ਦਿਲੀਪ ਕੁਮਾਰ ਨੂੰ ਹਸਪਤਾਲ ਮਿਲਣ ਪਹੁੰਚੇ ਜਾਵੇਦ ਅਖਤਰ

ਮੁੰਬਈ— ਮਸ਼ਹੂਰ ਸਕ੍ਰਿਪਟ ਲੇਖਕ ਜਾਵੇਦ ਅਖਤਰ ਦਿਲੀਪ ਕੁਮਾਰ ਨੂੰ ਮਿਲਣ ਹਸਪਤਾਲ ਪਹੁੰਚੇ। ਮੰਗਲਵਾਰ ਨੂੰ ਸੱਜੇ ਪੈਰ ‘ਚ ਸੋਜ ਹੋਣ ਕਾਰਨ ਉਪ ਨਗਰੀ ਬਾਂਦਰਾ ਸਥਿਤ ਲੀਲਾਵਤੀ ਹਸਪਤਾਲ ‘ਚ ਭਰਤੀ ਦਿਲੀਪ ਕੁਮਾਰ ਦਾ ਐਤਵਾਰ ਨੂੰ 94ਵਾਂ ਜਨਮਦਿਨ ਸੀ। ਜਾਵੇਦ ਅਖਤਰ ਦੀ ਪਤਨੀ ਤੇ ਅਭਿਨੇਤਰੀ ਸ਼ਬਾਨਾ ਆਜ਼ਮੀ ਨੇ ਸਾਇਰਾ ਬਾਨੋ ਤੇ ਦਿਲੀਪ ਕੁਮਾਰ ਨਾਲ ਆਪਣੇ ਪਤੀ ਦੀ ਇਕ ਤਸਵੀਰ ਟਵਿਟਰ ‘ਤੇ ਸਾਂਝੀ ਕੀਤੀ।ਸ਼ਬਾਨਾ ਨੇ ਤਸਵੀਰ ਸਾਂਝੀ ਕਰਨ ਦੇ ਨਾਲ ਹੀ ਖੁਦ ਹਸਪਤਾਲ ਨਾ ਜਾਣ ਦੀ ਵਜ੍ਹਾ ਵੀ ਦੱਸੀ। ਉਨ੍ਹਾਂ ਲਿਖਿਆ, ‘ਬਦਕਿਸਮਤੀ ਨਾਲ ਮੈਂ ਸ਼ਹਿਰ ‘ਚ ਨਹੀਂ ਸੀ… ਜਾਵੇਦ ਨੇ ਮੇਰੇ ਵਲੋਂ ਸਭ ਤੋਂ ਵੱਡੇ ਅਭਿਨੇਤਾ ਨੂੰ ਬਹੁਤ ਸਾਰੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ…।