ਦੁਨੀਆ ਦੇ ਸ਼ਕਤੀਸ਼ਾਲੀ ਪਾਸਪੋਰਟਾਂ ਦੀ ਸੂਚੀ ਜਾਰੀ, ਕੈਨੇਡਾ ਨੂੰ ਮਿਲਿਆ ਇਹ ਸਥਾਨ

ਟੋਰਾਂਟੋ— ਬਹੁਤ ਸਾਰੇ ਭਾਰਤੀ ਕੈਨੇਡਾ ਜਾਣ ਦੇ ਸ਼ੌਕੀਨ ਹਨ, ਖਾਸ ਕਰਕੇ ਪੰਜਾਬੀਆਂ ਦੇ ਸਿਰ ਤਾਂ ਕੈਨੇਡਾ ਜਾਣ ਦਾ ਚਾਅ ਸਿਰ ਚੜ੍ਹ ਬੋਲਦਾ ਹੈ। ‘ਹੈਨਲੀ ਪਾਸਪੋਰਟ ਇੰਡੈਕਸ’ ਦੀ ਰਿਪੋਰਟ ਮੁਤਾਬਕ ਕੈਨੇਡਾ ਦਾ ਪਾਸਪੋਰਟ ਦੁਨੀਆ ਦੇ ਸ਼ਕਤੀਸ਼ਾਲੀ ਪਾਸਪੋਰਟਾਂ ‘ਚੋਂ 5ਵੇਂ ਸਥਾਨ ‘ਤੇ ਹੈ। ਜਾਪਾਨ ਨੇ ਪਹਿਲੇ ਨੰਬਰ ‘ਤੇ ਥਾਂ ਪ੍ਰਾਪਤ ਕੀਤਾ ਹੈ ਅਤੇ ਇਸ ਦੇ ਪਾਸਪੋਰਟ ‘ਤੇ ਕੋਈ ਵੀ ਵਿਅਕਤੀ ਬਿਨਾਂ ਵੀਜ਼ਾ ਦੇ 187 ਦੇਸ਼ਾਂ ਦੀ ਸੈਰ ਕਰ ਸਕਦਾ ਹੈ। ਹਾਲਾਂਕਿ ਇਸ ਲਈ ਕੁੱਝ ਨਿਯਮ ਹਨ, ਜੋ ਪਾਸਪੋਰਟ ਧਾਰਕ ਨੂੰ ਮੰਨਣੇ ਪੈਂਦੇ ਹਨ। ਕੈਨੇਡਾ ਨਾਲ ਪੰਜਵੇਂ ਸਥਾਨ ‘ਤੇ ਡੈਨਮਾਰਕ, ਬੈਲਜੀਅਮ, ਸਵਿਟਜ਼ਰਲੈਂਡ ਅਤੇ ਆਇਰਲੈਂਡ ਦੇ ਪਾਸਪੋਰਟ ਵੀ ਹਨ। ਕੈਨੇਡਾ ਦੇ ਪਾਸਪੋਰਟ ਨਾਲ 185 ਦੇਸ਼ਾਂ ‘ਚ ਬਿਨਾਂ ਵੀਜ਼ਾ ਦੇ ਘੁੰਮਿਆ ਜਾ ਸਕਦਾ ਹੈ। ਅਫਗਾਨਿਸਤਾਨ ਅਤੇ ਇਰਾਕ ਦੇ ਪਾਰਸਪੋਰਟ ਨੂੰ ਹੇਠਲਾ ਸਥਾਨ ਮਿਲਿਆ ਹੈ ਕਿਉਂਕਿ ਇਨ੍ਹਾਂ ਦੇਸ਼ਾਂ ਦੇ ਪਾਸਪੋਰਟ ਹੋਲਡਰਜ਼ ਇਸ ਪਾਸਪੋਰਟ ਨਾਲ ਬਿਨਾਂ ਵੀਜ਼ੇ ਦੇ ਸਿਰਫ 30 ਦੇਸ਼ਾਂ ਦਾ ਹੀ ਸਫਰ ਕਰ ਸਕਦੇ ਹਨ।