ਕੈਨੇਡਾ ਦੇ 92 ਸਾਲਾ ਵਿਅਕਤੀ ਦਾ ਨਾਂਅ ਸਭ ਤੋਂ ਪੁਰਾਣੇ ਪਲੰਬਰ ਦੇ ਰੂਪ ‘ਚ ਦਰਜ

ਟੋਰਾਂਟੋ,-ਗਿੰਨੀਜ਼ ਬੁੱਕ ਆਫ ਵਰਲਡ ਰਿਕਾਰਡਜ਼ ਵਿਚ ਕੈਨੇਡਾ ਦੇ ਇਕ 92 ਸਾਲਾ ਵਿਅਕਤੀ ਦਾ ਨਾਂ ਵਿਸ਼ਵ ਦੇ ਸਭ ਤੋਂ ਬਜ਼ੁਰਗ ਪਲੰਬਰ ਦੇ ਰੂਪ ਵਿਚ ਦਰਜ ਹੋਇਆ ਹੈ। ਆਮ ਤੌਰ ‘ਤੇ ਜ਼ਿਆਦਾਤਰ ਲੋਕ 6 ਸਾਲ ਦੀ ਉਮਰ ਵਿਚ ਸੇਵਾ ਮੁਕਤ ਹੋ ਜਾਂਦੇ ਹਨ ਪਰ ਲਾਰਨ ਫਿਗਲੇ ਦਾ 65 ਸਾਲਾਂ ਤੋਂ ਚੱਲ ਰਹੇ ਪਲੰਬਿੰਗ ਦੇ ਆਪਣੇ ਕੈਰੀਅਰ ਵਿਚ ਰੁਕਣ ਦਾ ਹਾਲੇ ਕੋਈ ਇਰਾਦਾ ਨਹੀਂ ਹੈ। ਫਿਗਲੇ ਨੇ ਇਹ ਆਪਣੀ ਯਾਤਰਾ ਦੂਜੇ ਵਿਸ਼ਵ ਯੁੱਧ ਤੋਂ ਵਾਪਸ ਆਉਣ ਤੋਂ ਮਗਰੋਂ ਸ਼ੁਰੂ ਕੀਤੀ ਸੀ ਜਿਸ ਵਿਚ ਉਹ ਹਾਲੈਂਡ ਦੀ ਅਜ਼ਾਦੀ ਦੌਰਾਨ ਕੈਨੇਡੀਆਈ ਫੌਜ ਦੇ ਨਾਲ ਲੜੇ ਸਨ। 1947 ਵਿਚ ਉਨ੍ਹਾਂ ਨੇ ਚਾਦਰ ਧਾਤੂ ਦੇ ਕੰਮ ਵਿਚ ਆਪਣਾ ਕੈਰੀਅਰ ਸ਼ੁਰੂ ਕੀਤਾ ਤੇ ਬਾਅਦ ਵਿਚ ਉਨ੍ਹਾਂ ਨੇ ਆਪਣੇ 4 ਦੋਸਤਾਂ ਨਾਲ ਬ੍ਰਾਡਵੇ ਹੀਟਿੰਗ ਲਿਮਟਿਡ ਵਿਚ ਕੰਮ ਕਰਨਾ ਸ਼ੁਰੂ ਕੀਤਾ। ਅੰਤ ਵਿਚ ਫਿਗਲੇ ਨੇ ਕੰਪਨੀ ਦੇ ਸਹਿ ਮਾਲਕ ਨੂੰ ਖਰੀਦ ਲਿਆ ਤੇ ਇਕਲੌਤੇ ਮਾਲਕ ਬਣੇ।