ਨਾਨਕਸਰ ਸੰਪਰਦਾਇ ਦੇ ਸੰਤ ਇਕਜੁੱਟ ਹਨ-ਬਾਬਾ ਗੁਰਮੇਲ ਸਿੰਘ

ਜਗਰਾਉਂ, (ਹਰਵਿੰਦਰ ਸਿੰਘ ਖ਼ਾਲਸਾ)-ਵਿਸ਼ਵ ਪ੍ਰਸਿੱਧ ਗੁਰਦੁਆਰਾ ਨਾਨਕਸਰ ਸੰਪਰਦਾਇ ਦੇ ਸੰਤ ਬਾਬਾ ਗੁਰਮੇਲ ਸਿੰਘ ਨੇ ਉਨ੍ਹਾਂ ਸਮੇਤ ਸੰਪਰਦਾਇ ਦੇ ਸੰਤਾਂ ਦੇ ਨਾਮ ‘ਤੇ ਸੰਤ ਬਾਬਾ ਘਾਲਾ ਸਿੰਘ ਨਾਨਕਸਰ ਖਿਲਾਫ਼ ਝੂਠਾ ਅਤੇ ਬੇ-ਬੁਨਿਆਦ ਪ੍ਰਚਾਰ ਕਰਨ ਨੂੰ ਗਲਤ ਕਰਾਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਨਾਨਕਸਰ ਬਰਸੀ ਸਮਾਗਮਾਂ ‘ਚ ਸੰਤ ਬਾਬਾ ਘਾਲਾ ਸਿੰਘ ਵਲੋਂ ਬਿਆਨ ਦੇਣ ਦੀ ਜੋ ਗੱਲ ਕਹੀ ਗਈ ਹੈ, ਉਹ ਉਨ੍ਹਾਂ ਦੇ ਸਮੇਤ ਹੋਰਾਂ ਸੰਤਾਂ ਨੇ ਸੁਣੀ ਤੱਕ ਨਹੀਂ ਪਰ ਇਸਦੇ ਬਾਵਜੂਦ ਸਿਰਫ਼ ਇਕ ਸਖ਼ਸ਼ ਵਲੋਂ ਮੀਡੀਆਂ ਵਿਚ ਸੰਤਾਂ ਨਾਲ ਆਪਣੇ ਤਰੀਕੇ ਨਾਲ ਫੋਨ ‘ਤੇ ਗੱਲ ਕਰਕੇ ਗੱਲਾਂ ਨੂੰ ਤਰੋੜ-ਮਰੋੜ ਕੇ ਮੀਡੀਆ ‘ਚ ਫੈਲਾਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਜੋ ਨਿੰਦਣਯੋਗ ਹੈ ḩ ਉਨ੍ਹਾਂ ਦੱਸਿਆ ਕਿ ਸੰਪਰਦਾਇਦ ਦੇ ਤਿੰਨੇ ਮੁਖੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾਂ ਪ੍ਰਕਾਸ਼ ਪੁਰਬ ਸਮਾਗਮਾਂ ਦੀ ਤਿਆਰੀਆਂ ‘ਚ ਲੱਗੇ ਹੋਏ ਹਨ।