ਕਸ਼ਮੀਰ ਵਿਧਾਨ ਸਭਾ ਵਿੱਚ ਫੌਜੀ ਤਸ਼ੱਦਦ ਦਾ ਜ਼ੋਰਦਾਰ ਵਿਰੋਧ

ਆਰ.ਐਸ.ਐਸ ਵਿਰੁੱਧ ਵੀ ਹੌਈ ਨਾਂਅਰੇਬਾਜ਼ੀ

ਸ੍ਰੀਨਗਰ (ਆਵਾਜ਼ ਬਿਊਰੋ)-ਜੰਮੂ-ਕਸ਼ਮੀਰ ਵਿਧਾਨ ਸਭਾ ਵਿੱਚ ਉਸ ਵੇਲੇ ਅਰਾਜਕਤਾ ਫੈਲ ਗਈ, ਜਦੋਂ ਕਾਂਗਰਸ, ਨੈਸ਼ਨਲ ਕਾਨਫਰੰਸ ਦੇ ਵਿਧਾਇਕਾਂ ਨੇ ਹੱਥਾਂ ਅਤੇ ਮੱਥੇ ਉੱਪਰ ਕਾਲੀਆਂ ਪੱਟੀਆਂ ਬੰਨ੍ਹ ਕੇ ਸੰਘ ਅਤੇ ਫੌਜੀ ਤਸ਼ੱਦਦ ਵਿਰੁੱਧ ਜ਼ੋਰਦਾਰ ਨਾਅਰੇਬਾਜੀ ਕੀਤੀ।ਸਪੀਕਰ ਨੇ ਸਦਨ ਵਿੱਚ ਸ਼ੋਕ ਪ੍ਰਸਤਾਵ ਰੱਖਿਆ, ਜਿਸ ਵਿੱਚ ਅੱਤਵਾਦੀਆਂ ਹੱਥੋਂ ਮਾਰੇ ਗਏ ਪੁਲਿਸ ਮੁਲਾਜ਼ਮਾਂ ਨੂੰ ਸ਼ਰਧਾਂਜਲੀ ਦਿੱਤੀ ਜਾਣੀ ਸੀ। ਕਾਂਗਰਸ ਅਤੇ ਨੈਸ਼ਨਲ ਕਾਨਫਰੰਸ ਦੇ ਵਿਧਾਇਕ ਸ਼ਰਧਾਂਜਲੀ ਦੇਣ ਦੀ ਥਾਂ ਆਪਣੇ ਨਾਗਪੁਰ ਸਰਕਾਰ ਹਾਏ-ਹਾਏ, ਇਜਰਾਈਲੀ ਏਜੰਡਾ ਨਹੀਂ ਚਲੇਗਾ, ਪੈਲਿਟ ਗੰਨ ਬੰਦ ਕਰੋ, ਮਸੂਮਾਂ ਦੇ ਕਤਲ ਬੰਦ ਕਰੋ ਦੇ ਨਾਅਰੇ ਲਗਾਉਂਦੇ ਰਹੇ। ਇਸ ਦੌਰਾਨ ਉਨ੍ਹਾਂ ਨੇ ਸਦਨ ਵਿੱਚ ਧਰਨਾ ਵੀ ਦਿੱਤਾ। ਨੈਸ਼ਨਲ ਕਾਨਫਰੰਸ ਦੇ ਅਲੀ ਮੁਹੰਮਦ ਸਾਗਰ ਨੇ ਕਿਹਾ ਕਿ ਇੱਥੇ ਜੀਐਸਟੀ ਬਾਰੇ ਸੈਸ਼ਨ ਬੁਲਾਉਣ ਦੀ ਕੀ ਤੁੱਕ ਹੈ, ਜਦੋਂ ਇਥੇ ਸੜਕਾਂ ਉੱਪਰ ਖੂਨ ਵਹਿ ਰਿਹਾ ਹੈ। ਉਨ੍ਹਾਂ ਮੌਜੂਦਾ ਭਾਜਪਾ-ਪੀਡੀਪੀ ਸਰਕਾਰ ਭੰਗ ਕਰਨ ਦੀ ਮੰਗ ਵੀ ਕੀਤੀ।