ਕਸ਼ਮੀਰ ਮਸਲੇ ਨੂੰ ਗਲ਼ਤ ਨਜ਼ਰੀਏ ਤੋਂ ਵੇਖ ਰਿਹੈ ਕੇਂਦਰ: ਫਾਰੂਕ

ਸ੍ਰੀਨਗਰ:-ਨੈਸ਼ਨਲ ਕਾਨਫਰੰਸ ਦੇ ਮੁਖੀ ਫਾਰੂਕ ਅਬਦੁੱਲਾ ਨੇ ਕਿਹਾ ਕਿ ਕੇਂਦਰ ਸਰਕਾਰ ਕਸ਼ਮੀਰ ਮਸਲੇ ਨੂੰ ਸੁਰੱਖਿਆ ਨਜ਼ਰੀਏ ਤੋਂ ਵੇਖਕੇ ਮੁੜ ਆਪਣੀ ਗਲਤੀ ਦੁਹਰਾਅ ਰਹੀ ਹੈ।ਉਨ੍ਹਾਂ ਘਾਟੀ ਦੀ ਸਮੱਸਿਆ ਦੇ ਹੱਲ ਲਈ ਪਾਕਿਸਤਾਨ ਸਮੇਤ ਸਾਰੀਆਂ ਧਿਰਾਂ ਨਾਲ ਗੱਲਬਾਤ ਦੀ ਮੰਗ ਮੁੜ ਦੁਹਰਾਈ। ਘਾਟੀ ਵਿੱਚ ਖ਼ੂਨ ਖਰਾਬੇ ਅਤੇ ਡਰ ਦੇ ਮਾਹੌਲ ‘ਤੇ ਚਿੰਤਾ ਪ੍ਰਗਟ ਕਰਦਿਆਂ ਉਨ੍ਹਾਂ ਕਿਹਾ ਕਿ ਰਾਜਸੀ ਪਹਿਲ ਰਾਹੀਂ ਕਸ਼ਮੀਰ ਮਸਲੇ ਦੇ ਹੱਲ ਨਾਲ ਹੀ ਖਿੱਤੇ ਵਿੱਚ ਸ਼ਾਂਤੀ ਸਥਾਪਤ ਹੋ ਸਕਦੀ ਹੈ।