂਟ ਅੱਗੇ ਹਜਾਰਾਂ ਸਿੱਖ ਹੋਏ ਇਕੱਠੇ
ਆਟਵਾ:- ਜੂਨ 10 ਦਿਨ ਸ਼ਨੀਵਾਰ ਨੂੰ ਵੱਡੀ ਗਿਣਤੀ ਵਿੱਚ ਆਟਵਾ ਵਿਖੇ ਸਿੱਖ ਕੈਨੇਡਾ ਦੀ ਪਾਰਲੀਮੈਂਟ ਦੇ ਅੱਗੇ ਇਕੱਠੇ ਹੋਏ ਅਤੇ 1984 ਦੀ ਨਸਲਕੁਸ਼ੀ ਨੂੰ ਯਾਦ ਕੀਤਾ।ਇਸ ਸਮੇਂ ਦੱਸਿ ਆ ਗਿਆ ਕਿ ਇਨਾ ਦਿਨਾ ਵਿੱਚ ਭਾਰਤੀ ਫੌਜ ਨੇ ਦਰਬਾਰ ਸਾਹਿਬ ਅਤੇ 37 ਹੋਰ ਗੁਰਦਵਾਰਿਆ ਤੇ ਹਮਲਾ ਕਰਕੇ ਕੁਝ ਹੀ ਦਿਨਾ ਵਿੱਚ 30 ਹਜਾਰ ਸਿੱਖਾਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਸੀ।ਸ਼ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਸੁਖਮਿੰਦਰ ਸਿੰੰਘ ਹੰਸਰਾਂ ਨੇ ਕਿਹਾ ਕਿ ਭਾਰਤ ਸਰਕਾਰ ਸਾਨੂੰ ਕਹਿੰਦੀ ਹੈ ਕਿ 84 ਭੁੱਲ ਜਾਉ ਇਹ ਕਿਸ ਤਰਾਂ ਹੋ ਸਕਦਾ ਹੈ।ਉਨਾ ਕਿਹਾ ਕਿ ਭਾਰਤ ਸਰਕਾਰ ਦਾ ਇਹ ਮੁਰਖਤਾ ਭਰਿਆ ਸੁਝਾਅ ਹੈ ਕਿ ਸਿੱਖ 84 ਭੁੱਲ ਜਾਣ।ਉਨਾ ਕਿਹਾ ਕਿ ਅਜ਼ਾਦੀ ਹੀ ਪੰਜਾਬ ਦੀਆਂ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਹੈ।
ਇਸ ਸਮੇਂ ਅਕਾਲੀ ਦਲ ਅੰਮ੍ਰਿਤਸਰ,ਸਿੱਖ ਫਾਰ ਜਸਟਿਸ,ਉਨਟਾਰੀੳ ਗੁਰਦਵਾਰਾ ਕਮੇਟੀਜ਼,ਉਨਟਾਰੀਉ ਸਿੱਖ ਅਤੇ ਗੁਰਦਵਾਰਾ ਕੌਂਸਲ ਤੋਂ ਇਲਾਵਾ ਬੀ.ਸੀ ਸਿੱਖ ਕੌਂਸਲ ਨੇ ਏਕਤਾ ਦਾ ਪ੍ਰਣ ਲਿਆ ਤਾ ਕਿ ਮਿਲਕੇ ਕੌਮ ਲਈ ਕੰਮ ਕੀਤਾ ਜਾਵੇ।ਸ.ਹਿੰਮਤ ਸਿੰਘ ਜੋ ਕਿ ਸਿੱਖ ਕੁਆਰਡੀਨੇਸ਼ਨ ਕਮੇਟੀ ਆਫ ਈਸਟ ਕੋਸਟ ਯੂ ਐਸ ਏ ਦੇ ਬੁਲਾਰੇ ਹਨ ਨੇ ਵੀ ਇਸ ਏਕਤਾ ਵਿੱਚ ਸ਼ਾਮਲ ਹੋਏ। ਬੁਲਾਰਿਆਂ ਵਿੱੱਚ ਅਵਤਾਰ ਸਿੰਘ ਪੁੰਨੀਆ, ਇੰਦਰਜੀਤ ਸਿੰਘ ਸ਼ੈਂਭੀ,ਇੰਦਰਜੀਤ ਸਿੰਘ ਜਗਰਾੳਂੁ ਜੋ ਕਿ ਜੂਨ ਸਾਕੇ ਦੇ ਗਵਾਹ ਹਨ ਅਤੇ ਜੋਧਪੁਰ ਜੇਲ ਵਿੱਚ ਰਹਿ ਕੇ ਆਏ ਉਨਾ ਨੇ ਵੀ ਸੰਬੋਧਨ ਕੀਤਾ।
ਭਗਤ ਸਿੰਘ ਬਾਰੜ ਨੇ ਕਿਹਾ ਭਾਰਤ ਸਰਕਾਰ ਨਹੀਂਂ ਚਹੁੰਦੀ ਕਿ ਸਿੱਖ ਕੈਨੇਡਾ ਵਿੱਚ ਅਜ਼ਾਦੀ ਦਾ ਅਨੰਦ ਮਾਣ ਸਕਣ।ਬੀ.ਸੀ ਸਿੱਖ ਕੌਸਲ ਦੇ ਬਲਾਰੇ ਮਨਿੰਦਰ ਸਿੰਘ ਬੁਇਲ ਨੇ ਕਿਹਾ ਕਿ ਸਾਨੂੰ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਰੱਖਿਆਂ ਲਈ ਤਿਆਰ-ਬਰ-ਤਿਆਰ ਰਹਿਣਾ ਪਵੇਗਾ।ਸ਼ਸ਼ਤਰਧਾਰੀ ਸਿੰਘ ਹੀ ਇਸ ਬੇ- ਅਦਬੀ ਨੂੰ ਰੋਕ ਸਕਦੇ ਹਨ।
