80 ਪ੍ਰਾਣੀ ਚੜ੍ਹੇ ਗੁਰੂ ਕੇ ਜਹਾਜੇ
ਬਰਗਾੜੀ- ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ ਭਾਈ ਧਿਆਨ ਸਿੰਘ ਮੰਡ ਦੀ ਅਗਵਾਈ ਹੇਠ ਬਰਗਾੜੀ ਵਿੱਚ ਚੱਲ ਰਹੇ ਇਨਸਾਫ ਮੋਰਚੇ ਦੇ 66ਵੇਂ ਦਿਨ ਐਤਵਾਰ ਦੇ ਇਕੱਠ ਨੇ ਫਿਰ ਪਿਛਲੇ ਸਾਰੇ ਰਿਕਾਰਡ ਮਾਤ ਪਾ ਦਿੱਤੇ।ਮੋਰਚੇ ਵਿੱਚ ਕੋਟਕਪੂਰਾ ਅਤੇ ਫਰੀਦਕੋਟ ਦੇ ਮੁਸਲਮਾਨ ਭਾਈਚਾਰੇ ਦੇ ਇੱਕ ਬਹੁਤ ਵੱਡੇ ਜਥੇ ਨੇ ਵੀ ਸਮੂਲੀਅਤ ਕੀਤੀ। ਜਿਕਰਯੋਗ ਹੈ ਕਿ ਮੁਸਲਮਾਨ ਭਾਈਚਾਰੇ ਦੇ ਕਾਫਲੇ ਪਹਿਲਾਂ ਵੀ ਬਰਨਾਲਾ, ਮਹਿਲ ਕਲਾਂ ਅਤੇ ਮਲੇਰਕੋਟਲੇ ਤੋਂ ਗੁਲਾਮ ਹੈਦਰ ਕਾਦਰੀ ਦੀ ਅਗਵਾਈ ਵਿੱਚ ਵੀ ਹਾਜਰੀ ਲਗਵਾ ਕੇ ਗਏ ਹਨ।ਦੂਰ ਦੂਰਾਡੇ ਤੋਂ ਆਏ ਕਾਫਲਿਆਂ ਦੇ ਵਹੀਕਲ ਖੜੇ ਕਰਨ ਲਈ ਦਾਣਾ ਮੰਡੀ ਬਰਗਾੜੀ ਦੀ ਪਾਰਕਿੰਗ ਛੋਟੀ ਪੈ ਗਈ। ਦਾਣਾ ਮੰਡੀ ਤੋਂ ਬਾਹਰ ਜਿੱਥੇ ਵੀ ਕਿਤੇ ਸੜਕ ਤੇ ਜਗਾਹ ਮਿਲੀ ਸੰਗਤ ਨੂੰ ਪੰਡਾਲ ਤੋਂ ਕਾਫੀ ਦੂਰ ਦੂਰ ਬਸਾਂ ਖੜੀਆਂ ਕਰਨੀਆਂ ਪਈਆਂ।ਮੋਰਚੇ ਵੱਲੋਂ ਸ਼ੁਰੂ ਕੀਤੀ ਧਰਮ ਪ੍ਰਚਾਰ ਲਹਿਰ ਵੀ ਦਿਨੋਂ ਦਿਨ ਜੋਰ ਫੜਦੀ ਜਾ ਰਹੀ ਹੈ।ਹਰ ਆਏ ਐਤਵਾਰ ਅਮ੍ਰਿਤ ਅਭਿਲਾਖੀਆਂ ਦੀ ਗਿਣਤੀ ਵੀ ਵਧਦੀ ਜਾ ਰਹੀ ਹੈ।ਬੀਤੇ ਕੱਲ ਵੀ ਤਖਤ ਸ੍ਰ ਕੇਸ਼ਗੜ ਸਾਹਿਬ ਦੇ ਜਥੇਦਾਰ ਭਾਈ ਅਮਰੀਕ ਸਿੰਘ ਅਜਨਾਲਾ ਦੀ ਅਗਵਾਈ ਹੇਠ ਦਮਦਮੀ ਟਕਸਾਲ ਜਥਾ ਅਜਨਾਲਾ ਦੇ ਪੰਜ ਪਿਆਰੇ ਸਿੰਘਾਂ ਵੱਲੋਂ ਅਮ੍ਰਿਤ ਸੰਚਾਰ ਕਰਵਾਇਆ ਗਿਆ। ਕੱਲ੍ਹ ਦੇ ਅਮ੍ਰਿਤ ਸੰਚਾਰ ਵਿੱਚ 80 ਦੇ ਕਰੀਬ ਪਰਾਣੀਆਂ ਨੇ ਅਮ੍ਰਿਤ ਦੀ ਦਾਤ ਪਰਾਪਤ ਕੀਤੀ।
