ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਰੋਹਿਤ ਸ਼ੈੱਟੀ ਦੀ ਮਸ਼ਹੂਰ ਫਰੈਂਚਾਇਜ਼ੀ ‘ਸਿੰਘਮ’ ਦੀ ਤੀਜੀ ਕਿਸ਼ਤ ‘ਸਿੰਘਮ ਅਗੇਨ’ ਦਾ ਫੈਨਜ਼ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਅਜੇ ਦੇਵਗਨ ਇਕ ਵਾਰ ਫਿਰ ਫ਼ਿਲਮ ‘ਚ ਜ਼ਬਰਦਸਤ ਐਕਸ਼ਨ ਕਰਦੇ ਨਜ਼ਰ ਆਉਣਗੇ। ਇਸ ਵਾਰ ਸਟਾਰ ਕਾਸਟ ਵੀ ਕਾਫੀ ਵੱਡੀ ਹੈ।
ਫ਼ਿਲਮ ’ਚ ਟਾਈਗਰ ਸ਼ਰਾਫ, ਅਕਸ਼ੈ ਕੁਮਾਰ, ਰਣਵੀਰ ਸਿੰਘ ਤੇ ਦੀਪਿਕਾ ਪਾਦੂਕੋਣ ਦਾ ਐਕਸ਼ਨ ਵੀ ਦੇਖਣ ਨੂੰ ਮਿਲੇਗਾ। ਇਸ ਕਾਰਨ ਫ਼ਿਲਮ ਨੂੰ ਲੈ ਕੇ ਫੈਨਜ਼ ਦਾ ਉਤਸ਼ਾਹ ਕਾਫੀ ਬਣਿਆ ਹੋਇਆ ਹੈ। ‘ਸਿੰਘਮ ਅਗੇਨ’ ਦੀ ਰਿਲੀਜ਼ ਦਾ ਸਮਾਂ ਆ ਗਿਆ ਹੈ ਪਰ ਫੈਨਜ਼ ਨੂੰ ਰੁਝੇ ਰੱਖਣ ਲਈ ਅਜੇ ਦੇਵਗਨ ਦੀ ਫਿਲਮ ‘ਚ ਐਂਟਰੀ ਦਾ ਸੀਨ ਸਾਹਮਣੇ ਆਇਆ ਹੈ।
‘ਸਿੰਘਮ ਅਗੇਨ’ ‘ਚ ਇਸ ਤਰ੍ਹਾਂ ਹੋਵੇਗੀ ਅਜੇ ਦੇਵਗਨ ਦੀ ਐਂਟਰੀ
‘ਸਿੰਘਮ ਅਗੇਨ’ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਰੋਹਿਤ ਸ਼ੈੱਟੀ ਲਗਾਤਾਰ ਫ਼ਿਲਮ ਨਾਲ ਜੁੜੀ ਕੋਈ ਨਾ ਕੋਈ ਅਪਡੇਟ ਸ਼ੇਅਰ ਕਰ ਰਹੇ ਹਨ। ਉਸਨੇ ਨਵੇਂ ਪੋਸਟਰਾਂ ਵਿੱਚ ਫ਼ਿਲਮ ਵਿੱਚ ਸ਼ਾਮਲ ਹੋਣ ਵਾਲੀ ਬਾਕੀ ਸਟਾਰ ਕਾਸਟ ਦਾ ਖ਼ੁਲਾਸਾ ਕੀਤਾ। ਇਸ ਨਾਲ ਹੀ ਹੁਣ ਉਨ੍ਹਾਂ ਨੇ ਫ਼ਿਲਮ ‘ਸਿੰਘਮ ਅਗੇਨ’ ਦੀ ਸ਼ੂਟਿੰਗ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਜਿਨ੍ਹਾਂ ਨੂੰ ਦੇਖ ਕੇ ਲੋਕਾਂ ‘ਚ ਫ਼ਿਲਮ ਨੂੰ ਲੈ ਕੇ ਉਤਸ਼ਾਹ ਦੁੱਗਣਾ ਹੋ ਗਿਆ ਹੈ।
