ਸਿਮਰਨ ਢਿੱਲੋਂ ਦੀ ਆਸਥਾ
ਪੰਜਾਬੀ ਗਾਇਕੀ ‘ਚ ਨਾਂਅ ਹੈ ਸਿਮਰਨ ਢਿੱਲੋਂ ਦਾ ਜੋ ਪਿਛਲੇ ਚਾਰ ਕੁ ਵਰ੍ਹਿਆਂ ਤੋਂ ਕੁਝ ਕਾਰਨਾਂ ਕਰਕੇ ਇਸ ਖੇਤਰ ਤੋਂ ਦੂਰ ਜ਼ਰੂਰ ਰਿਹਾ ਪਰ ਸ਼ੌਕ, ਜਜ਼ਬਾ ਤੇ ਸਾਧਨਾ ਉਸ ਦੇ ਅੰਗ-ਸੰਗ ਹੀ ਰਹੀ। ਹੁਣ ਗਾਇਕੀ ਦੀ ਨਵੀਂ ਪਾਰੀ ਸ਼ੁਰੂ ਕਰਨ ਲਈ ਉਸ ਨੇ ਅਕਾਲ ਪੁਰਖ ਦਾ ਓਟ ਆਸਰਾ ਲੈਂਦਿਆਂ ਧਾਰਮਿਕ ਟਰੈਕ ‘ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਜੀ’ ਨਾਲ ਹਾਜ਼ਰੀ ਭਰੀ ਹੈ। ਇਹ ਧਾਰਮਿਕ ਗੀਤ ਸੁਣਦੇ ਸਾਰ ਹੀ ਸੱਚਖੰਡ ਦੀ ਮਹੱਤਤਾ, ਰੂਹ ਨੂੰ ਸ਼ਾਂਤੀ, ਇਤਿਹਾਸਕ ਗੱਲਾਂ ਤੋਂ ਜਾਣੂੰ ਹੋਣ ਦੇ ਨਾਲ-ਨਾਲ ਸੁਰ-ਸੰਗੀਤ ਦਾ ਸਕੂਨਮਈ ਅਹਿਸਾਸ ਦਿਲਾਂ ਨੂੰ ਹੁੰਦਾ ਹੈ। ਪ੍ਰਗਟ ਸਿੰਘ ਦੇ ਸੰਗੀਤ ‘ਚ ਆਸਥਾ ਦੀਆਂ ਲਹਿਰਾਂ ਸਰੋਤਿਆਂ ਨੂੰ ਸ਼ਰਧਾਮਈ ਸੰਗੀਤਕ ਮਾਹੌਲ ‘ਚ ਲਿਜਾਂਦੀਆਂ ਪ੍ਰਤੀਤ ਹੁੰਦੀਆਂ ਹਨ ਤੇ ਖ਼ਾਸ ਗੱਲ ਅਜੈ ਸਿੰਘ ਦੇ ਬਣਾਏ ਵੀਡੀਓ ‘ਚ ‘ਸੱਚਖੰਡ ਦੇ ਦਰਸ਼ਨ’, ‘ਗੁਰਧਾਮਾਂ ਦੀ ਯਾਤਰਾ’ ਤੇ ਅਲੌਕਿਕ ਧਾਰਮਿਕ ਦ੍ਰਿਸ਼ ਗੀਤ ਨੂੰ ਹੋਰ ਕਾਮਯਾਬੀ ਬਖਸ਼ਣ ਵਾਲੇ ਜਾਪਦੇ ਹਨ। ਅਮਰ ਆਡੀਓ ‘ਚ ਆਏ ਸਿਮਰਨ ਢਿੱਲੋਂ ਦੇ ਇਸ ਸਿੰਗਲ ਟਰੈਕ ਨੇ ਸੋਸ਼ਲ ਮੀਡੀਆ ‘ਤੇ ਜੋ ਵਧੀਆ ਹੁੰਗਾਰਾ ਲਿਆ ਹੈ, ਸੰਕੇਤ ਹੈ ਕਿ ਸਿਮਰਨ ਢਿੱਲੋਂ ਧਾਰਮਿਕ ਗਾਇਕੀ ‘ਚ ਵੀ ਨਾਮਵਰ ਬਣੇਗਾ ਤੇ ਮਨੋਰੰਜਨ ਗਾਇਕੀ ‘ਚ ਨਵੀਂ ਪੀੜ੍ਹੀ ਦੀ ਪਸੰਦ ‘ਤੇ ਖਰਾ ਉਤਰਦਾ ਸਿਮਰਨ ਨੌਜਵਾਨ ਵਰਗ ਦਾ ਚਹੇਤਾ ਗਾਇਕ ਬਣੇਗਾ।
