ਆਨਲਾਇਨ ਡੈਸਕ, ਮਧੁਬਨੀ : ਸਵੇਰੇ ਕਰੀਬ 8.30 ਵਜੇ ਫੁਲਪਾਰਸ ਥਾਣਾ ਖੇਤਰ ਦੇ ਐੱਨਐੱਚ 57 ‘ਤੇ ਦਰਭੰਗਾ ਤੋਂ ਮਧੇਪੁਰਾ ਵੱਲ ਜਾ ਰਹੀ ਡੀਐਮ ਦੀ ਗੱਡੀ ਨੇ ਫੁਲਪਾਰਸ ਪੁਵਾਰੀ ਟੋਲਾ ਨੇੜੇ ਇਕ ਔਰਤ ਅਤੇ ਉਸ ਦੇ ਬੱਚੇ ਨੂੰ ਕੁਚਲ ਦਿੱਤਾ। ਇਸ ਤੋਂ ਬਾਅਦ ਐੱਨਐੱਚ ਬੈਂਕ ‘ਤੇ ਕੰਮ ਕਰ ਰਹੇ ਮਜ਼ਦੂਰ ਨੂੰ ਵੀ ਕੁਚਲ ਦਿੱਤਾ ਗਿਆ। ਡੀਐਮ ਅਤੇ ਡਰਾਈਵਰ ਕਾਰ ਛੱਡ ਕੇ ਭੱਜ ਗਏ। ਕਾਰ ਰੇਲਿੰਗ ਨਾਲ ਟਕਰਾ ਗਈ।
ਇਸ ਘਟਨਾ ਤੋਂ ਬਾਅਦ ਉੱਥੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ। ਭੀੜ ਇਕੱਠੀ ਹੋਣ ਤੋਂ ਪਹਿਲਾਂ ਹੀ ਡੀਐੱਮ ਅਤੇ ਉਨ੍ਹਾਂ ਦਾ ਡਰਾਈਵਰ ਘਟਨਾ ਵਾਲੀ ਥਾਂ ਤੋਂ ਫਰਾਰ ਹੋ ਗਿਆ। ਫਿਲਹਾਲ ਕਾਰ ਉੱਥੇ ਹੀ ਖੜ੍ਹੀ ਹੈ।
ਵਿਜੇ ਪ੍ਰਕਾਸ਼ ਮੀਨਾ ਦੀ ਮਧੇਪੁਰਾ ਵਿੱਚ ਡੀਐੱਮ ਵਜੋਂ ਇਹ ਪਹਿਲੀ ਤਾਇਨਾਤੀ ਹੈ। ਉਹ ਰਾਜਸਥਾਨ ਦਾ ਰਹਿਣ ਵਾਲਾ ਹੈ।
ਮ੍ਰਿਤਕਾ ਦਾ ਨਾਂ : ਗੁੜੀਆ ਦੇਵੀ (28), ਪਤੀ ਰਣਜੀਤ ਸਾਹ ਅਤੇ ਉਸ ਦੀ ਲੜਕੀ (7), ਮ੍ਰਿਤਕ ਮਜ਼ਦੂਰ ਅਤੇ ਜ਼ਖਮੀ ਮਜ਼ਦੂਰ ਦੀ ਅਜੇ ਤੱਕ ਪਛਾਣ ਨਹੀਂ ਹੋ ਸਕੀ ਹੈ।
