ਸਟੇਟ ਬਿਊਰੋ, ਰਾਂਚੀ: ਝਾਰਖੰਡ ਤੋਂ ਕਾਂਗਰਸ ਦੇ ਰਾਜ ਸਭਾ ਮੈਂਬਰ ਧੀਰਜ ਪ੍ਰਸਾਦ ਸਾਹੂ ਦੇ ਘਰੋਂ ਵੱਡੀ ਮਾਤਰਾ ਵਿੱਚ ਨਕਦੀ ਬਰਾਮਦ ਹੋਣ ਤੋਂ ਪਾਰਟੀ ਪਾਰਟੀ ਭਾਵੇਂ ਉਨ੍ਹਾਂ ਤੋਂ ਪੱਲਾ ਝਾੜ ਰਹੀ ਹੋਵੇ, ਪਰ ਪਾਰਟੀ ਦੇ ਫੰਡ ਮੈਨੇਜਰ ਧੀਰਜ ਕਾਂਗਰਸ ਦੇ ਜ਼ਿਆਦਾਤਰ ਆਗੂਆਂ ਲਈ ਏਟੀਐੱਮ ਰਹੇ ਹਨ।
ਦਿੱਲੀ ਸਥਿਤ ਕਾਂਗਰਸ ਸਕੱਤਰੇਤ ‘ਚ ਪ੍ਰਭਾਵਸ਼ਾਲੀ ਆਗੂਆਂ ਤੱਕ ਉਸ ਦੀ ਸਿੱਧੀ ਐਂਟਰੀ ਰਹੀ ਹੈ। ਪਾਰਟੀ ਨੇਤਾ ਦੱਸਦੇ ਹਨ ਕਿ ਦਿੱਲੀ ਸਥਿਤੀ ਕਾਂਗਰਸ ਸਕੱਤਰੇਤ ਵਿੱਚ ਉਹ ਬਿਨਾਂ ਰੋਕ-ਟੋਕ ਦੇ ਤਮਾਮ ਪ੍ਰਮੁੱਖ ਆਗੂਆਂ ਕੋਲ ਜਾਂਦਾ ਸੀ। ਦਫ਼ਤਰ ਦੇ ਮੁਲਾਜ਼ਮ ਵੀ ਉਸ ਦੀ ਉਡੀਕ ਕਰਦੇ ਰਹਿੰਦੇ ਸਨ ਕਿ ਕਦੋਂ ਉਨ੍ਹਾਂ ਦੀ ਕ੍ਰਿਪਾ ਦ੍ਰਿਸ਼ਟੀ ਪਵੇ।
ਸੰਨ 2009 ਵਿੱਚ ਧਨ ਦੇ ਪ੍ਰਭਾਵ ਨਾਲ ਪਹਿਲੀ ਵਾਰ ਉਸ ਨੂੰ ਰਾਜ ਸਭਾ ਪਹੁੰਚਣ ਦਾ ਮੌਕਾ ਮਿਲਿਆ। ਉਸ ਨੂੰ ਰਾਜ ਸਭਾ ਜ਼ਿਮਨੀ ਚੋਣ ਵਿੱਚ ਜਿੱਤ ਹਾਸਲ ਕਰਨ ‘ਚ ਕਾਮਯਾਬੀ ਮਿਲੀ। ਯਾਦ ਰਹੇ ਕਿ ਉਸ ਸਮੇਂ ਦੱਖਣੀ ਭਾਰਤ ਦੇ ਇਕ ਸੀਨੀਅਰ ਨੇਤਾ ਝਾਰਖੰਡ ਪ੍ਰਦੇਸ਼ ਕਾਂਗਰਸ ਦੇ ਇੰਚਾਰਜ ਸਨ।
ਉਨ੍ਹਾਂ ਦੀ ਕ੍ਰਿਪਾਦ੍ਰਿਸ਼ਟੀ ਦੇ ਪਿੱਛੇ ਵੀ ਕਹਾਣੀ ਹੈ। ਕਾਂਗਰਸ ਦੇ ਤਤਕਾਲੀ ਪ੍ਰਦੇਸ਼ ਪ੍ਰਧਾਨ ਪ੍ਰਦੀਪ ਕੁਮਾਰ ਬਲਮੁਚੂ ਨੇ ਉਸ ਨੂੰ ਅੱਗੇ ਵਧਾਉਣ ਵਿੱਚ ਖੁੱਲ੍ਹੇ ਮਨ ਨਾਲ ਮਦਦ ਕੀਤੀ ਸੀ। ਬਾਅਦ ਵਿੱਚ ਇਹ ਵੀ ਸਿਲਸਿਲਾ ਬਰਕਰਾਰ ਰਿਹਾ। ਧੀਰਜ ਸਾਹੂ ਨੇ ਇਸ ਤੋਂ ਬਾਅਦ 2010 ਅਤੇ 2018 ਵਿੱਚ ਵੀ ਰਾਜ ਸਭਾ ਚੋਣਾਂ ਵਿੱਚ ਬਾਜ਼ੀ ਮਾਰੀ।
