ਟਰੰਪ ਦੀ ਟਰੇਡ ਵਾਰ ਦਾ ਅਗਲਾ ਨਿਸ਼ਾਨਾ ਬਣ ਸਕਦੈ ਭਾਰਤ

ਨਵੀ ਦਿੱਲੀ 15 ਫਰਵਰੀ (ਮਪ) ਭਾਰਤ ਇੰਡੋਨੇਸ਼ੀਆ ਮਲੇਸ਼ੀਆ ਅਤੇ ਵੀਅਤਨਾਮ ਅਜੇ ਤੱਕ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਟ੍ਰੇਡ ਵਾਰ ਤੋਂ ਬੱਚੇ ਹੋਏ ਹਨ ਪਰ ਆਉਣ ਵਾਲੇ ਸਮੇਂ ਵਿਚ ਸੰਭਵ ਹੈ ਕਿ ਇਹ ਦੇਸ਼ ਟਰੰਪ ਦੀਆਂ ਨੀਤੀਆਂ ਦਾ ਨਿਸ਼ਾਨਾ ਬਣ ਜਾਣ। ਅਮਰੀਕਾ ਇਨ੍ਹਾਂ ਸਾਰੇ ਦੇਸ਼ਾਂ ਦੇ ਨਾਲ ਵੱਡੇ ਵਪਾਰਕ ਘਾਟੇ ਵਿਚ ਹੈ। ਬਲੂਮਰਗ ਵਿਚ ਛਪੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਟਰੰਪ ਦੇ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਅਮਰੀਕਾ 12 ਦੇਸ਼ਾਂ ਦੀ ਟਰਾਂਸ ਪੈਸੇਫਿਕ ਪਾਰਟਨਰਸ਼ਿਪ ਤੋਂ ਬਾਹਰ ਆ ਗਿਆ ਹੈ ਅਤੇ ਉਸ ਨੇ ਜਾਪਾਨ ਚੀਨ ਅਤੇ ਸਾਊਥ ਕੋਰੀਆਂ ਦੀ ਟ੍ਰੇਡ ਪਾਲਿਸੀ ਤੇ ਹਮਲਾ ਬੋਲਿਆ ਹੈ। ਇਸ ਦੇ ਨਾਲ ਹੀ ਅਮਰੀਕਾ ਨਵੇਂ ਟੈਕਸ ਸੁਧਾਰ ਵਿਚ ਆਪਣੀਆਂ ਦਰਾਮਦਾਂ ਤੇ ਵਾਧੂ ਟੈਕਸ ਲਾ ਸਕਦਾ ਹੈ। ਟਰੰਪ ਦੀ ਇਨ੍ਹਾਂ ਹਿਰਾਜ਼ਤਵਾਦੀ ਨੀਤੀਆਂ ਤੇ ਚਿੰਤਾ ਪ੍ਰਗਟਾਈ ਜਾ ਰਹੀ ਹੈ ਜਿਸ ਦੇ ਨਾਲ ਗਲੋਬਲ ਇਕਾਨਮੀ ਦੇ ਵਿਕਾਸ ਤੇ ਅਸਰ ਪੈ ਸਕਦਾ ਹੈ। ਏਸ਼ੀਅਨ ਟ੍ਰੇਡ ਸੈਂਟਰ ਦੇ ਐਗਜ਼ੀਕਿਊਟਿਵ ਡਾਇਰੈਕਟਰ ਡੇਬੁਰਾ ਏਮਸ ਨੇ ਕਿਹਾ ਏਸ਼ੀਆਂ ਦੇ ਲਗਭਗ ਸਾਰੇ ਦੇਸ਼ ਅਮਰੀਕਾ ਨੂੰ ਭਾਰੀ ਭਰਕਮ ਬਰਾਮਦ ਕਰਦੇ ਹਨ। ਵਪਾਰ ਘਾਟੇ ਦੇ ਕਾਰਨ ਟਰੰਪ ਕਦੇ ਵੀ ਸਖਤ ਹੋ ਸਕਦੇ ਹਨ। ਸ਼ਾਇਦ ਦੂਜੇ ਦੇਸ਼ ਅਜੇ ਤੱਕ ਇਸ ਸਬੰਧੀ ਸੁਚੇਤ ਨਹੀ ਹਨ।