ਕਿਸਾਨ ਨੂੰ ਕੰਮ ਕਰਵਾਉਣ ਲਈ ਤਹਿਸੀਲ ‘ਚ ਨੰਗਾ ਹੋਣਾ ਪਿਆ

ਭਵਾਨੀਗੜ੍ਹ, (ਗੁਰਦਰਸ਼ਨ ਸਿੰਘ ਸਿੱਧੂ) : ਅੱਜ ਸਵੇਰੇ ਤਹਿਸੀਲਦਾਰ ਦਫ਼ਤਰ ਵਿਚ ਉਸ ਵੇਲੇ ਸਥਿਤੀ ਅਜੀਬੋ ਗ਼ਰੀਬ ਬਣ ਗਈ ਜਦ ਉਕਤ ਦਫ਼ਤਰ ਵਲੋਂ ਕਿਸਾਨ ਦੇ ਕੰਮ ਵਿਚ ਕੀਤੀ ਜਾ ਰਹੀ ਦੇਰੀ ਤੋਂ ਖਫ਼ਾ ਹੁੰਦਿਆਂ ਅਲਫ਼ ਨਗਨ ਹੋ ਕੇ ਰੋਸ ਪ੍ਰਦਰਸ਼ਨ ਕਰਨਾ ਸ਼ੁਰੂ ਕਰ ਦਿਤਾ। ਦਫ਼ਤਰ ਵਿਚ ਉਸ ਵੇਲੇ ਹੋਰ ਮੁਲਾਜ਼ਮਾਂ ਤੋਂ ਬਿਨਾਂ ਤਹਿਸੀਲਦਾਰ ਅਤੇ ਨਾਇਬ ਤਹਿਸੀਲਦਾਰ ਭਵਾਨੀਗੜ੍ਹ ਵੀ ਹਾਜ਼ਰ ਸਨ ਜਿਸ ਕਰ ਕੇ ਦਫ਼ਤਰੀ ਅਮਲੇ ਨੂੰ ਹੱਥਾਂ ਪੈਰਾਂ ਦੀ ਪੈ ਗਈ। ਬਾਅਦ ਵਿਚ ਅਧਿਕਾਰੀਆਂ ਵਲੋਂ ਉਕਤ ਵਿਅਕਤੀ ਨੂੰ ਸਮਝਾ ਬੁਝਾ ਕੇ ਕਾਰਵਾਈ ਕਰਨ ਦੇ ਭਰੋਸੇ ਤੋਂ ਬਾਅਦ ਉਹ ਸ਼ਾਂਤ ਹੋਇਆ।