ਪਹਿਲੀ ਫੋਟੋ ਵਿੱਚ ਬੰਕਰ ਵੈਨਾਂ ਕੰਧ ਤੋੜ ਕੇ ਗੱਡੀਆਂ ਨੂੰ ਉਡਾਉਂਦੇ ਹੋਏ ਐਂਟਰੀ ਲੈਂਦੇ ਨਜ਼ਰ ਆ ਰਹੇ ਹਨ। ਜਦੋਂ ਕਿ ਦੂਜੀ ਫੋਟੋ ਵਿੱਚ ਰੋਹਿਤ ਵੈਨ ਨੂੰ ਹਿਲਾਉਂਦੇ ਹੋਏ ਤੇ ਡਰਾਈਵਰ ਨੂੰ ਰੁਕਣ ਦਾ ਇਸ਼ਾਰਾ ਕਰਦੇ ਦੇਖਿਆ ਜਾ ਸਕਦਾ ਹੈ। ਰੋਹਿਤ ਸ਼ੈੱਟੀ ਨੇ ‘ਵਰਕ ਇਨ ਪ੍ਰੋਗਰੈਸ’ ਕੈਪਸ਼ਨ ਦੇ ਨਾਲ ਇਹ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਸ ਨਾਲ ਸਿੰਘਮ ਅਗੇਨ ਹੈਸ਼ਟੈਗ ਵੀ ਲਿਖਿਆ ਗਿਆ ਹੈ। ਫੋਟੋ ਨੂੰ ਦੇਖਣ ਤੋਂ ਬਾਅਦ ਫੈਨਜ਼ ਨੇ ਅੰਦਾਜ਼ਾ ਲਗਾਇਆ ਹੈ ਕਿ ਇਹ ਅਜੇ ਦੇਵਗਨ ਦਾ ਐਂਟਰੀ ਸੀਨ ਹੈ। ਕਈ ਯੂਜ਼ਰਜ਼ ਨੇ ਇਹ ਵੀ ਕੁਮੈਂਟ ਕੀਤਾ ਹੈ ਕਿ ਇਹ ਫ਼ਿਲਮ ਦਾ ਕਲਾਈਮੈਕਸ ਸੀਨ ਹੋ ਸਕਦਾ ਹੈ।
‘ਪੁਸ਼ਪਾ 2’ ਨਾਲ ਟਕਰਾਏਗੀ ‘ਸਿੰਘਮ ਅਗੇਨ’
ਇਹ ਮਸ਼ਹੂਰ ਐਕਸ਼ਨ-ਕਾਮੇਡੀ ਫਰੈਂਚਾਇਜ਼ੀ ਫਿਲਮ ਅਗਲੇ ਸਾਲ 15 ਅਗਸਤ ਨੂੰ ਰਿਲੀਜ਼ ਹੋ ਰਹੀ ਹੈ। ਅੱਲੂ ਅਰਜੁਨ ਦੀ ‘ਪੁਸ਼ਪਾ 2’ (ਪੁਸ਼ਪਾ: ਦ ਰੂਲ) ਵੀ ਇਸੇ ਦਿਨ ਰਿਲੀਜ਼ ਹੋ ਰਹੀ ਹੈ। ਇਸ ਦਾ ਮਤਲਬ ਹੈ ਕਿ ਬਾਕਸ ਆਫਿਸ ‘ਤੇ ਇਕ ਵਾਰ ਫਿਰ ਤੋਂ ਦੋ ਵੱਡੀਆਂ ਫਿਲਮਾਂ ਵਿਚਾਲੇ ਜ਼ਬਰਦਸਤ ਟੱਕਰ ਹੋਵੇਗੀ।