ਧੀਰਜ ਸਾਹੂ ਦੇ ਕਰੀਬੀਆਂ ਅਨੁਸਾਰ, ਕਾਂਗਰਸ ਤੋਂ ਇਨ੍ਹਾਂ ਨੇ ਕਈ ਮੁੱਖ ਪਾਰਟੀਆਂ ‘ਚ ਆਪਣੇ ਸ਼ੁੱਭਚਿੰਤਕ ਬਣਾਏ ਹਨ। ਹੁਣ ਉਪਰ ਹਾਲਾਤ ਵਿੱਚ ਉਸ ਦਾ ਰਾਜਨੀਤਕ ਕਰੀਅਰ ਮੁਸ਼ਕਲ ਦੌਰ ਵਿੱਚ ਹੈ। ਕਾਂਗਰਸ ਹਾਈ ਕਮਾਨ ਨੇ ਉਸ ਤੋਂ ਪੱਲਾ ਝਾੜਦੇ ਹੋਏ ਸਪੱਸ਼ਟੀਕਰਨ ਪੁੱਛਿਆ ਹੈ। ਉੱਧਰ ਅਜੇ ਤੱਕ ਧੀਰਜ ਪ੍ਰਸਾਦ ਸਾਹੂ ਚੁੱਪ ਹਨ।
ਬੋਲੇ ਕਾਂਗਰਸ ਦੇ ਸਾਬਕਾ ਸੰਸਦ ਮੈਂਬਰ, ਧੀਰਜ ਸਾਹੂ ਤੋਂ ਹਿਸਾਬ ਮੰਗਣਾ ਅਣਉੱਚਿਤ
ਕਾਂਗਰਸ ਦੇ ਰਾਜ ਸਭਾ ਮੈਂਬਰ ਧੀਰਜ ਪ੍ਰਸਾਦ ਸਾਹੂ ਦੇ ਪੱਖ ਵਿੱਚ ਗੋਡਾ ਦੇ ਸਾਬਕਾ ਸੰਸਦ ਮੈਂਬਰ ਫੁਰਕਾਨ ਅੰਸਾਰੀ ਖੁੱਲ੍ਹ ਕੇ ਸਾਹਮਣੇ ਆਏ ਹਨ। ਉਨ੍ਹਾਂ ਨੇ ਸਾਹੂ ਪਰਿਵਾਰ ਦੇ ਵਪਾਰਕ ਸੰਸਥਾਨਾਂ ਤੋਂ ਕਰੋੜਾਂ ਰੁਪਏ ਮਿਲਣ ‘ਤੇ ਪਾਰਟੀ ਵੱਲੋਂ ਹਿਸਾਬ ਮੰਗਣ ਨੂੰ ਅਣਉੱਚਿਤ ਦੱਸਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਪਰਿਵਾਰ ਸ਼ੁਰੂ ਤੋਂ ਹੀ ਵਪਾਰ ਵਿੱਚ ਹੈ।
ਸਾਬਕਾ ਸੰਸਦ ਮੈਂਬਰ ਸ਼ਿਵ ਪ੍ਰਸਾਦ ਸਾਹੂ ਦੇ ਸਮੇਂ ਤੋ. ਇਨੳਾਂ ਦੇ ਘਰ ਹਜ਼ਾਰਾਂ-ਕਰੋੜਾਂ ਦਾ ਲੈਣ-ਦੇਣ ਹੁੰਦਾ ਰਿਹਾ ਹੈ। ਇਸ ਨਾਲ ਧੀਰਜ ਸਾਹੂ ਨੂੰ ਜੋੜਨਾ ਗਲਤ ਹੈ। ਪਰਿਵਾਰ ਦੇ ਸਾਰੇ ਮੈਂਬਰ ਵਪਾਰ ਕਰਦੇ ਹਨ। ਭਾਜਪਾ ਸਾਜ਼ਿਸ਼ ਰਚ ਕੇ ਉਸ ਨੂੰ ਫਸਾ ਰਹੀ ਹੈ। ਅਜਿਹਾ ਦਿਖਾਇਆ ਜਾ ਰਿਹਾ ਹੈ ਜਿਵੇਂ ਧੀਰਜ ਸਾਹੂ ਵੱਲੋਂ ਕਮਾਇਆ ਗਿਆ ਪੈਸਾ ਨਾਜਾਇਜ਼ ਹੈ। ਸਿਆਸੀ ਸਾੜੇ ਤੋਂ ਪ੍ਰੇਰਿਤ ਹੋ ਕੇ ਉਨ੍ਹਾਂ ਦਾ ਅਕਸ ਧੁੰਦਲਾ ਕੀਤਾ ਜਾ ਰਿਹਾ ਹੈ। ਜਦੋਂ ਇਹ ਰਾਜ ਸਭਾ ਮੈਂਬਰ ਨਹੀਂ ਸੀ, ਉਦੋਂ ਵੀ ਉਨ੍ਹਾਂ ਦਾ ਕਾਰੋਬਾਰ ਚੱਲ ਰਿਹਾ ਸੀ।
