ਦੀਪਿਕਾ ਨੇ ਕਮਾਏ ਬਿੱਗ ਬੀ ਤੋਂ ਵੱਧ

ਮੁੰਬਈ: ਬਾਲੀਵੁੱਡ ਵਿੱਚ ਫੀਸ ਵਿੱਤਕਰੇ ਨੂੰ ਲੈ ਕੇ ਬਹੁਤ ਵਿਵਾਦ ਹੈ। ਮਹਿਲਾ ਅਦਾਕਾਰ ਤੇ ਪੁਰਸ਼ ਅਦਾਕਾਰ ਦੀ ਫੀਸ ਵਿੱਚ ਬਹੁਤ ਫਰਕ ਹੈ, ਇਸ ਗੱਲ ਦੀ ਚਰਚਾ ਅਕਸਰ ਹੁੰਦੀ ਰਹਿੰਦੀ ਹੈ। ਪਰ ਹਾਲ ਹੀ ਵਿੱਚ ਅਮਿਤਾਭ ਬੱਚਨ ਨੇ ਇੱਕ ਰਾਜ਼ ਦਾ ਖੁਲਾਸਾ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਫਿਲਮ ‘ਪੀਕੂ’ ਵਿੱਚ ਦੀਪਿਕਾ ਪਾਦੂਕੋਣ ਦੀ ਫੀਸ ਉਨ੍ਹਾਂ ਤੋਂ ਵੱਧ ਸੀ।

ਅਮਿਤਾਭ ਨੇ ਕਿਹਾ, “ਦੀਪਿਕਾ ਨੇ ਮੇਰੇ ਤੋਂ ਵੱਧ ਪੈਸੇ ਲਏ ਸਨ ਕਿਉਂਕਿ ਉਹ ਫਿਲਮ ਲਈ ਜ਼ਰੂਰੀ ਸੀ। ਸ਼ਾਇਦ ਮੈਂ ‘ਪੀਕੂ’ ਲਈ ਓਨਾ ਜ਼ਰੂਰੀ ਨਹੀਂ ਸੀ। ਮੈਂ ਨਹੀਂ ਜਾਣਦਾ ਕਿ ਇਸ ਦੀ ਕੀ ਵਜ੍ਹਾ ਹੈ?”

ਆਮਿਰ ਖਾਨ ਨੇ ਵੀ ਹਾਲ ਹੀ ਵਿੱਚ ਬਰਾਬਰ ਦੀ ਫੀਸ ਹੋਣ ਦੀ ਮੰਗ ਕੀਤੀ ਹੈ ਪਰ ਸਲਮਾਨ ਖਾਨ ਵਰਗੇ ਅਦਾਕਾਰਾਂ ਨੇ ਕਿਹਾ ਹੈ ਕਿ ਫੀਸ ਓਨੀ ਕਮਾਈ ‘ਤੇ ਡਿਪੈਂਡ ਕਰਦੀ ਹੈ, ਜਿੰਨੀ ਸਿਤਾਰਾ ਫਿਲਮ ਨੂੰ ਦੇ ਰਿਹਾ ਹੈ। ਨਾ ਕੀ ਇਸ ‘ਤੇ ਕਿ ਉਹ ਮਰਦ ਕਲਾਕਾਰ ਹੈ ਜਾਂ ਫਿਰ ਔਰਤ।