ਅਗਲੇ ਸਾਲ ਆਏਗੀ ਦਿਲਜੀਤ ਤੇ ਅਨੁਸ਼ਕਾ ਦੀ ‘ਫਿਲੌਰੀ’

ਚੰਡੀਗੜ੍ਹ: ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਦੇ ਪ੍ਰੋਡਕਸ਼ਨ ਦੀ ਦੂਜੀ ਫਿਲਮ ‘ਫਿਲੌਰੀ’ 24 ਮਾਰਚ, 2017 ਨੂੰ ਰਿਲੀਜ਼ ਹੋਵੇਗੀ। ਫਿਲਮ ਵਿੱਚ ਅਨੁਸ਼ਕਾ ਦੇ ਇਲਾਵਾ ਪੰਜਾਬੀ ਸਟਾਰ ਦਿਲਜੀਤ ਦੋਸਾਂਝ, ਸੂਰਜ ਸ਼ਰਮਾ ਤੇ ਮੇਹਰੀਨ ਪੀਰਜ਼ਾਦਾ ਨੇ ਮੁੱਖ ਭੂਮਿਕਾਵਾਂ ਨਿਭਾਈਆਂ ਹਨ। ਫਿਲਮ ਦਾ ਨਿਰਮਾਣ ਅਨੁਸ਼ਕਾ ਸ਼ਰਮਾ ਤੇ ਉਨ੍ਹਾਂ ਦੇ ਭਰਾ ਦੀ ਕਲੀਨ ਸਟੇਟ ਫਿਲਮ ਤੇ ਫੌਕਸ ਸਟਾਰ ਸਟੂਡੀਓ ਨੇ ਕੀਤਾ ਹੈ। ਅਨੁਸ਼ਕਾ ਸ਼ਰਮਾ ਨੇ ਸੋਸ਼ਲ ਮੀਡੀਆ ਟਵਿੱਟਰ ‘ਤੇ ਲਿਖਿਆ, ਫਿਲੌਰੀ ਦੀ ਰਿਲੀਜ਼ ਡੇਟ: ਮਾਰਚ 24, 2017 ਹੈ। ਲਿਖ ਕੇ ਰਖੋ.. ਹੁਣੇ ਤੋਂ..ਬਹੁਤ ਮਜ਼ਾ ਆਉਣ ਵਾਲਾ ਹੈ।”

28 ਸਾਲਾ ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਨੇ ਸਾਲ 2015 ਵਿੱਚ ਐਨ.ਐਚ.-10 ਰਾਹੀਂ ਫਿਲਮ ਨਿਰਮਾਣ ਦੇ ਖੇਤਰ ਵਿੱਚ ਕਦਮ ਰੱਖਿਆ ਸੀ।