ਰੀਓ ਓਲੰਪਿਕ ਲਈ ਚੁਣੇ ਗਏ ਨਰਸਿੰਘ ਯਾਦਵ ਡੋਪ ਟੈਸਟ ਵਿਚ ਹੋਏ ਫੇਲ

ਨਵੀਂ ਦਿੱਲੀ, : ਬ੍ਰਾਜ਼ਿਲ ਵਿਚ ਰੀਓ ਓਲੰਪਿਕ ਖੇਡਾਂ ਤੋਂ ਪਹਿਲਾਂ ਭਾਰਤ ਨੂੰ ਵੱਡਾ ਝਟਕਾ ਲੱਗਾ ਹੈ। ਓਲੰਪਿਕ ਦੇ 74 ਕਿਲੋਗ੍ਰਾਮ ਭਾਰ ਵਰਗ ਕੁਸ਼ਤੀ ਲਈ ਕੁਆਲੀਫਾਈ ਕਰਨ ਵਾਲੇ ਭਲਵਾਨ ਨਰਸਿੰਘ ਯਾਦਵ ਡੋਪ ਟੈਸਟ ਵਿਚ ਫੇਲ• ਹੋ ਗਏ ਹਨ। ਨਰਸਿੰਘ ਯਾਦਵ ਨੇ 2014 ਏਸ਼ੀਅਨ ਖੇਡਾਂ ਵਿਚ ਕਾਂਸੇ ਦਾ ਤਮਗਾ ਜਿੱਤਿਆ ਸੀ। ਉੱਧਰ 2015 ਵਿਸ਼ਵ ਚੈਂਪੀਅਨ ਵਿਚ ਕਾਂਸੇ ਦਾ ਤਮਗਾ ਜਿੱਤ ਕੇ ਰੀਓ ਦੀ ਟਿਕਟ ਕਟਵਾਈ ਸੀ। ਸੁਸ਼ੀਲ ਕੁਮਾਰ ਤੋਂ ਓਲੰਪਿਕ ਦੀ ਦਾਅਵੇਦਾਰ ਦੀ ਕੁਸ਼ਤੀ ਜਿੱਤਣ ਵਾਲੇ ਨਰਸਿੰਘ ਦਾ ਰੀਓ ਵਿਚ ਖੇਡਣ ਦਾ ਸੁਪਨਾ ਹੁਣ ਅਧੂਰਾ ਹੀ ਰਹਿ ਜਾਵੇਗਾ। ਨੈਸ਼ਨਲ ਐਂਟੀ ਡੋਪਿੰਗ ਏਜੰਸੀ ਦੇ ਡਾਇਰੈਕਟਰ ਜਨਰਲ ਨਵੀਨ ਅਗਰਵਾਲ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਨਰਸਿੰਘ ਡੋਪ ਟੈਸਟ ਵਿਚ ਫੇਲ• ਹੋ ਗਏ ਹਨ।