ਅਜਿਹਾ ਹੀ ਮਾਮਲਾ ਗੁਆਂਢੀ ਦੇਸ਼ ਨੇਪਾਲ ‘ਚ ਵੀ ਵੇਖਣ ਨੂੰ ਮਿਲਦਾ ਹੈ। ਨੇਪਾਲ ਦਾ ਗੜ੍ਹੀਮਾਈ ਮੰਦਰ 5 ਸਾਲ ‘ਚ ਇੱਕ ਵਾਰ ਲੱਗਣ ਵਾਲੇ ਮੇਲੇ ਅਤੇ ਪਸ਼ੂਆਂ ਦੀ ਬਲੀ ਦੇਣ ਨਾਲ ਸਬੰਧਤ ਪੂਜਾ-ਪਾਠ ਲਈ ਤਿਆਰ ਹੁੰਦਾ ਹੈ। ਇਸ ਮੇਲੇ ‘ਚ ਦੋ ਦਿਨ ਤਕ ਮੰਦਰ ‘ਚ ਸਥਾਪਤ ਬੂਚੜਖਾਨੇ ‘ਚ ਮੱਝਾਂ ਸਮੇਤ 3 ਹਜਾਰ ਤੋਂ ਵੱਧ ਪਸ਼ੂਆਂ ਦੀ ਬਲੀ ਦਿੱਤੀ ਜਾਂਦੀ ਹੈ।
ਜਾਨਵਰਾਂ ਦੀ ਬਲੀ ਵਿਰੁੱਧ ਪਸ਼ੂ ਅਧਿਕਾਰ ਕਾਰਕੁੰਨ ਆਵਾਜ ਚੁੱਕਦੇ ਰਹੇ ਹਨ। ਇਸ ਦੇ ਨਾਲ ਹੀ ਉੱਚ ਅਦਾਲਤ ਨੇ ਵੀ ਇਸ ਸਬੰਧ ‘ਚ ਨਿਰਦੇਸ਼ ਜਾਰੀ ਕੀਤੇ ਹਨ ਪਰ ਆਸਥਾ ਦੇ ਅੱਗੇ ਇਨ੍ਹਾਂ ਸਾਰਿਆਂ ਦੀ ਅਣਦੇਖੀ ਕੀਤੀ ਜਾਂਦੀ ਹੈ।
ਅਗੱਸਤ 2016 ‘ਚ ਨੇਪਾਲ ਦੀ ਸੁਪਰੀਮ ਕੋਰਟ ਨੇ ਸਰਾਕਰ ਨੂੰ ਗੜ੍ਹੀਮਾਈ ਮੰਦਰ ਮੇਲੇ ‘ਚ ਪਸ਼ੂ ਬਲੀ ਰੋਕਣ ਦਾ ਨਿਰਦੇਸ਼ ਦਿੱਤਾ ਸੀ। ਇਸ ਦੇ ਜਵਾਬ ‘ਚ ਮੰਦਰ ਕਮੇਟੀ ਨੇ ਕਿਹਾ ਸੀ ਕਿ ਉਹ ਅਦਾਲਤ ਦੇ ਆਦੇਸ਼ ਦੀ ਪਾਲਣਾ ਕਰੇਗੀ ਅਤੇ ਉਨ੍ਹਾਂ ਨੇ ਇਸ ਸਾਲ ਕਬੂਤਰਾਂ ਨੂੰ ਨਾ ਮਾਰਨ ਦਾ ਫੈਸਲਾ ਕੀਤਾ ਹੈ।
