ਅਮਰੀਕਾ, ਕੈਨੇਡਾ ਤੇ ਇੰਗਲੈਂਡ ਨੇ ਰੂਸ ‘ਤੇ ਲਾਏ ਕੋਰੋਨਾ ਵੈਕਸੀਨ ਰਿਸਰਚ ਚੋਰੀ ਦੇ ਇਲਜ਼ਾਮ

ਤਿੰਨਾਂ ਨੇ ਵੀਰਵਾਰ ਇਕ ਸਾਂਝਾ ਬਿਆਨ ਜਾਰੀ ਕਰਕੇ ਦਾਅਵਾ ਕੀਤਾ ਕਿ APT29 (Cozy Bear) ਨਾਂਅ ਦੇ ਹੈਕਿੰਗ ਗਰੁੱਪ ਨੇ ਅਭਿਆਨ ਛੇੜਿਆ ਹੋਇਆ ਹੈ। ਸਿਕਿਓਰਟੀ ਚੀਫ ਦਾ ਦਾਅਵਾ ਹੈ ਕਿ ਇਹ ਗਰੁੱਪ ਰੂਸ ਦੀਆਂ ਖੁਫੀਆ ਏਜੰਸੀਆਂ ਦਾ ਹਿੱਸਾ ਹੈ ਤੇ ਕ੍ਰੇਮਲਿਨ ਦੇ ਇਸ਼ਾਰੇ ‘ਤੇ ਕੰਮ ਕਰਦਾ ਹੈ।

ਬ੍ਰਿਟੇਨ ਦੇ ਵਿਦੇਸ਼ ਮੰਤਰੀ ਨੇ ਕਿਹਾ ਸਹਿਯੋਗੀਆਂ ਨਾਲ ਮਿਲ ਕੇ ਇਨ੍ਹਾਂ ਹਮਲਿਆਂ ਦੇ ਜ਼ਿੰਮੇਵਾਰ ਲੋਕਾਂ ‘ਤੇ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕੋਰੋਨਾ ਵਾਇਰਸ ਮਹਾਮਾਰੀ ਨਾਲ ਲੜ ਰਹੀਆਂ ਸੰਸਥਾਵਾਂ ‘ਤੇ ਰੂਸ ਦੀਆਂ ਖੁਫੀਆਂ ਏਜੰਸੀਆਂ ਦੇ ਹਮਲੇ ਸਵੀਕਾਰ ਨਹੀਂ ਕੀਤੇ ਜਾਣਗੇ।

ਬ੍ਰਿਟੇਨ ਦੇ ਨੈਸ਼ਨਲ ਸਾਇਬਰ ਸਿਕਿਓਰਟੀ ਸੈਂਟਰ ਨੇ ਦਾਅਵਾ ਕੀਤਾ ਕਿ Cozy Bear ਰੂਸ ਦੀ ਖੁਫੀਆ ਏਜੰਸੀਆਂ ਦਾ ਹਿੱਸਾ ਹੈ। ਨੈਸ਼ਨਲ ਸਾਇਬਰ ਸਿਕਿਓਰਟੀ ਸੈਂਟਰ ਦਾ ਕਹਿਣਾ ਹੈ ਕਿ ਇਨ੍ਹਾਂ ਹਮਲਿਆਂ ‘ਚ ਸਰਕਾਰੀ, ਕੂਟਨੀਤਕ, ਥਿੰਕ-ਟੈਂਕ, ਹੈਲਥਕੇਅਰ ਤੇ ਐਨਰਜੀ ਨਾਲ ਜੁੜੀਆਂ ਸੰਸਥਾਵਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ ਤਾਂ ਕਿ ਇੰਟਲੈਕਚੁਅਲ ਪ੍ਰਾਪਰਟੀ ਚੋਰੀ ਕੀਤੀ ਜਾ ਸਕੇ।

ਇਸ ਦਾਅਵੇ ਦਾ ਅਮਰੀਕਾ ਦੇ ਡਿਪਾਰਟਮੈਂਟ ਆਫ ਹੋਮਲੈਂਡ ਸਿਕਿਓਰਟੀ, ਸਾਇਬਰ ਸਿਕਿਓਰਟੀ ਇੰਫ੍ਰਾਸਟ੍ਰਕਚਰ ਸਿਕਿਓਰਟੀ ਏਜੰਸੀ, ਨੈਸ਼ਨਲ ਸਿਕਿਓਰਟੀ ਏਜੰਸੀ ਅਤੇ ਕੈਨੇਡਾ ਦੇ ਕਮਿਊਨੀਕੇਸ਼ਨ ਸਿਕਿਓਰਟੀ ਇਸਟੈਬਲਿਸ਼ਮੈਂਟ ਨੇ ਵੀ ਸਮਰਥਨ ਕੀਤਾ ਹੈ।

ਖ਼ਾਸ ਗੱਲ ਇਹ ਹੈ ਕਿ ਕੋਰੋਨਾ ਵਾਇਰਸ ਵੈਕਸੀਨ ਦੇ ਮਾਮਲੇ ‘ਚ ਤਿੰਨਾਂ ਦੇਸ਼ਾਂ ਨੂੰ ਸ਼ੁਰੂਆਤੀ ਸਫ਼ਲਤਾ ਮਿਲੀ ਹੈ। ਬ੍ਰਿਟੇਨ ਦੀ ਔਕਸਫੋਰਡ ਯੂਨੀਵਰਸਿਟੀ ਅਤੇ Astrazeneca ਦੀ ਵੈਕਸੀਨ ChAdOx1 nCoV-19 ਦਾ ਇਨਸਾਨਾਂ ‘ਤੇ ਕੀਤੇ ਸਭ ਤੋਂ ਪਹਿਲੇ ਟ੍ਰਾਇਲ ‘ਚ ਐਂਟੀਬੌਡੀ ਅਤੇ ਵਾਈਟ ਬਲੱਡ ਸੈਲਜ਼ ਵਿਕਸਿਤ ਹੁੰਦੇ ਪਾਏ ਗਏ। ਅਮਰੀਕਾ ਦੀ Moderna Inc ਦੀ ਵੈਕਸੀਨ mrna1273 ਦੇ ਟ੍ਰਾਇਲ ‘ਚ ਵੀ ਐਂਟੀਬੌਡੀ ਪਾਈ ਗਈ। ਉੱਥੇ ਹੀ ਰੂਸ ਨੇ ਵੀ ਦਾਅਵਾ ਕੀਤਾ ਹੈ ਕਿ ਉਹ ਕੋਰੋਨਾ ਵੈਕਸੀਨ ਬਣਾਉਣ ਵੱਲ ਸਫ਼ਲਤਾ ਨਾਲ ਵਧ ਰਿਹਾ ਹੈ।