ਅਮਰੀਕਾ ‘ਚ ਲਾਪਤਾ ਹੋਏ ਸਿੱਖ ਵਿਅਕਤੀ ਦੀ ਬੀਚ ਤੋਂ ਮਿਲੀ ਲਾਸ਼

ਨਿਊਯਾਰਕ (ਰਾਜ ਗੋਗਨਾ)—ਅਮਰੀਕਾ ਦੇ ਸੂਬੇ ਮਿਸ਼ੀਗਨ ‘ਚ ਰਹਿਣ ਵਾਲੇ ਦਿਲਬਾਗ ਸਿੰਘ (38 ਸਾਲ) ਪਿਛਲੇ ਦਿਨੀ 30 ਦਸੰਬਰ ਨੂੰ ਭੇਤਭਰੀ ਹਾਲਤ ਵਿਚ ਲਾਪਤਾ ਹੋ ਗਿਆ ਸੀ, ਬੀਤੀ ਰਾਤ ਨੂੰ ਉਸ ਦੀ ਲਾਸ਼ ਨੂੰ ਸੈਂਟ ਜੋਜ਼ਫ ਆਫ ਪਬਲਿਕ ਸੇਫਟੀ ਨੇ ਲਿੰਕਨ ਟਾਊਨਸ਼ਿਪ ਦੇ ਕਿਨਾਰੇ ਤੋਂ ਮਿਲੀ। ਜਾਣਕਾਰੀ ਅਨੁਸਾਰ ਦਿਲਬਾਗ ਸਿੰਘ ਦੇ ਪਰਿਵਾਰਕ ਮੈਂਬਰਾਂ ਵਲੋਂ ਉਸ ਦੀ ਲਾਪਤਾ ਹੋਣ ਦੀ ਰਿਪੋਰਟ 30 ਦਸੰਬਰ ਨੂੰ ਪੁਲਸ ਕੋਲ ਦਰਜ ਕਰਵਾਈ ਗਈ ਸੀ, ਮ੍ਰਿਤਕ ਅਮਰੀਕਾ ਦੇ ਮਿਸ਼ੀਗਨ ਸੂਬੇ ‘ਚ ਪਿਛਲੇ ਕੁਝ ਸਾਲਾਂ ਤੋਂ ਮਿਲਵਾਕੀ ਆਇਆ ਸੀ, ਇਥੇ ਮਿਸ਼ੀਗਨ ਵਿਚ ਉਸ ਦੇ ਤਿੰਨ ਸਟੋਰ ਸਨ। ਓਧਰ ਪੁਲਸ ਵਲੋਂ ਮ੍ਰਿਤਕ ਦੇ ਟਰੱਕ ਨੂੰ ਪਿਛਲੇ ਦਿਨੀਂ ਬੀਚ ਦੇ ਕੰਢੇ ਤੋਂ ਦੋ ਮੀਲ ਦੂਰੀ ਤੋਂ ਬਰਾਮਦ ਕੀਤਾ ਗਿਆ ਅਤੇ ਪੁਲਸ ਨੂੰ ਸ਼ੱਕ ਸੀ ਕਿ ਕਿਤੇ ਉਸ ਨੇ ਖੁਦਕੁਸ਼ੀ ਨਾ ਕੀਤੀ ਹੋਵੇ। ਮ੍ਰਿਤਕ ਦਿਲਬਾਗ ਸਿੰਘ ਆਪਣੇ ਪਿਛੇ ਪਤਨੀ ਤੇ ਦੋ ਬੱਚਿਆਂ ਨੂੰ ਛੱਡ ਗਿਆ ਹੈ।