ਬੈਟਰੀਆਂ ਚੋਰੀ ਕਰਨ ਵਾਲੇ ਨੂੰ ਕੀਤਾ ਕਾਬੂ

ਪੱਤਰ ਪੇ੍ਰਰਕ, ਖੰਨਾ : ਮਾਲੇਰਕੋਟਲਾ ਰੋਡ ‘ਤੇ ਲੱਕੜ ਦੇ ਆਰੇ ਤੋਂ ਬੈਟਰੀਆਂ ਚੋਰੀ ਕਰਨ ਵਾਲੇ ਚੋਰ ਨੂੰ ਲੋਕਾਂ ਨੇ ਕਾਬੂ ਕਰ ਲਿਆ। ਚੋਰ ਨੂੰ ਰੱਸੀਆਂ ਨਾਲ ਬੰਨ੍ਹ ਕੇ ਬਾਅਦ ‘ਚ ਪੁਲਿਸ ਹਵਾਲੇ ਕਰ ਦਿੱਤਾ ਗਿਆ। ਮੁਲਜ਼ਮ ਦੀ ਪਛਾਣ ਰਿਸ਼ਵ ਕੁਮਾਰ ਵਾਸੀ ਬਿਲਾਂ ਵਾਲੀ ਛੱਪੜੀ ਵਜੋਂ ਹੋਈ ਹੈ। ਸਿਟੀ ਥਾਣਾ 2 ਦੀ ਪੁਲਿਸ ਨੇ ਆਰੇ ਮਾਲਕ ਬਲਵਿੰਦਰ ਸਿੰਘ ਦੀ ਸ਼ਿਕਾਇਤ ‘ਤੇ ਮਾਮਲਾ ਦਰਜ ਕਰ ਲਿਆ ਹੈ। ਬਲਵਿੰਦਰ ਸਿੰਘ ਨੇ ਦੱਸਿਆ ਉਸ ਦਾ ਲੱਕੜ ਦਾ ਆਰਾ ਹੈ ਉਸ ਕੋਲ ਲੋਡਿੰਗ ਕਰੇਨ ਹੈ। ਮੁਲਜ਼ਮ ਰਿਸ਼ਵ ਕੁਮਾਰ ਨੇ ਆਰੇ ‘ਚ ਦਾਖਲ ਹੁੰਦੇ ਸਮੇਂ ਬੈਟਰੀ ਚੋਰੀ ਕਰ ਲਈ ਸੀ ਪਰ ਉਹ ਮੌਕੇ ‘ਤੇ ਹੀ ਰੰਗੇ ਹੱਥੀਂ ਫੜਿਆ ਗਿਆ। ਪੁਲਿਸ ਅਨੁਸਾਰ ਮੁਲਜ਼ਮ ਨੂੰ ਗਿ੍ਫ਼ਤਾਰ ਕਰਕੇ ਜਾਂਚ ਕੀਤੀ ਜਾ ਰਹੀ ਹੈ।