15 ਗ੍ਰਾਮ ਹੈਰੋਇਨ ਬਰਾਮਦ ਹੋਣ ‘ਤੇ ਦੋ ਨਾਮਜ਼ਦ

ਪੱਤਰ ਪੇ੍ਰਰਕ, ਖੰਨਾ : ਦੋਰਾਹਾ ਪੁਲਿਸ ਨੇ 15 ਗ੍ਰਾਮ ਹੈਰੋਇਨ ਬਰਾਮਦ ਹੋਣ ‘ਤੇ ਦੋ ਵਿਅਕਤੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ। ਪੁਲਿਸ ਤੋਂ ਪ੍ਰਰਾਪਤ ਜਾਣਕਾਰੀ ਅਨੁਸਾਰ ਸਹਾਇਕ ਥਾਣੇਦਾਰ ਹਾਕਮ ਸਿੰਘ ਪੁਲਿਸ ਪਾਰਟੀ ਸਮੇਤ ਗਸ਼ਤ ਤੇ ਸ਼ੱਕੀ ਲੋਕਾਂ ਦੀ ਜਾਂਚ ਲਈ ਨਾਕਾਬੰਦੀ ਦੇ ਸਬੰਧ ‘ਚ ਥਾਣਾ ਦੋਰਾਹਾ ਤੋਂ ਬੇਅੰਤ ਸਿੰਘ ਚੌਕ ਦੋਰਾਹਾ ਵੱਲ ਜਾ ਰਹੇ ਸੀ ਜਦੋਂ ਪੁਲਿਸ ਪਾਰਟੀ ਫਸਟ ਏਡ ਪੋਸਟ ਦੋਰਾਹਾ ਪੁੱਜੀ ਤਾਂ ਸਾਹਮਣੇ ਦੋ ਨੌਜਵਾਨ ਖੜ੍ਹੇ ਦਿਖਾਈ ਦਿੱਤੇ, ਜੋ ਪੁਲਿਸ ਦੀ ਗੱਡੀ ਨੂੰ ਦੇਖ ਕੇ ਅਪਣੇ ਮੂੰਹ ਪਿੱਛੇ ਨੂੰ ਘੁੰਮਾ ਕੇ ਲਿਫਾਫੀਆ ਕੱਢ ਕੇ ਘਾਹ ਫੁਸ ‘ਚ ਸੂਟ ਦਿੱਤੀਆਂ। ਪੁਲਿਸ ਨੇ ਸ਼ੱਕ ਦੇ ਆਧਾਰ ‘ਤੇ ਕਾਬੂ ਕੀਤਾ, ਜਿਸ ਨੇ ਆਪਣਾ ਨਾਮ ਸੰਦੀਪ ਗੁਪਤਾ ਤੇ ਪੁਨੀ ਕੁਮਾਰ ਦੱਸਿਆ। ਜਾਂਚ ਦੌਰਾਨ ਦੋਵਾਂ ਤੋਂ 15 ਗ੍ਰਾਮ ਹੈਰੋਇਨ ਬਰਾਮਦ ਹੋਈ। ਪੁਲਿਸ ਨੇ ਮੁਕੱਦਮਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ।