ਏਐੱਨਆਈ, ਨਵੀਂ ਦਿੱਲੀ: ਭਾਰਤੀ ਕੰਢੇ ‘ਤੇ ਵਪਾਰਕ ਜਹਾਜ਼ਾਂ ‘ਤੇ ਹੋਏ ਹਾਲੀਆ ਹਮਲਿਆਂ ਤੋਂ ਬਾਅਦ ਨੇਵੀ ਨੇ ਸੁਰੱਖਿਆ ਪ੍ਰਬੰਧਾਂ ਦੇ ਪੁਖਤਾ ਇੰਤਜਾਮ ਕੀਤੇ ਹਨ ਅਤੇ ਇਲਾਕੇ ‘ਚ ਐਤਵਾਰ ਨੂੰ ‘ਡੈਸਟ੍ਰਾਇਰ’ ਅਤੇ ‘ਫ੍ਰਿਗੇਟਸ’ ਵਾਲੇ ਵਰਕ ਫੋਰਸ ਨੂੰ ਤਾਇਨਾਤ ਕੀਤਾ ਹੈ।
ਨੇਵੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਵਰਕ ਫੋਰਸ ਨੂੰ ਸਮੁੰਦਰੀ ਸੁਰੱਖਿਆ ਮੁਹਿੰਮ ਚਲਾਉਣ ਅਤੇ ਕਿਸੇ ਵੀ ਘਟਨਾ ਦੀ ਸਥਿਤੀ ‘ਚ ਵਪਾਰਕ ਜਹਾਜ਼ਾਂ ਨੂੰ ਸੁਰੱਖਿਆ ਮੁਹੱਈਆ ਕਰਵਾਉਣ ਲਈ ਤਾਇਨਾਤ ਕੀਤਾ ਗਿਆ ਹੈ। ਦਰਅਸਲ, ਨੇਵੀ ਨੇ ਇਹ ਫ਼ੈਸਲਾ ਲਾਲ ਸਾਗਰ, ਅਦਨ ਦੀ ਖਾੜੀ ਅਤੇ ਮੱਧ ਅਰਬ ਸਾਗਰ ‘ਚ ਮਾਲਵਾਹਕ ਜਹਾਜ਼ਾਂ ‘ਤੇ ਹੋਏ ਹਮਲਿਆਂ ਦੌਰਾਨ ਲਿਆ ਹੈ। ਜਿਨ੍ਹਾਂ ਜਹਾਜ਼ਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ, ਉਨ੍ਹਾਂ ‘ਚ ਐੱਮਵੀ ਕੇਮ ਪਲੂਟੋ ਵੀ ਸ਼ਾਮਲ ਸੀ।
ਐੱਮਵੀ ਕੇਮ ਪਲੂਟੋ ‘ਤੇ 23 ਦਸੰਬਰ ਨੂੰ ਡ੍ਰੋਨ ਹਮਲਾ ਹੋਇਆ ਸੀ। ਇਹ ਮਾਲਵਾਹਕ ਭਾਰਤੀ ਤੱਟ ਰੱਖਿਅਕ ਜਹਾਜ਼ ਵਿਕਰਮ ਦੀ ਸੁਰੱਖਿਆ ‘ਚ ਮੁੰਬਈ ਬੰਦਰਗਾਹ ਪਹੁੰਚਿਆ ਸੀ। ਇਸ ਮਾਲਵਾਹਕ ਜਹਾਜ਼ ‘ਚ 21 ਭਾਰਤੀ ਸਵਾਰ ਸਨ। ਇਸ ਤੋਂ ਪਹਿਲਾਂ 14 ਦਸੰਬਰ ਨੂੰ ਅਰਬ ਸਾਗਰ ‘ਚ ਇੱਕ ਹੋਰ ਜਹਾਜ਼ ਐੱਮਵੀ ਰੂਐੱਨ ਨੂੰ ਅਗਵਾ ਕਰ ਲਿਆ ਗਿਆ ਸੀ।
ਸਮੁੰਦਰੀ ਸੁਰੱਖਿਆ ਲਈ ਵਰਕ ਫੋਰਸ ਤਾਇਨਾਤ
ਨੇਵੀ ਅਧਿਕਾਰੀ ਅਨੁਸਾਰ, ਭਾਰਤੀ ਤੱਟ ਨਾਲ ਲਗਪਗ 700 ਸਮੁੰਦਰੀ ਮੀਲ ਦੂਰ ਐੱਮਵੀ ਰੂਐੱਨ ‘ਤੇ ਸਮੁੰਦਰੀ ਡਕੈਤੀ ਦੀਟਾਂ ਘਟਨਾਵਾਂ ਅਤੇ ਪੋਰਬੰਦਰ ਤੋਂ ਲਗਪਗ 220 ਸਮੁੰਦਰੀ ਮੀਲ ਦੱਖਣ-ਪੱਛਮ ‘ਚ ਐੱਮਵੀ ਕੇਮ ਪਲੂਟੋ ‘ਤੇ ਹੋਏ ਹਾਲੀਆ ਡ੍ਰੋਨ ਹਮਲੇ ਭਾਰਤੀ ਵਿਸ਼ੇ਼ਸ ਆਰਥਿਕ ਖੇਤਰ ਦੇ ਕਰੀਬ ਸਮੁੰਦਰੀ ਘਟਨਾਵਾਂ ‘ਚ ਬਦਲਾਅ ਦਾ ਸੰਕੇਤ ਦੇ ਰਹੇ ਹਨ। ਅਧਿਕਾਰੀ ਨੇ ਕਿਹਾ,
”ਸਮੁੰਦਰੀ ਸੁਰੱਖਿਆ ਮੁਹਿੰਮ ਚਲਾਉਣ ਅਤੇ ਕਿਸੇ ਵੀ ਘਟਨਾ ਦੀ ਸਥਿਤੀ ‘ਚ ਮਾਲਵਾਹਕ ਜਹਾਜ਼ਾਂ ਨੂੰ ਸਹਾਇਤਾ ਮੁਹੱਈਆ ਕਰਵਾਉਣ ਲਈ ‘ਸਟ੍ਰਾਇਰ’ ਅਤੇ ‘ਫ੍ਰਿਗੇਟ’ ਵਾਲੇ ਵਰਕ ਫੋਰਸ ਨੂੰ ਤਾਇਨਾਤ ਕੀਤਾ ਗਿਆ ਹੈ।”
ਉਨ੍ਹਾਂ ਦੱਸਿਆ ਕਿ ਵਿਸ਼ੇਸ਼ ਆਰਥਿਕ ਖੇਤਰ ਦੀ ਨਿਗਰਾਨੀ ਲਈ ਨੇਵੀ ਭਾਰਤੀ ਤੱਟ ਰੱਖਿਅਕ ਬਲ ਦੇ ਨਾਲ ਨੇੜਲੇ ਤਾਲਮੇਲ ‘ਤੇ ਕੰਮ ਕਰ ਰਹੀ ਹੈ। ਦੱਸ ਦੇਈਏ ਕਿ ਚੱਪੇ-ਚੱਪੇ ‘ਤੇ ਸਮੁੰਦਰ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਹਵਾਈ ਨਿਗਰਾਨੀ ਵਧਾਈ ਗਈ ਹੈ। ਇਸ ‘ਚ ਗਸ਼ਤੀ ਜਹਾਜ਼ ਅਤੇ ਆਰਪੀਏ ਅਹਿਮ ਭੂਮਿਕਾ ਨਿਭਾ ਰਹੇ ਹਨ।
