ਜਦ ਤਨੂਜਾ ਨੂੰ ਦੋ ਥੱਪੜ ਪਏ

ਬਲੈਕ ਐਂਡ ਵ੍ਹਾਈਟ ਐਕਟਿੰਗ ਸ਼ੁਰੂ ਕਰ ਕੇ ਰੰਗੀਨ ਫਿਲਮਾਂ ਤੱਕ ਕੰਮ ਕਰਨ ਵਾਲੀ ਤਨੂਜਾ ਹੁਣ 73 ਸਾਲ ਦੀ ਹੋ ਗਈ ਹੈ। ਅਭਿਨੇਤਰੀ ਕਾਜੋਲ ਤੇ ਤਨੀਸ਼ਾ ਦੀ ਮਾਂ ਤਨੂਜਾ ਖੁਦ ਵੀ ਇੱਕ ਮਸ਼ਹੂਰ ਅਭਿਨੇਤਰੀ ਸ਼ੋਭਨਾ ਸਮਰਥ ਦੀ ਬੇਟੀ ਹੈ। ‘ਹਮਾਰੀ ਯਾਦ ਆਏਗੀ’ ਵਿੱਚ ਤਨੂਜਾ ਨੂੰ ਪਹਿਲੀ ਵਾਰ ਮੁੱਖ ਅਭਿਨੇਤਰੀ ਦੇ ਰੂਪ ਵਿੱਚ ਮੌਕਾ ਮਿਲਿਆ ਸੀ। ਇੱਕ ਇਮੋਸ਼ਨਲ ਸੀਨ ਵਿੱਚ ਉਨ੍ਹਾਂ ਨੂੰ ਰੋਣਾ ਸੀ, ਪਰ ਅੱਥਰੂ ਨਿਕਲ ਨਹੀਂ ਰਹੇ ਸਨ। ਉਨ੍ਹਾਂ ਦੀ ਪ੍ਰੇਸ਼ਾਨੀ ਦੂਰ ਕਰਨ ਦਾ ਡਾਇਰੈਕਟਰ ਕੇਦਾਰ ਸ਼ਰਮਾ ਨੇ ਨੁਸਖਾ ਕੱਢਿਆ। ਉਨ੍ਹਾਂ ਨੇ ਤਨਜਾ ਦੇ ਗੱਲ੍ਹ ਉੱਤੇ ਜ਼ੋਰਦਾਰ ਥੱਪੜ ਮਾਰ ਦਿੱਤਾ। ਤਨੂਜਾ ਰੋਣ ਲੱਗੀ ਅਤੇ ਸੈਟ ਛੱਡ ਕੇ ਘਰ ਜਾ ਪਹੁੰਚੀ।

ਮਾਂ ਸ਼ੋਭਨਾ ਨੂੰ ਸ਼ਿਕਾਇਤ ਕੀਤੀ, ਡਾਇਰੈਕਟਰ ਨੇ ਥੱਪੜ ਮਾਰਿਆ ਹੈ। ਇਹ ਸੁਣਦੇ ਹੀ ਸ਼ੋਭਨਾ ਨੇ ਇੱਕ ਹੋਰ ਥੱਪੜ ਜੜ ਦਿੱਤਾ। ਬੋਲੀ, ”ਤੁਰੰਤ ਸ਼ੂਟਿੰਗ ‘ਤੇ ਜਾ, ਹੁਣ ਫਿਰ ਕਦੇ ਸੈਟ ਛੱਡ ਕੇ ਨਾ ਦੌੜੀਂ।”